بيت أهل سطام ..
غرفتهم ..
امجاد : آييه آبي شقتها ..
سطام بتفكير : طيب ليه ؟
أمجاد تبدأ بالعد : اولأ راح احمل قريب وهالغرفه ماتصير مناسبه لنا..وبعدين هي ماتجيب عيال ..وهالغرفه تناسبها لانك ماراح تكون معاها فتصلح لشخص واحد..
وهو يناظرها : قصدك راح نجيب بيبي وراح يكون له غرفه خاصه وهالشي موب متوفر بالغرفه ؟
امجاد : آييه ..
سطام : طيب عادي نطلع نستأجر برى ..
بسرعه : لالا أبي شقتها ..
:طيب كيف أقولها ..
امجاد : مو ضروي تدري أي وقت تطلع فيه ننقل كل أغراضها ولها بس اللي بغرفه النوم ..ونحطها هنا ..
: مرتبة كل شي ..!
بنظره: مو زوجي وراح احمل قريب ان شاء الله ..
وقفته معها : الحين راح نرسل الشغاله ونشوف أي هي موجودة أو لا ..
سطام : بطلع أنا ..
امجاد مسكت كفه بغيره : لا .. الشغاله تطلع ..
نزلوا وقالت للشغاله وطلعت .. جلسوا ينتظرون
ونزلت وهي تقول بأن الجوري موب موجودة ..تحمست واستانست وهي تنادي الشغاله وتطلع معها : سطام وين المفتاح ؟
سطام حس للحظه بضيق: لا ماراح أنقل أغراضها الا عقب مانأخذ رأيها ..
أمجاد : توك وافقت .. دخلت وأخذت المفاتيح ..
وطلعت , جلس وهو يناظرها ويناظر الباب خاف تدخل الجوري بأي لحظه وتشوفهم..
لمت كل أغراضها بمساعدة الشغاله , حطتها بالشنط ..
:سطام شيل معنا ..
وقف والضيق يروح ويجي من هالحركه ..
حط كل أغراض الجوري على السرير ورفعوا شنطتهم وكانت توها مانفتحت وطلعوها ..
الشقه ..
وهي ترتب الاغراض ومعها الشغاله :اخييراً صار عندي بيت ..
وقف : بنزل تحت ..
لفت عليه : ليه ؟
وهو يناظرها : أو تدرين راح اطلع للشباب الاستراحه ..
لحقته : سسطام ..
سطام : مشتاق لـ ربعي بطلع .. المهم قولي لـ الجوري ..
امجاد : أنت كله تضايقت لاجلها ..
وهو يناظرها : لو صارت معك هالحركه اعتقد ماكان رضيتي فيها ..!
طلع .. ورجعت تناظره من دريشة غرفة نومهم وهو يركب سيارته وشوي وطلع من الحوش .. رجعت تكمل بوناسه ترتيب الشقه ..
.
.
.
بيت عساف ..
شافها حاطه عبايتها على يدها : حلو أنك جاهزه لاننا راح نسافر الحين ..
ناظرته بتعقيده حواجب : ومن قال راح اسافر معاك ..!
بضيق وهو يأخذ الجواز ويطلع جوزاها : أنا .. الله يرضى عليك لاتعاندين ..
: مابي .. والحين بطلع لـ صديقاتي ..
رفع راسه : قلت لك من قبل انسي صديقاتك ..
: عشانك أتركهم ..!
بنظره : ماستاهل ..
بضحكه: ماتسوى شوز كيف بـ صديقاتي ..
للمره الثالثه تقولها له ..المرتين الفايتة بالجوال وهالمره قباله ..!
يعني ماتعضت بالتهديد وهو محذرها من قبل بلحظه رمى الجوازات و ماحس الا بيده ترتفع وتوسم خدها بكف قوي جداً تركها تطيح من طولها على الارض وهو يشد شعرها : والله يارتيل لو تعيدينها لاذبحك ..
قومها وهو يسحب الشطنة وينزل من الباب الخلفي للجناح ..
وهو يصرخ فيها : إلبسسسي عبايتك ..
توها تفوق من الكف :موب لابسه ..
وهو يكلم السواق : جيب السيارة من الباب الخلفي للفيلا بسسرعة ..
دخلها لداخل الفيلا لاجل مايشوفها السواق ..شاف السواق :خلالاص روح ..
رمى الجوازات وشطنتها داخل السيارة وهو يلبسها العباية بالقوه والشيله إلين سحبها للسيارة وطلع من الفيلا ..
بعصبيه: مشكلتك للحين ماشفتني شي مني ..أجل لو وريتك الوجه الثاني وش سواتك .. تعبت منك لنا كم يوم مع بعض وأسلوبك قلة حييا .. مهوب اسلوب بنت متربية ..!
صرخت فيه: آيييه مو متربية دام اللي رباني قطني عليك ..وباعني بأرخص الاثمان ..
وهو يناظرها بنظره ويحرق قلبها أكثر : لا باعك بـ عشرة مليون ..
صدمة تمر فيها ..
وهو يزيد : وتمهيد صفقات بالسوق .. وكتبت لك فيلا شكبرها معاها أرض .. و إشياء ملها أول من تالي ..
بصدمة: تكذب ..
وهو يضحك : اسألي أبوك ياحلوه ..أجل راح يطلقك من الزفت كذا ..!
ماستوعبت الصدمة اببداً ..ولاراح تستوعبها رجعت ظهرها على المرتبة وهو يناظر أكثر للقزاز وكانت كلها تضليل كامل ..ارتاح لاجل مايشوفها غيره ..
بعد فترة حست بأنها مهيب متغطيه عدلت غطاها وتغطت ..استغرب سكنت فجأة ماردت , ماعقلت , ماهاوشت ..!
وقف سيارته داخل المواقف الخاصة في مطار الرياض ..لف لـ روى وأخذ الجوازات وحط الشطنه بحضنها : انزلي اشوف ..
أخذ غترته وعدلها وهو يمشي مع فتحتها للباب ضغط زر الريموت وصك السيارة ودخل للمطار ..
لحظات وهم بالطائرة ..دخلت وجلست وهي بتبعات صدمات موب صدمة..
شافت الاهتمام الواضح بعيون الكل لـ عساف ..ياكرهها لـ حياة الترف والغنى اللي تسبب أبوها وعساف من خلالها بتعاستها ..
ماحب يكلمهاولاراح تعطيه وجهه اصلاً ..!
.
.
.
السوق ..
سلطانه : تأخرت رتيل ..!
الجوري : مم خايفه عليها تتوقعون رفض تطلع ..؟
الجوهره : هالحقير توقعوا منه أي شي ..المشكلة جوالها مغلق ..!
سلطانه : خلاص بنات خل نطلع بالي انشغل ولالي قدرة بالتسوق ..
الجوهره : آوككي سوس راح تأخذين لعمي سعد شي ؟
سلطانه تذكرت : آييه ياقلبي يحب الموكا والكوكيز ..
مرت أخذت له وطلعوا من المجمع لسيارة سلطانه ..
.
.
.
بيت أبو سطام ..
YOU ARE READING
بصدري وجع كنت احسبه نام يا صدري
Romanceالكاتبه : وحيدة و اهلي كثيرين الرواية راح تحكي عن نفسها بس أبطالنا تربطهم علاقات من إسمى العلاقات الانسانية وهي الصداقة وإن لم يكونون معاً بالأجساد ولكن الاهم بأن القلوب تكون على اتصال دائم , تحس بنبضها الاخر بألمه ووجعه وضحكاته وآدق تفاصيل حياته ..
