الفصليه

الانتقام

كل هاي لاحداث صارت قبل رجوع جواد الى القريه
       

تسارع الاحداث:..
.
.
.
.
وصل خبر اصابه الشيخ بطلق ناري من سلاح علي ابن ابو علي ام جواد سمعت الخبر اغمى عليه ودوهه للمستشفى
والشيخ لا يزال خبر وفاته طي الكتمان فقط اتباعه وابنه ذياب يعرفون وينتضرون مجيء جواد
.
.
.
.
.
اما عائله ابو علي بس الله يعرف شراح ايصير بيهم

دخل علي وهو مرعوب ميعرف شيسوي او يصرف
والخوف كاتله ابو علي واكع بالكاع مالته من الصدمه
والام اشوف ابنه وهي مذهوله اي تصرف هو الحل
واي حل والشيخ ميعرفون مصيره شنو
وابنه شراح يسوون بيه اذا اجو عليه
لام :يمه علاوي (وهي تبجي ودك على صدره)
يمه ليش يمه مافكرت بينه لومطيهم الكاع بمه هسه احنه والكاع وانته مالنه بعد كعده هنا
علي بارتباك :والله يمه مادري صدك هي بيدي ااتفكه بس وداعتج وداعت ابوي مو انه الرميته ولج يمه ردت بس اهدد بيه ماعرف اصار ماعرف هسه اشلون
يمه خل اشرد انتم ابقو حتى ماتروح كاعنه يمه هم راح ايدورن عليه مايحاجونكم
فطومه حضريلي هدومي بجنطه خل اهرب لاي مدينه ارض الله واسعه لحد ما الله يفرجه
(الام ببكاء)يمه وين تروح يمه اشلون اعوفك بله لزموك يمه اعوفك علاوي اشلون ولك يمه اروح وياك ماعوفك يمه فدوة اغديلك
لابن : لا يمه انه جبير واعرف ادير بالي على روحي بس اذا وياي واحد ماكدر من استقر مجان اوديلكم خبر وابوي كليله ايدير باله على الكاع ولا يفرط بيه يمه (شبكته امه وضل يبجون )

خرج علي ولا يعرف اين يذهب لكن عنده يقين بان الله لا يترك عبده لكن قلبه مع عائلته

وصل جواد واستغرب محد استقبله او خابره لكن الغايب عذره وياه (هيج كال )

دخل القريه وصل بيتهم وشاف الحراس منتشرين وملثمين استغرب لحد ماكله الكهوجي (الي يشتغل
عدهم )خبر اصابه ابوه

راح للمستشفى وشاف اخوه من شافه
ذياب دمعت عينه وشبك اخوه ودخله للمستشفى
وداخلين حتى محد يعرف الخبر
انو الشيخ مات قبل ليوصل للمستشفى
بكى جواد زاكمل مراسيم الدفن واقام لوالده الفاتحه
الي حضر بيه كل النواب والمسؤؤلين وناس كثيرون
لان ابو جواد كان بكل المحافضات عنده مشاريع وصاحب نفوذ كثيره داخل وخارج البلاد
المهم :
جواد ماجان يعرف هواي اشياء عن القريه لكن بحكم الاعراف والتقاليد الابن البكر هو من يورث الشيخه
من بعد ابوه واصبح اخوه ذياب ذراعه الايمن
لكن جواد او دكتور اجواد
دخل عالم ولا متخيله ولا يعرفه صحيح هو ابن القريه لكن تربى بالمدينه من صغره وعادات وتقاليد القريه ميعرفه
لبسوه ختره (اشماغ)اصبح شيخ اجواد
خلص العزه
وذياب كال لاخوه
لازم ناخذ ثارنه من بيت ابو علي ونحرك بيتهم عليهم
استغرب جواد وغضب :
جواد:علي هو القاتل اهله معليهم القاتل هو الي ينقتل متروح ارواح بريئه بالموضوع وانته متصرف من غير متكلي لو ترجعلي ماشي
ذياب :بس هذا ابونه وشيخ القريه اشلون تريدنه نسكت لازم انسوي شي والا العالم تاكل اوجوهنه خويه انه ماسكت راح اهجولهم واحرك كاعهم 😡
جواد بغضب :اني الشيخ واني اكلك شسوي متصرف بكيفك واذا وصلت لبيتهم اني اكتلك مو هيج تنحل المشاكل والقتل هو الي نقتله يله روح دورو عليه يله

.
.
.
.
.
.

