راحت بعد 20 يوم لان خابرته الطبيبه اكدت عليه تجي لو تخبر اهله .....
طلعت تهاني من عيادة الطبيب طبعا هي من الدوام وراحت للمختبر اخذت النتائج وراحت للطبيبه شافتهم وبلغته ان الورم كان خبيث وعليه تخبر اهله ....
ضلت تمشي وتتذكر كلام الطبيبه بأنه لازم اتكول لأهله حتى تباشر بأسرع وقت بالجرع الكيمياوية .... رجعت للبيت دخلت لغرفته ...
كعدت تبجي اشلون بيه هسه وشنو راح اسويه هي اتوسلت لطبيبه ماتخبر اهله لان امه مريضه بالقلب وابوهه هم رجال كبير بالعمر ومريض بالسكري اثنينهم راح حالتهم تتدهور ...
ضلت ايام متغيبه عن الدوام وماله واهس بأي شي وخايفه ماتريد اتموت هسه عده اهواي احلام اتريد اتحققه بس اشلون هسه اضل مثل عمته اتعالج والناس كله مشفقه عليه ... لا ثم لا
... كعدت على العشا وكل افراد اسرته يضحكون ويسولفون معدا هي ماعده راحه البال الي عدهم ...
......
:- يمه ليش صارلج اسبوع ما اداومين
:- ماعدي شي مهم
:- يمه اشلون ماعندج وامتحاناتج على الابواب اشبيج اتعانين من شي ؟
:- لا ماما باجر ادوام ارتاحيتي هسه
وگامت
.. امه ضل باله عليه راحت دزت اخته اماني عليه حتى اتشوفه اخاف اتحب او عده مشاكل بالدوام مثل اي ابنيه لكن ماطلعت منه بشي منفع .. ثاني يوم رجعت داومت .. .
كان استاذ سنان يشرح وگع من غير ما يدري قلم ابنية انحنى هو ورجعه اله
ضلت تهاني اتباوع اله اشگد انسان بسيط رغم هو الله واسعه عليه لكنه دائما يعاملهم كصدقاء ..
طلعت شافت البنات كل وحده ويه شلته بس هي وحده اتمنت تكعد بينهم ...
رجعت للبيت شافت امه ترتب بغراضه
:- ماما اني ارتب غراضي لا اتعبين روحج
:- لا يروحي شعندي غيركم
:- يوم اذا متت اني هم اضوجين عليه؟
:- يا لج اسم الله الله لا يكوله اموت وراكم يمه اني مااتحمل اضفركم بتأذى يروحي اني حياتي ماله معنى بدونكم انتم نفسي
:-هااا الله يخليج النا يوم
اتقربت من بته وگالت:- اي يمه اني مالي غيركم وانتم واجب عليكم اديرون بالكم على نفسكم لخاطرنا اني وابوكم .. وطلعت
ضل ابال تهاني كلام امه .. وهي لازم تاحفظ على حياته لخاطر امه .... طلعت حجه وراحت للطبيبه احالته على المستشفى ومن باجر الصبح تاخذ اول جلسه .. سالت تهاني اذا اخذت جلسات شعره راح يتساقط طمنته الدكتورة من كالت مرضج بعده بدايته مراح تاخذين جلسات مكثفه اتساقط شعرج ....
..
ثاني يوم الصبح بعد ما وصله اخوهه للجامعه طلعت وراهه من راح وراحت للمستشفى ....
اني كل ظني اليوم راح اخذ اول جلسة اثاري الشغله اطول طلبت مني اسوي تحليل دم وتحليل وظائف كبد وكلي وصورة صبغية للكبد وصورة أشعة للقلب يعني خلص اليوم فحوصات بعدين تضهر ....
بعد فتره الا طلعت النتائج . وخيرتني الدكتورة
بين اثنين من العلاج الكيماوي أما آخذ اربع جرعات من النوع الي يسقط وياه الشعر تماما ،او أنني اتحمل 6 جرعات من النوع الذي يتساقط معه الشعر ولكن بصورة بسيطه مثل تساقط الشعر بعد الولادة أو اثناء الريجيم القاسي وغيرها ،والحقيقة أنني اخترت هذا النوع من العلاج حتى لاتسوء نفسيتي اكثر ،واني فهمت انها 6 جرعات فقط والحقيقة أن الست جرعات تؤخذ على 12 مره حيث انو الجلسة تؤخذ مرتين مرة في اول الأسبوع ومره في آخره ثم تؤخذ الجلسة البعده بعد 21 يوما إذا كانت صورة فحص الدم تسمح لذلك والمناعة جيدة،فالعلاج الكيماوي يدمر خلايا الجسم المصابه والصحيحة،لذيك يضعف الجسم ثم يبدأ الجسم ثانية في استعادة خلاياها السليمة.... ما اطول عليكم بداية الاسبوع الجاي اول جرعه الي . اهنا مستواي الدراسي نزل مهما حاولت اكون قوية مكدر اوفق بين مرضي ودراستي واصريت محد يدري بيه ماريد اي شخص يشوفني واني انهار ...
واخذت اول جلسة الي اول ما شكلوا الي الكانونة الصراحه جنت ميته من الخوف وادموعي نزلت داعبتني الممرضه وكالت بعد محلول العلاج ما صعد تره .. اجتني الطبيبه المعالجه جانت حيل حبوبه طمنتني وكالت لا تخافين حبي هاي اول جلسة الج بعده انت راح تجين وكأنج جايه اتمارسين رياضه وضلت اطمن بيه واني استغفر واسبح . وكالت الي الطبيبه اذا حسيتي بالغثيان او ضيق بالنفس وتشنجد خبريني . ..
خلص المحلول الي جنت عبالي علاج للحساسية و علاج لمنع القي والغثيان وغيرها من ادوية للتغلب على الأثار الجانبية للدواء الكيماوي،وبعد ما أنهيت أربعة أكياس من المحاليل ،أخبرني الدكتور المساعد أني أنتهيت من الجلسة الاولى اتعجبت اشو ما صار بيه مثل ما متوقعه .. اجتني الدكتوره ومبتسمة وكالت عادي حبي العلاج اطور وكلشي اطور وضحكت وگالت اكو مرضى بعد الجلسة يرحون للحفلات ههههه ...
رجعت للبيت واهلي عبالهم جنت بالدوام واني الدوام گمت بس امر اخذ مراجع والمحاضرات .. بس المصيبه مكدر انام ماعرف شنو صار بيه بعد الجلسه واسوء شي انو ماكو اي احد اكدر اشتكي اله بلحظه اجيت اگعد اختي الي نايمة برغد بصفي واشكي اله عن كلشي بس كابرت وگلت مرحله وتعدي لا مااگول .. ثاني يوم مگدر اكل ولا شي رحت للدوام بس جنت حيل تعبانه الي مثل حالتي ينامون بغرفهم وعناية خاصه واني بخلت على نفسي وگلت كلشي ولا امي تدري اتروح بيه ...
