NAMUMUNGAY pa ang mga mata ni Yna nang may marinig siyang pagkatok sa may pintuan. Nang imulat niya ang kanyang mga mata ay saka niya lamang napansin na wala na pala siyang katabi sa kama. Nag inat siya saka niya napagdesisyunan na maupo.
"Sandali lang.." Medyo pasigaw niyang sabi dahil baka hindi marinig ng nga tao sa labas ang boses niya mula sa loob.
Hindi na muling kumatok ang tao sa labas. Kinuha niya muna ang puting roba na naka tupi sa may lamesita na katabi lamang ng kama saka niya ito isinuot. Ipinatong niya lamang ito sa manipis niyang damit pantulog. Nang matapos siya ay tumungo na siya sa may pintuan.
"Magandang umaga mahal na prinsesa.." Nakangiting bati ng dalawang babae na mukhang mas matanda lang sakanya ng ilang taon. Nakasuot rin ito ng unipormeng bestida na kulay itim at puti.
"Prinsesa?" Nagtatakang tanong niya sa mga ito.
Mahinhin naman siyang tinawanan ng dalawa na para bang may nagawa siyang hindi kapanipaniwala.
"Ano pong gusto niyo? Prinsipe?" Natatawang sabi ng isang babaeng may mas mahabang itim at tuwid na buhok. Parang nataranta naman ang kasama nito.
"Patawad, mahal na prinsesa.." Awtomatikong pagbigay paumanhin ng isa. Parang natauhan rin ang kasama nito kaya ngayon ay parehas na itong nakayuko sa harap niya.
Hinawakan ni Yna ang balikat ng dalawa at marahan niya itong tinapik.
"Bakit kayo nakayuko? Alam ko namang nagbibiro lang kayo.." Malumanay niyang sabi sa mga ito.
Napakurapkurap naman ang mga ito nang makatayo na ulit iyo ng tuwid.
"Hindi ka po galit?" Halos sabay na sabi pa ng mga ito.
Hindi niya tuloy napigilang mapangiti.
"Bakit naman ako magagalit?" Nakangiting sabi niya rito. "Oo nga pala, nasaan si Lourd Marcus? Nakita niyo ba siya?" Dugtong na tanong niya.
"May pinuntahan lang po ang mahal na prinsipe. Pero babalik din siya maya maya dahil sabay daw po kayong kakain ng agahan. Ako nga po pala si Vanessa.." Sabi ng may maiksing itim at tuwid na buhok.
"Ako naman po si Lara at sa amin po kayo ihinabilin ng mahal na prinsipe.." Sabi naman ng isa.
"Magandang umaga sainyo, Vanessa at Lara.." Nakangiting sabi niya rito.
Parang nabigla ang mga ito sa sinabi niya.
"Magandang umaga rin po, mahal na prinsesa.." Halos sabay ulit na sabi ng mga ito.
"Tara na po sa loob at aayusan namin kayo.." Nakangiting sabi naman ni Lara.
Nginitian niya naman ang mga ito at saka sila pumasok nang muli sa kwarto. Inihanda nito ang kanyang pampaligo. Pati damit na gagamitin. Nang matapos siya nitong ayusan ay napatingin siya sa isang malaking salamin na nakadikit sa dingding ng kwarto. Napangiti siya nang makita niya ang repleksyon ng sarili.
Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
