بغيابك كنت ما اخونك كنت اكتبك و اتامل صورة عيونك

12

ما تنسوا الفوت 

نزل رعد يده عنها ولف وجهه عليه ورد : وإنت شدخلك ! رفع نايف يديه ورد : أبداً مالي أي علاقه بس كسرت خاطري وانت بهالحاله . قرب رعد من نايف وضحك بسخريه ومسح بأصبعه طرف شفته و بخبث : مدري من اللي يكسر الخاطر والله .. على بالك م أدري إنك تحبها . دخل نايف يديه بجيوبه ورد ببرود : تدري او ماتدري .. بالأخير شي يخصني .. البنت رافضتك ليش مأذيها ماعندك كرامه إنت ؟ دفه رعد بيده وبنرفزه : إحترم نفسك يالكلب . نايف وهو يحاول يكتم غضبه : إيدك لاتمدها هاه .. محترم نفسي قبل أعرفك واعرف أشكالك اقول بس لململم كرامتك قبل أخلص عليها اذا بنت سوت فيك كذا شلون الرجال .م تحمل رعد كلامه وسدد له بوقس قوي بطرف خده .. لدرجة انه ميل نايف ع االطاوله وطيّح الصحن اللي فيها .صرخت إيڤا بخوف : نايفرفع يده لخده وبحقد : تمد يدك علي يا ابـن الـ ### < ورد عليه بـ بوقس بوسط وجهه .حاول رعد يثبت نفسه وتقدم من نايف وصار يتضاربون و يتشاتمون وإيڤا مابيدها غير تصرخ عليهم تحاول توقفهم لكن مافي فايده .. ..دخلو راكان ولتين وتسينم مخترعين من اصوات الصياح اللي سمعوه والمواعين اللي نصها ع الأرض طايحه والبعض منها متكسر ..دخل راكان بين رعد ونايف وبحده: هيه هييه وخر عنه وخرو عن بعض انت ويااه .دف نايف عنه و وقف بينهم وبقل صبر : خيرر ان شاء الله شصار على وش تتطاقون .. ؟؟ رعد وهو يناظر نايف بحقد : إسال الحيوان اللي جنبك. مسح نايف ع وجهه ورد بقهر : ما الحيوان غيرك يالزلابه .. ضحك وكمل باستحقارة: ياللي بلا كرامه . تسنيم باستغراب : شو هاد .. ماكأنكم إخوان .. هيك بتتآتلو ؟؟ لتين بنرفزه : من قال لي اناديكم انتو الاثنين انا مسويه اني راعية ضيوف بس ماتستاهلون .. كذا تسوون بهاليوم المهم بالنسبه لي .. خير وش بينكم ابي اعرف وش السبب اللي خلاكم تتذابحون بهالطريقه ! نطقت إيڤا بارتباك بعد سكوت رعد ونايف : تعرفين الشباب احيان مايتقبلون مزح بعض وتقلب جد معهم.لتين وهي تناظر حولها : المهم .. انا م اعرف هالكلام الحوسه اللي سويتوها ترجعون تنظفونها يلا .إبتسم راكان ورد : يلا اشوف إسمعو كلام خطيبتي . رعد بسخريه : تستهبل على راسي انت تخيل أنظف .تسنيم : لا م عم تمزح متل ما سويتو هالحوسه رح تنضفوها .إيڤا : خلاص لتين انا ا... قاطعتها لتين بحده : لا مارح تسوين شي اثنينهم رح ينظفونها . رفع نايف حاجبه ورد وهو يناظر رعد باستحقار: م اتوقع اذا نظفت ررح تطيح كرامتك مثل قبل شوي .# قبض رعد ع يده مقهور ومارد عليه .مسكت تسنيم يد إيڤا : إمشي معي انتي بخاف تخني لأليلون وتنضفي معون .ابتسمت لتين وهمست لراكان : أمك رهيبه صراحه .راكان : كيدهن عظيم .. امشي بس .. يلا شباب بالتوفيق ـــــ ـــــ ـــــالساعه ٧:١٤م فهد قبل يدخـل بيت عمه سعد اللي هو أبو ريان .. فتح كاميرة جواله الأماميه وصار يعدل غترته . أم فهد بإبتسامه : بعد عمري ي فهيد بتنهبل البنيه لاشافتك يلا دق الجرس خلينا ندخل .ضحكت غنيمه وردت : الا بتختنق من ريحة العطر اللي كبيته كله فوقك ./ فتح أبو ريآن الباب وكان مرسّم وجلسهم بعد م سلمو على بعض .. أم فهد : شلونك ولدي معاذ ان شاء الله بخير ؟ معاذ : بخير ي عمّه الحمد الله . حط فهد يده ع كتف معاذ وبابتسامه : اخبارك ي وحش ؟رفع معاذ نظره له ورد : طيّب ولله الحمد . أم ريّان : يلا عن إذنكم بشوف غاده عشان تنزل . أم فهد : وين الجماعه م اشوف أحد ماعزمتو أحد ! أبو ريان : الا مير أم ريان قالت لهم الحفله الساعه تسع .. عشان ناخذ راحتنا مع العيال اولوونحتفل فيهم قبل اللمه.غنيمه : إي خالي خير ما سويت .أم فهد : إنتي خلي الشيله ع راستس ي قليلة الحيا ترا ولد خالتس معاذ ماعاد صغيّر ..
