اني ابسرعه رفعت راسي وعدلت وكفتي
هو :اشونج بس كاله بحزن ماعرف شنو سره
اني الحمد لله اخي بخير!!! كوة طلعت من حلكي
هو: مبروك مصارت فرصه اباركلج على الخطوبة !!!
اني "الله يبارك بيك يوم الك
هو : الله كريم
ورااح واخذ كلبي وياه هاي اول مرة يحجي وياي مده اشويه اطول من كل مرة وسألني عن حالي عجيب امرة ..
...
بعد شهر رمضان بدة قاسم يلح عليه نزوج بيت اهله واني ما اقبل لان عنده اخت محد يحملها يعني بفترة الخطوبه وكلساع مسويه مشكله بينا مووانوب ازوج يمها وقاسم كل مايمر الوقت ابده اختنك منه ومن تصرفاته احسه طفل كولشي بيد امه واخته . وكولشي يصير يسولف لأخته ابسط الاحداث . وكبل تجيني اخته تعاتب بالموبايل ...
موعد عرس علي قرب واني طالعه روحي دوم مخنوكه احس نفسي راح اموت اذا اكمل مع قاسم .. وما اشكي لأحد لان اعرف اني كبرت ومو صغيره . طبعا نسيت اذكر انو سحر حبلت وهسه هي بشهر ال4 وحمله كوله نايمه على ضهرها لان ضعيف واني اخدم بيها .
اكثر من مرة طلعت مع قاسم للزيارة مرة ومرة للمطعم بس ما ارتاح وياه اشون راح اكابله العمر كوله ماعرف
بعد الحاح منه وافقت ازوج ويه اهله منا من كمل بناء ..
فد يوم كنت نايمة كعدني اتصال قاسم
اني . الو قاسم هلاا
هو "شنو نايمه ؟
اني" اي والله
هو شنو كل ماخابرج نايمه 24 ساعه ها ترة من نزوج ماكو نوم كولة ني...
اني اهنا ضليت صافنه هذا شدا يكول الادب سزز عدلت كعدتي وسديت الخط وعفته
ضل يومين يعتذر ..
امي . زينب زينب
اني : ها يمه
امي : يمه اجه خطيبج بلاستقبال تعاي شوفيه
اني بكلبي لا هلا ولا مرحبه مقرف
هو :: اشونج حبي
اني هلا
هو شنو بعده زعلان الاسمر
اني : اني مو سمرة حنطاويه
هو : يلا عمي بيضه كيمر بس لا تعفصين هالوجه
اني : ترة ما ضحك
هو : جبتلج هذا
اني هاي شنو.
هو "نيشانج مدري ذهبج
اني :شنووو
هو" اي دشوفيه
اني :ليش انت اشتريته غير اني اشتريته على ذؤقي
هو :واشبيه ذؤقي هااا
اني مابيه شي بس اني ترة الي راح البسه مو انت حتى اتجيبه من غير ما تستشيرني
هو: شوفي يا بت الناس اني اسويه الي اريده ومن هسه اكولج اني كلمتي الي ماشيه حتى عليج اوكي
اني : هسه كلمتك شلها علاقه بالموضوع . هاي امور بنات اني اعرف منك بالشرايه ليش اتجيب على ذؤقك
قاسم" مو اني جبتهم اخلاص (اخته) جابتهم وهي ذؤقه مثل ذؤقي حللو دشوفيهم وبعدين احجي
اني فتحت العلب ولكيت تراجي نفخ عراقي شكبر الوحده تخرع وكلاده سنساله يريد ينكطع من الرفع لا وانوب المداليه دمعه زركه من زمن بيبيتي ومحبس اويلي على شكل ليرة ضليت صافنه على الذهب اني هذا اذبه بالزباله ولا البسه قريت الوصولات كوله ما صاير 800 الف
هو طلع وضاج من ردة فعلي راويته لامي ضلت صافنه كالت احنه مو اتفقنا ينطونا مهرج واحنه نصرف ليش يصرفون من وحدهم .. بعدين كالت مو مهم يمه عوفيهن ذني امهاته دايراته من تزوجون انت اديري وتبدلي وابوج تراسج ذهب بالعرس اتلبسيه .. خابرني قاسم نص الليل طبعا كلامه كلش مو حلو واخجل منه ودائما ازعل منه ويضل يوعدني ما يعيده اشويه وهم يرجع ..