.في مكان اخر في القريه

اكول اخوك ابن مدينه ميعرف يصرف انته جنت تعرف ابوك بهاي المواقف شيسوي عو ف اخوك وانته تريد تعرف مكان علاوي اخذ ابوه وكتله وهو يدليك على مكانه من غير متكل لاخوك (احد اصحاب ذياب )

.
.
.
.
بيت ابو علي .
.
الام :يمه فطومه حمي العشه الابوج خل ياكله لكمه تره من اصبح ماماكل شي بين ماجيب الحطب من يم الشط واجيج
فاطمه:هسه تدللين كايمه
الاب:سلام عليكم
الام :الله يساعدك ابو علي هسه اجيكم راح اجيب الحطبات واجي يمه فطومه صبي العشه ابوج اجه

فاطمه:هله بيك بويه اكعد خل اغسل رجليك
يريد يكعد ابو علي ودخلو عليه ملثمين اربعه
وربطو ايديه وغطو عيونه واخذوه وفاطمه تصرخ وصيح عليهم لكن لا جواب احتارت وين تروح ضلت تصرخ وهي تركض بالقريه محد يقبل ايساعده لان الكل يعرف منو لكن ياويله اليحجي
كالت مالي غير بيت الشيخ اكيد خذوه هناك راح تركض وصيح وتبجي
سمع جواد صريخ وصياح كال منو الي يصيح
احد الحراس كاله هاي بت ابو علي تصرخ وصيح جواد:خل تجي ليش اصيح باسغراب
فاطمه:الله لايطيكم يا ضلام  رجال جبير الله وكبر عليكم رحمه ماكوو ولكم لحكوني
جواد:اختي شكوو احجي
فاطمه بغضب:ابوي رجال جبير حرام عليكم مالنه غيره تردون اخوي روحو دورو عليه ابوي مايدري بيه
رجال جبير مايتحمل ضربكم ولكم خافو الله احنه فقره وصوت المضلوم مسموع
جواد:وحنه محد واصل يم ابوج مني الاخذه
فاطمه:ذياب ابن الشيخ اجه وياه اربعه ملثمين ضربو ابوي واخذوه وليوم ماروح اذا ماترجعون ابوي واضل هنا اكتلوني انه هم
جواد :ارجعي لبيتكم وراح يجي وراج ابوج وهاي كلمه شرف مني شيخ جواد 😌
اطمأنت فاطمه لكلامه :مادام كلت كلمه هاي هيه شيخنه رايحه واعرف الشيخ احجايته وحده
.

.
.
رجعت فاطمه للبيت وتلكته امه تلطم وتبجي

ولج يمه ابوج وينه
فاطمه:هسه راح يجي يمه لتخافين يم الشيخ
ضلت تنتضر فاطمه وامه خارج الدار
.
.
.
.

شيخ جواد راح يسال الحراس من غير ميكول
لذياب او يساله .
.
.
.
.جواد:اكول ابو عدنان الوالد الله يرحمه وين ايخلي الناس الي يريد ايعذبهم تره اني الشيخ ولازم اهرف كل شبر بالقريه مو تمام
الحارس ابو عدنان:اكيد شيخنا وهسه اوديك عليه تامرني شيخ وعد عيناك
.
.
.واخذه للسجون الي جان ابوه ايعذب بيه الفقره وهي جوه القصر مالهم ويدخلوله من المزرعه وهو داخل القصر مالهم

لكه ابو علي مجتف ومضروب وكاسرين رجله وايده وجه مدمينه وهو رجال جبير ميتحمل لكاه مغمي عليه وبحكم هو دكتور نزع الغتره(الشماغ)وسواله ضماده وجبر ايده ورجله وارسله ويه اثنين حراس لبيته وكاله
جواد:عمي احسبه عليه ومحد يوصلك بعد وهاي حجايه مني لكن احنه نكتل ابنك وين منشوفه لان هو الكتال وتعرف لازم نخلص من هاي الشغله من اصير زين تجي وجيب كباريتك ونفصل
ارسل ابو علي لابيته مع حراس تلكته بنته فاطمه وحلت الشماغ من ابوهه وعرفته شماغ الشيخ واخذته وضمته وعرفت انو الشيخ صدك بكلامه
.
.
.
.احداث كثيره لكن ماذا يحدث بعد ان يتعافى ابو علي وهل تحل المشاكل جواد هل سيعود للمدينه
مانعرف خل انشوف