.# نزلت غاده من الدرج مثل الأميرآت .. < وإشتغلت أغنيه رايقه وهاديه وكان ااصوت عالي وممّلي الفله. كانت لآبسه لحمي طويل وماسك .. أكمامه طايحه ومخليه شعرها طايح كيرلي مع الخصل الشقرآ ومسويه ميك أب ناعم وطالعه تجنن مررررا .رفع فهد عينه عليها من شافها نازله وماقدر ينزلها لفتت إنتباهه بشكل فظيع وأول مرا يُعجب ف بنت بهالشكل و واضح انه بيروح في خرايطها .أم فهد : ماشاء الله لاحول ولاقوة الا بالله .. الله يحرسها .< رجعت نظرها لفـهد وإبتسمت من شافته ماشال عيونه عن غاده .غنيمه دقته بكوعها وبضحك : وييي كليتها بعيونك يالفاهي .فاهي منجد لدرجة انه ماسمع وش قالت له .. # جلست بجنب أمها .. وجلسو يسولفون شوي معها.وقفت غنيمه وقالت : يلا عاد خلوهم يطلعون لحالهم غثني فهيد كل شوي يهمس لي صرفيهم عشان نطلع .. مستعجل .رفع فهد نظره لها بهول مصدوم من كذبتها وماقدر يرد .. منحرج .أم فهد بضحك : يلا يلا خذها .مسكت ام ريان يد بنتها وردت : يلا قومي روحي معه للمجلس ...بعد م جلســوو فهد باحراج وتوتر : كيفك ؟ غاده بصوت بالقوه سمعه : بخير . فتح فهد اول زر من ثوبه : مو كأن الجو حار . # أخذ جهاز المكيف وعلّاه .كتمت غاده ضحكتها عرفت انه مرتبك ومن شدة توتره صار يعرق لان الجو حلو والمكيف بااارد .تنهد فهد ورد : مدري وش أقول .. من شفتك إنخبصت .. نسيت الكلام اللي من أمس وانا أجمعه عشان أقوله لك . إبتسمت وردت بهدوء : عادي قول اللي عندك . رد فهد وهو يناظرها : ماكذبت أمي يوم قالت إني رح أنهبل اذا شفتك . #نزلت نظرها عنه منحرجه وصارت تفرك يديها . فهد : ويني عنك من زمان .. تدرين ليتني سمعت كلام امي وتزوجتك من قبل ... < ضحك بخفه من شاف انها انحرجت من كلامه وكمل : ماقلتيلي .. شلون الجامعه معاك ؟ غاده باحراج : لسى ماسجّلت .. يعني معدّلي شوي نازل .فهد : زين انك ماسجلتي لأن اذا تزوجتك مارح أخليك تدرسين أصلا انا باقي لي كم شهر وأخلص وان شاء الله بعدها نتزوج . قرب فهد منها أكثر وبهمس : غاده .غاده بدون م تناظره : هلا.لف غترته حول رقبته ورد : إنتي تحبيني ؟ كمل بعد م شاف انها ساكته : اقصد يعني موافقه علي وراضيه ؟هزت راسها بخفهة وردت : أكيد راضيه فيك .. وبصراحه # رفعت عيونها وصارت على عيونه وكملت : كنت أنتظر اليوم اللي نعقد فيه ونكون مع بعض .فهد بهاللحضه يحس ان سهوم عينها راح تموتـه .. رد بهيام : وانا والله ماتوقعت اليوم إني رح اتلهف اتملكتس بسرعه .. مسك يدهآ الناعمـه ورفعها لشفته وباسها بخفه ورد : الله يخليك لي .إبتسم وكمل : سرقتي عقلي يابنت والله مادري وش أقول وماعاد فيني أفكّر أكثر .. صقعها ع خدها بشويش : غلبتيني.مد لها الكيس ورد : دووتس . ( معناها خذي ) ضحكت ورفعت يدها لفمها : ما أقدر على الحتسي ذا .