هاي قصة منقولة حقيقية وموعضه اتمنى تنال اعجابكم
((مجرد اتصال من رقم خاطىء))
القصة منقولة و لا تخصني نشرتها للتوعية
عن فتاة تقول
سنة2009 نقلت رقم اخوية للموبايل طلع اكو رقم غلطانه بي دكيت
علية طلع الرقم غلط كتلة العفو اسفه
سديت الخط
وره يومين دك علية نفس الرقم الي دكيت عليه غلط
فتحت خط كتلة نعم كال اني صوتج عجبني كتلة شنو عجبك
كال والله من البارحه صوتج براسي
كتلة اخي اني مزوجه وعندي اطفال 2 بعد لاتتصل
وسديت الخط ضل يلح ويدز مسجات
تقريبا ضل كم يوم يتصل هم فتحت خط كتلة عفيه بعد لدك علية ضل يسولف اني ماريد شي اني ماعندي احد اريد اشكيلج انتي مثل اختي
اني غبية وتعاطفت وياه وبقيت احجي وياه كان يوميا يتصل علية
ويطول بل اتصال ساعات نضل نسولف عبالك انعميت عقلي ما اعرف وين راح
بل رغم اني خريجة
يوم 2010/1/1 صار على علاقتي بي تقريبا 5 اشهر كال اريد اشوفج كتلة اني مااطلع .(...حدي لأبو الاسواق اني...)
كال ميخالف بس اشوفج من بعيد رحت لابو الاسواق وبلفعل شفته من بعيد من شفته كلش حلو عجبني منها صارت حب بيناتنا
هملت زوجي واطفالي
زوجي تاجر
والله شاهد ممقصر بشي علية لا بذهب ولا باكل بيتي 300 متر ارقه منطقة بغداد ساكنه بس جان بارد ويايه يعني ميسمعني حب لو غزل واني جان عمري 21سنة
ضل يلح علية اطلع وياه بس مجنت اقبل اكول ما اكدر
فد يوم كال اني ما اكدر بلياج بعد.
.تعالي اني وياج ننهزم للموصل عوفي بيتج وجهالج وجيبي ذهبج وفلوس رجلج كلهه ونتزوج اني وياج محد يعرفنا
هناك واني عندي بيت
مجهز من كلشي كتلة اوكي المهم نعيش اني وياك ابد مفكر لا باهلي ولا باطفالي عبالك جنت بلا عقل ولا فكرت بشي طبعا الحبيات والغزل ولسانه الحلو خلاني اتعلق بي كلش المهم بشهر 4 سنه 2010
كال حضري فلوس زوجج وذهبج حتى ننهزم
اتفقنا ساعة 1ظهر ياخذني من يم نفق الشرطة
نيمت ابني الصغير عمره سنة ونص رحت للقاصة لكيتهه فارغة واني بليل شفت الفلوس بيها
معقول شايل فلوسه رجلي كله
اتصلت بي كتلة الفلوس ماكو شايلهن زوجي كال جيبي ذهبج
طبعا الذهب الي عندي كومة بس من الملاوي عندي 4 اشكال المهم ابني نام وخليت ذهبي بلجنطة ولبست هدومي وضميت وجهي والبيت من طلعت منه سديت باب المطبخ بس مقفلتها بس طبكتها
طلعت وكفت يم نفق الشرطة اجا اخذني بسيارة جمسي سودة
كال راح نطلع للموصل كبل صعدت ليورا كال جبتي الذهب كتلة اي بل جنطة جان يكلة لسايق اطلع بوجهك اني من كاله للسايق هيج عبالك جنت بغيبوبة وصحيت منها
السيارة جانت بيها 3 رياجيل ليورا اني وباسل والسايق واحد ليكدام
بس اشكالهم تخوف اني ما اعرف شصار بيه اني بحلم لو حقيقة
باسل بصفي كالي اشوف الذهب فتحت الجنطة شافه اخترع كال هذا كله الج مجاوبته كال سدي ضمي بصوت ناصي السايق كلساع يجي اتصال وحجي الغاز وصلنه (بوابة بغداد) اني جسمي ثلج طلعنه
التاجي طلعنه الطارمية عبالك شريط صار كبالي امي الله يرحمه ورجلي وجهالي واهلي صارو كبالي