قاسم : اشونه الحلووو
اني هلا هلا قسومي اشونك
قاسم : قسومي مشتاقلج
اني فديتك والله
ولج اني هم فديتج انت و......
اني :كم مرة كتلك لا تلفظ هاي الالفاظ ماحبه
هو : يعمري لازم اكوله حتى تتعودين وانت هم مرتي مابي شي غير نشيل التكلفه
اني : لا بالله
هو :ما علينا كولي حبي شلابسه!!!!
اني : ب براءة لابسه سيت نوم
هو : اوصفيه
اني : ليش
هو : فضول
اني : سيت برموده اصفر
هو :واكيد لزاكي اويلي ياااابه اني.........
اني : انت ما منك فايده باي
....
بعد فتره طلب مني اخذ اذن اروح وياه للزيارة طبعا مارحبت بالفكرة لان اخر مرة ضوجني بحركاته مزعجه .. بس مارفضت لازم انطي نفسي فرصه اتقبله
صدوك بابا وافق وطلعت ويااه
رحنا زرنا اني دخلت للامام بس هو اشو مادخل للضريح كملت زيارة لكيته كاعد بمكانه .
كتله يلا خلصت
هو : ها خوش يلا راح اخذج نشوف بيتنا صحيح هو ما كامل بس خل اروايج .
اني لا مو على اساس تاخذني للسوق ومناك للمطعم
هو يبو انت ربج الأكل والجرود
اني انحرجت منه ومن طريقته بالكلام جدا جارحه
كتله" كولشي ماريد منك بس هذا كان مخططك انت مو اني يلا رجعني لبيت اهلي وزعلت وضل يرضي بيا كوة قنعني صعدنا بسيارته ورحنا لبيته جان مبني بس ما ملبوخ ولا مأسس ع النص شفت الغرف والتصميم ومن ردنا نطلع كال تعاي ليش ما تنطيني بوسه
اني كتله قاسم ما يلا خل نرجع وركضت للسيارة وصعدت بيه وهو لحكني مشينا اشويه اشو وكف وجان مو طبيعي حتى نظراته الي متركزه على اماكن بجسمي تزعجني وتخوفني هم كولت بس اوصل بعد ابد مطلع ويااه . كتله هااا ليش وكفت مارد وفجاء المقاعد راحت لورة وصعد فوكاية!!!!!!!
وما حس غير وابل بوس وانترس وجهي اشكد جان مقرف ردت اتقيئ بوجه طبعا اني احاول ادفعه عني بس مكدر لأن بكل بساطه هو اضخم واقوى مني ميت مرة اني احاول محاولات فاشله وهو يحاول يفتح يفتح ملابسي . بعدين اذكرت الله انطاني نعمة وهي صوت صحت باعلى صوتي هوواخترع وخر عني و راد يلزم لحكي اني ضربته برجلي على مكان حساس وكنت لابسه كعب هو كعد ع كرسي القياده اني فتحت قفل السيارة وفتحت الباب و شردت طبعا هو محاول يركض ورايه معرف ليش اضاهر وجعته بالضربة . اني ضليت اركض طبعا الدنيا مظلمة بداية ليل جان الوقت . واني اركض واخاف حتى اباوع لورة وصلت يم مكان بيه انارة ومحلات وكفت يم سوبر ماركت كوة اجر النفس وطلعت موبايلي من جيب الجاكيت وخابرت على ابويه طبعا اهنا نفسي يريد يوكف من الخوف والتعب وبابا مايرد دوم موبايله صامت طبعا
ماعدت عليه اتصلت على حسام وجان اشوف سيارة تجي من بعيد واني اردد رد الله يخليك رد .
