يغـار ويسـعد احـساسـي بهالــغيرة واحـس أنـي لقــلبك موطـن وديـرة

16

[{ البارت السادس عشر }]

بلعت ريجها عدة مرات وهي توقف : انـــــت !!
طالعها بنظرات مصدومه : انــتـــي ؟
سمر عقدت حواجبها وكانت بتمشي بس وقف جدامها رفعت حواجبها له باستنكآر
ابتسم : صدفة حلوة صح ؟
سمر بعصبية : قوم عن ويهي عندي اشغال مب فاضية لك
: بس موب قبل ما تقولين لي شسمج ؟
سمر : اوف ياربي شهالورطة .. لو سمحت انا ماكلم شباب ماعرفهم ابتعد
: تعجبيني جذي وهذي البنت الي انا ادور عليها
سمر : وانا شخصني بالبنات الي تبيهم قوم عن ويهي لو سمحت
: اسمي جميل
سمر : وانا شسوي باسمك .. مابي اكلمك لو سمحت لا تسبب لنفسك احراج
جميل ابتسم : وتعجبيني اكثر الحين
سمر بعصبية اكثر : يارب لا تشقينــا بــس
ومرت من جدامه وهي تتحلطم .. جميل ابتسم "البنت المطلوبة" هذا ما كرره في قلبه !

سمر تصادمت معاه من شهر بالضبط ومن اسبوعين شافته والحين المرة الثالثة شافته وهو يلاحقها !

جميــل : عمره 26 سنة .. مغتــرب وعـايش بــ بـاريس من 3 سنين بعد ما فقد كل اهله بمدينة حمد بالبحرين .. يشتغل دكتور بالجــامعه !

,,

البــحرين

سيــارة جــراح

جهينة : جراح متى راح نوصل ؟
جراح : ماتجوفين الزحمة تبيني اناقز فوق السيايير
جهينة : يعني شنسوي مثلا ..؟ البنت تعبانه
جراح : جهينة سكتي شوي خليني اركز
جهينة : تراك بارد وايد
جراح انصدم والتفت : حطي لسانج بلهاتج فاهمة
جهينة : لا تكلمني جذي
جراح : لانج تقهرين
جهينة : عاد انت الي ماتقهر بس
جراح : اوهوو فكينـــآ
جهينة تاففت : يارب صبرك بس

تعدل السير وجراح قدر بحركة ذكية ان يطلع من الزحمة وتوجهوآ للمستشفى
وصلوا للمستشفى وجهينة طلعت سماح من السيارة .. وجراح راح وراهم .. دخلواها على الطوارئ بسرعه لان حالتها مو هينة .. جراح وجهينة انتظروا مدة نص ساعة وطلع لهم الدكتور

الدكتور : لا الحمدالله شوية تعب وسعال راح نعطيها ادوية وان شاء الله تكون زينة
جهينة بارتياح واضح : مشكور ويعطيك الف عافية
جراح ابتسم : يعطيك العافية
جهينة بسرعه : لحضة دكتور
الدكتور التفت : نعم
جهينة ابتسمت : عادي ندخل لها ؟
الدكتور : اي طبعا ... وراح
جراح طالعها : غبية انتي ؟
جهينة التفتت له بنص عين : شتبي انت ؟
جراح : حمدالله والشكر دخلي بس يارب تصبرني
جهينة تتحلطم ويا روحها : استغفر الله العظيم هذا والحين جذي اذا تزوجته شبصير

,,

دبــي

خلصت من الفطور وخذت الصينية وحطت البيض والجبن والخبز والساندويش وكوبين من القهوة وعصيرين برتقال وخذتهم للصالة .. شافته منسدح ومبطل التلفزيون .. حطت الصينية على الطاولة .. وهو ققام واعتدل بجلسته قدام الطاولة .. وهي جلست جنبه .. وبحركة سريعة منه مسكها من خصرها بعدين رفع يده وحطها على كتفها ولصقها فيه وباس خدها .. الجازي انصدمت .. حركاته جريئة بالنسبة لها .. بس ابتسمت بدون ما تحس .. بندر ابعد يده وطالع الاكل