هاي اني شسويت اني وين وليش هيج هذولة منو الي وياه هو يسوالف وياية بس ممركزة
وياة بس اكول اي.....واهز براسي بس ما افتهم شيكول
وصلنه
(قضاء الدجيل) جان اكو انفجار صاير وسادين الطريق الي يروح للموصل لحد ما ينظفون المنطقه بس السايد الي يروح البغداد مفتوح
شفت الشارع متروس ناس وسيارات وسيطرة بصفي جان افتح الباب
وانزل باسل راد يجرني كتلة والله هسه اصرخ واكلب الدنيا عليك بس شنو بعصبيه كتلة اذا نزلت ورايا هسه اروح للسيطرة اكلهم باكوني ميكدر يحركون السيارة كدامهم سيارات ورانا سيارات
والجنطة جوا ابطي مال الذهب
وجان اروح من بين الناس والسيارات
ساعة تقريبا جانت بل 2 الظهر مشيت لحد ماتيهتهم عبرت سايد الثاني اكو سيارات واكفه تصيح بغداد شفت رجال جبير كتلة عمو فدوة وصلني لبغداد شكد متريد انطيك وابجي دموعي موكفت كلي عمو اوصلج بس ليش تبجين محتاجة شي.....شكول شحجي كتلة لا عمو والدتي اتوفت واريد اروح
لبيت اهلي كالي ورجلج وين كتلة مسافر اني اريد بس اوصل للبيت قبل لا احد يحس بيه ...
اخذني السايق
واني الطريق كلة ابجي واشهك اني شسويت بروحي
خفت اطلع من يم البوابة كلت خاف رجعو ينتظروني
كتلة عمو اصعد على سريع مال شعلة وعلى حي العدل وعلى حي الجامعة ويم النفق ذبني ماعندي فلوس طلعت من محابسي نطيته كتلة عمو ماعندي بس هذا محبس فوك المثقال الرجال مقبل ياخذ بس كتلة لا تعبك نطيتها ونزلت
وصلت يم النفق ساعة 3 ونص لان جان ازدحام
طبيت للبيت فتحت التليفون لكيت فوك 40 مكالمة من باسل ودازلي مسج اله اكسر راسج اصبريلي اني هم كسرت السيم كارت وكسرت الموبايل هم طبيت
لكيت ابني شايل الممه باجي ونايم
من هلكد باجي يشهك هو ونايم حضنته وبجيت بجي كمت ابوس بل كاع ابوس بابني الحمدالله رجعت ....بس ابد مسكتت صارت بل 6 العصر اجا زوجي من الشغل وجان ماخذ ابني الجبير وياه رجع شاف وجهي ازرك من الدك الي دكيته كال هاي شبيج اني شفته انهاريت فد مرة واصرخ واملخ بنفسي ماعرف ليش هو يصيح لج شبيج وراها محسيت غير اني نايمه بل مستشفى معلكيلي مغذي
ولساني ثكيل اريد احرك ايدي ما اكدر رجلي ما اكدر بس عيوني تتحرك واهلي فوك راسي
الطبيب بيده دنبوس يجك ايدي ما احس وراها هم ما حسيت
3 ايام اني فاقدة ما احس
بل دنيا
صار عندي هبوط بل ضغط وصل ل2
ضربتني جلطة خفيفة ورا 10 ايام شوية شوية رجعتلي صحتي
بس صارت بيه حالة خوف ابجي 24 ابجي اخذوني السادة اخذوني لأهل البيت ولي اول مرة ازور مراقدهم شوية اتحسنت كمت اقرا القران و ابجي وكل ما اوصل اية احس هاي الاية تقصدني ابجي بحرقة
وزني جان 70 وصلت لل40 خلال سنة وصار عندي سكر شكل بيه
بس من هاي الحادثة الصارت
اي مكان ما اطلع اله زوجي وياية
الموبايل اشتريت رقم جديد .وكتلة الزوجي الموبايل وكع بل بلوعه ميشتغل بعد وماريد بعد موبايل بس مقبل اله جابلي خط جديد
واي رقم غريب يدك علية ماافتح ولحد هاي اللحظه
حتى نت ماعندي لافيس ولا اي شي لو مو زوجي اصر على انو يطمن علية او احتاج شي اصلا مااخلي موبايل
ورجلي
