فصلوها_للعشك
طبعا هذا البارت الخاطر @ZahraaHoseen لان هيه سوت 20 كومنت وح انزل بارتين هديه الها
بارت8
حسيت نفسي تعبت كعدت شويه دا شرب ببسي عطشانه جان تجي يمي بت عمه اسمه جميله هي الي تحب فيصل جان تكول لبت عمه الخ
والله عمي زين الفصليه ماخذه راحتها كلش ومدلله دلال
بيت ابوها متحصلها
اني اختنكت كولش
كمت صار بوجهي فيصل ديفوت .. عفته وطلعت حتى مباوعت بوجه...
فيصل دخلت للبيت شفت ورد مختنكه وتريد تبجي وشفت يمها جميله ام لسان ورنا هذني من كاعي ما اجرعهن وعرفت هنه الي مضوجات ورد
عفتهن وطلعت بس بقيت كل شويه امد راسي خاف يضوجوها بحجايه
وصيت ساره وريم ينتبهون على ورد...
#اماسي_الليل
ورد كمت اشتغل وغلست على الي سمعته ولليل هلكت على فد وكفه اني وريم وساره
كتلها اوي ريم ضهري حيطك
جان جميله من يمها شدعوه شحال لو ماهذا شغلج ..
ريم كلتلها ورد تعبت اكثر من عدنه كاعده من الغبشه
جميله اي هم يالله هذا شغل شتريد بعد مو زين ملفينه
ريم وساره مسكتو
ورد ...من حجت هيج روحي طلعت عفت وكمت اصب جاي خاله رادت كملت ورجعت الم الستكانات
كتلها ساره بتج تبجي روحي اني اكمل عنج راحت وبقيت اغسل
اماسي الليل
الستكانات جان يجن يوكفن يمي
جميله ورنا تكلها وين اذب بطل المي
جميله تكلها وين متردين ذبي عدهم خدامه وعدهم فصليه لعد شنو شغلها قابل احنه نكعد انضف
اني دمعتي بقت تفتر بعيني حتى الهوه احسه ماكو ..
ابجي على دلالي ابجي على الوكت الخلاني اسمع الاهانه واسكت ....اماسي الليل
فيصل ضل بالي على ورد كل شويه امد راسي ادري بيهن ميكعدن
مديت راسي من الطرمه لمحت ورد تغسل على السنك وهذني واكفات يمها ويلغن
ورد وجه ميتفسر عرفت السالفه وراها هذني السعالو .
.رحت عليها هنه من شافني سكتن
جميله هله بابن عمي اصبلك جاي ..
فيصل اذا اريد اكول لمرتي من ايده اكيد اطيب ورحت على ورد
ورده حبيبي تعبتي كافي شغل اكو خدامه والبنات بمكانج يشتغلن هنه
فكن حلكهن مكدرن يحجن شي
كتله ورد تعاي طلعي يمي بلحديقه شويه الهوه طيب اخذته لان حسيت بعد متتحمل ومردتهم يشوفونه هيج
طلعنه كعدنه بلمرجوحه اندارت عليه كالت ليش هيج دافعت عني
كال ادري بيهن السانات وما احب احد يحجي على مرتي كالت مرتك لو فصليه
اني سكتت كتله كافي مو وكته هسه من العالم
همزين راحو الزلم بقينه كاعدين لحد مرتاحت
كالت شكراً جنت محتاجه اشتم هوه ...
فيصل لاتشكريني لان هذا واجبي
ورد اني رجلج وحزام ضهرج عيوني اطيهن الج بس لا اضوجين واريدج قويه وصبوره مثل ما اني اعرفج .
.ورد..ان شاءالله
طبينه جان يلزم ايدي اني يمه روحي راحت ...
فيصل بربج ورد بداعتي خلي من ندخل نضحك نقهر بيهن 😂😂 واني من كال هيج ضحكت عليه شلون تفكير وهنه شافنه ماتن وشبن نار وشافو شلون لازم ايدي
الحجيه كيفت هي وريم وساره ومرة حسين كعدنه وضحكنه تالي راحو وكل واحد راح الغرفه دينام ..
ورد طبيت سبحت وبدلت لبست دشداشه خفيفه وكصيره مال نوم لونه بيج ردت اروح انام
جان يندك الباب منو
كال اني فيصل فتحته ضل صافن كام يحك بلحيته من يم خده
كال اجيت اشوفج خاف بيج شي تعبانه ضايجه
كتله لا كل التعب راح بحجايه منك لزم خدودي وبقه يمشي ايده عليه واني رافعه راسي عليه
كلي باجر اوديج لا اهلج من نكعد واروح عدنه فاتحه من ارجع ادكلج طلعيلي
كالت اوكي لعد خلي انام لان تعبانه ..
فيصل هاي شنو اطرديني..
.ورد لا والله موقصدي اذا عاجبك ابقه ..
فيصل لا اشاقه اني هم ميت تعب اروح بس ردت اكولج... اوكي
تصبحين على خير ..
اجمعين
اماسي الليل
ثاني يوم كعدت فرحانه صار سنه مرايحه لا اهلي بس بتلفون ويفتحولي كامره وحيدر ابد ميقبل يحجي ويايه امي تكول ياكل بروحه يكول اني السبب
بليل دزيت رساله لامي كتلها ماما حضريلي دولمه من ايدج غدايه يمج باجر
كالت تعاي من عيوني بس صوتها تعبانه ....
من كعدت رحت لخاله كتله خاله اريد اكولج شي بس اذا يضوجج الغي
كالت كولي
كتله راح اروح اشوف اهلي متت عليهم صار سنه بس تلفونات وفيصل قبل واجيت اترخص منج
كالت يمه هذوله اهلج وفيصل رجلج والي صار قدر ومكتوب روحي وسلمينه
بس يمه ردت منج شغله فيصل عينه عليج ورايدج وانتي مرته وحليوه وتحلين عليه وهو رجال وانتي كدامه فكري بلموضوع صيري مرته من صدك وصعدي لغرفته ابقي بيه تره ابني واعرفه يحبج
كتله افكر بلموضوع ....
نزلت فيصل تريك يباوع عليه فرحانه
كلي اليوم وجهج يلمع
كتله متصدك شكد مشتاقه لبابا واشم ريحته واحضنه اوووف ربي شوكت ...
#يتبع