وجان يرد.حسام
حسام "الو الو
الو زينب شنو ليش متحجين
اني : الحكني حسام
طبعا اشهك وابجي كوة طلعته
حسام صوته تحول من هادى الى قلق ومنفعل من سمعني . ها زينب اشبيج سحر بيها شي ؟؟
اني : الحكني اني ماعرف وين
حسام شنو شنو انت وين ؟؟
اني اهئ اهئ
طبعا الحمد لله السياره طلعت كبل مو قاسم . اني معرف قاسم اخذني لمكان غريب وراد مكدرت اكمل ولزمتني العبرة
حسام :: اهنا تخبل كولي وين انت وين احجي كتله معرف خل اسال ابو المحل
حسام بأنفعال يلااا
وكفت يم ابو المحل طبعا اول ما شافني عرف حالتي مو طبيعية كتله خويه هاك هذا اخويه وياك ع الموبايل دليه احنه وين!!!
ابو محل اخذ صفنه اشويه وبعدين الا اخذ الموبايل مني
حجه مع اخويه وبعده سد الخط وراح دخل لبيته من باب داخلي بالمحل لان المحل طالع من البيت . ورجع وياه حجية بيدها ماي وكرسي وكعدوني وشربت ماي الحجيه كالت يمه دخلي يمنا جوه والحت واني مقبلت معندي ثقه بأي بشر بعد الي صار . ورة فترة مو اشويه خابر حسام كال انطيني ابو المحل .
ضل يدلي بيه بالمكان وضل وياه ع الخط وبعد وكف بره بالشارع ينتظر اخوية وفجأ يدخل نبض كلبي وسندي حسام هو وحسين وعلي وامير !!!!!!!
ابسرعه اشكروا من ابو المحل وانطوه اكرامية وكعدوني بسيارة امير وانطلقنا طبعا جانت وجوه اخوتي ما تتفسر بس حسام غامرني بدفووو حضنه وعاصر اديه عليه واني ابجي واشاهك والكل متوتر حتى امير يسوق بسرعه جهنمية طبعا امي اهنا دك عليه قلقه رد حسام كال يمي لا تخافين وسده
وصلنا نزلت ورجليه ترجف وابجي دخلوني للبيت كبل شردت لغرفتي وسديت الباب .. ورة اشويه اسمع صوت امي تتوسل افتح واني مطنكرة وابجي مريد اشوف احد امي نزلت لجوة واسمع اصوات علت طبعا جان صوت حسين يصيح عوفني اليوم اكتله !! اني خفت فتحت الباب بطرك لبسي البنطرون وجاكيت وركضت للهول لكيت امير لازم حسين كوة وحسين بيده سكين وامير يحاول ياخذه منه
وابويه وعلي يحاولون يوكوفون حسام ماخذ سلاح ابويه طبعا فهمو المسالة غلط من ورة ردت فعلي !!!
اني صحت اشبيكم والله كولشي مصااار حسام والله كولشي مصار والطم على وجهي ونسيت امير والدنيا كله اهم شي اخوتي امير وكع السجين من ادين احسين وانجرح خطيه مع هذا ماعافه سحله لغرفه سحر وغلقه عليه لان فاقد وقافل اما حسام حظنته وضليت احلف ماصار شي .
اخذوني هدوني ونمت بيومه بحضن امي كلساع افز مزوعه من الكوابيس ساعه اشوف حسين ميت وغركان بدمه وساعه حسام كاتل قاسم وضليت بهاي الحاله للصبح وامي تقرأ قرأن .. اختصار للسالفة . صارت كعدة عمام وانفصلت من قاسم وحسين ابو العركات اخذ جماعته وكتل قاسم الجبان وعافه وطبعا خاف قاسم يحجي وينفضح اكثر ..
مر كم شهر واني تعافيت من حالة الكأبة الي بيه . .. وصار عرس علي وفطوم طلعت تخبل وشبعنا ركص..
يتبع
