{♡حياتي الخاصه♡}

أشياء غبيه💔😧

السلام عليكم ورحمه الله وبركاته

مثل العنوان بل ضبط

هوه اني وايد غبيه تدرون شنو

يوم الاربعاء الي عبر مو أمس الي وراه

عصبت نزين اي ابوي يعامل اخوي احسن مني مع اني انا أكبرهم

من عصبت نمت على الكنبه👈💔 👉وغطيت وجهي ب لمخده هذي الي تنامون عليها لمن تحطون
خدك ومخك صارت مخده

المهم وابوي كعد طبعا ماراضاني عبالكم يكلي يلله كومي ومادري  شنو

المهم عصبت حيل وشمرت المخده على ابوي علساس

بس انكسر كوب زجاج (بلفصحه )وطاح الي بيه من ماء وتكسر وهيج انه صرت غبيه كبيره💔

طبعا هوه كال لو ما صايمه جان كتلتج ولو ميشاقه طبعا يسويها

وامس انكب مني اللبن والمشكله عندنا جدتي وعمتي وعمامي ثنين بس كانو بره لذالك بس عمتي وبيبتي يمنه وهيج همزين شوي شوي طاح الحمدلله مو  كله

والمشكله الثالثه مدري يمته بس بلسحور😯

هيه وانه جاي اسحب الليمون طكت أيدي ب كوب

الحليب وطاح

تتسائلون ليش الليمون

لأن احب اكله مع البيتزا

بس

شوي المشكلات موو 😁😶👈💔👉

ووووببببسسسس

_________________________________
سؤال من fffoooom
كيف توازني وقتك بين الدراسه والهاتف وهل

هناك طريقه تفعليها عندما تدرسي وتفكري ابدا

بشيء يلهيكي
_____________________________
نورتي حبيبتي fffoooom
وشكرا لسؤالك

والله ماعرف اجاوبك مباشرا
اول شي انا ما وازن دراستي مع الهاتف ليش بس

يخلص شحن الهاتف احطه على الشحن و ادرس
بس يعني مرات💔
ثاني شي اعتقد عندي سر على روحه المدرسه

وادرس هوه سر لأني اروح للمدرسه صديقاتي

يكلولي اذا مجيتي نعضج نكتلج نزاعلج منحجي وياج

أما الدراسه فهي الأهل والمعلمه فهي حسب الشخص

بلمعنا تهديدات الاهل وهي شنو( راح امثللكم )

الأب :ماعندج دراسه
البنت:اي بابا ماعندي ولا شي
الاب:واذا رسبتي اشيل النقال منج فاهمه
البنت :خوش هسه اكوم ادرس بس لاشيل النقال
الاب:يلا كومي لا اشيل ولا اكول انطينياه
البنت:ما بي شحن راح احطه اشحنه لحد ما ادرس
والمعلمه الي مرات تهدد برسوبنه بلضرب

والمهم انا من النوع الي بيخاف لذالك اكوم ادرس

ومرات اذكر أن لازم انجح وافرح اهلي وفرح نفسي

لذالك ادرس غصب عني ومو غصب

لذالك احنه بلامتحانات مرات انا وزميلاتي وصديقاتي
نكعد وندرس ونراجع وكل وحده تراجع ل ثانيه

ومرات أحاول أن ادرس بعيد عن النقال ومرات اقفله ومرات اضمه حتى لا ألعب فيه ومرات احاول
أن أرتب جدول يومي حتى اكدر ادرس بوقت محدد ومرات لا
وشكرا للسؤال حبيبتي فوم

ومع السلامه

سيو