ضحك فهد ورد : وش بوه مو عاجبتس حتسيي ؟ غاده : لا افا عليك هذا كلامنا بس تصدق حلو عليك لو تتكلم قصيمي . فهد : خلاص تعودت ع الكلام العادي بس اذا عاجبك أكلمك فيه .غاده : اللي يريحك ماقلت لي وش بالكيسه ؟ فهد ببرود : شوفي .فتحت غاده الكيس وطلعت علبه شبه مستطيل مغلفه بشكل حلو .. شهقت من شافته وبصدمه : لا .. منجد وش درّاك إني أدور هالكتاب من زمان !! ياربيييه أححب هالشاعر رفع فهد حاجبه ورد : تحبينه ؟؟ .غاده : أقصد أحب شعره شفيك .محمود درويش بعدين حتى لو أحبه تراه كبر أبوي شفيك ههههههه .فهد بعناد : لو بعمر جدّك لاتقولين قدامي إنك تحبينه.غاده : طيب .. خليني اشوف بعد وش جايب لي ولا اقول خلاص أشوفها بعدين . دخلت غنيـمه مستعجله : يلا يلا فهيد خالي يناديك الحريم بعد شوي يجون . وقفو فهد وغاده .. فهد : مسرع تونا جلسنا . غنيمه : صار لكم ساعه يالهبل .. يلا بسرته إمطخه ( يعني بوسها ) قبل تمشي . نزلت غاده راسها منحرجه وججها بيتفجر من الحمار .. كتم فهد ضحكته ورد : طيب إنقلعي من هنا وانا شوي وبطلع . # بعد م طلعتاحتضن خدها بيديه وباسها بين عيونها وبإبتسامه : مبروك علي انتي .غاده بخجل : ومبروك علي إنت.باس خدها بخفه ورد : سجلت رقمي بالكتاب اذا تبين تكلمينن .. إنتبهي لنفسك . < طلع فهد رمت غاده نفسها ع الكنبه وحطت يدها ع قلبها : بسك بسك يممممهه قلبييي ... ـــــ ـــــ ـــــاليوم الثـآني الساعه ٩:٢٣ صعبد الله وهو يسكر ازارير قميصه الليموني : اقول لك ما اقدر شوفي الساعه صارت كم .وقفت أميره قدامه و بزعل : اي مستعجل على بنت عمك طول ايامك معها ومسترخص علي هاليومين اللي بتجلس فيها .إبتسم عبد الله ورد وهو يلعب بأطراف شعرها : أموت ع اللي يغارون . تدرين ودي يومي كله معاك .. بس البنت بتكون لحالها وهذي اول مرا تجي سويسرا مابي ابتلش فيها .. بكرا الصبح وانا عندك . أميره بارتباك : لا حبيبي م اقدر .. أقصد بكرا مواعده صديقاتي يعني نطلع نفطر ونتسوق بهاليوم رح انتظرك الساعه 4 المسا زين ؟ عبد الله : اللي تشوفينه .. يلا انتبهي لنفسك واذا بغيتي شي كلميني .باست خده وردت : طيب وانت انتبه لنفسك عمري.# بعد مانزل من شقتها إلتقى بصاحب العماره وليد اللبناني : عبد الله : سلام كيفك وليد ؟ .وليد : أهلين عبد الله .. شو أخبارك ؟عبد الله : بخير الحمد الله .وليد : إسمع الجيران بيشتكو من مرتك .. أحيان بتعمول إزعاج الون وبتعزم رفئاته وبيضوجو الجيران .زفر عبد الله ورد : خلاص انا اكلمها اذا رجعت . قرب وليد منه أكثر ورد : هالمره مابيصير تتركه لحاله بشوفه تطلع بوئت متأخر مع شب ساكن هون بهالحاره وأحيان بتدخلو لشئته ومابيعود يطلع الا الصبح .شده عبد الله من ياقة جاكيه وبقهر : شقاعد تقول انت .. أنتبه تغلط على زوجتي وتتكلم عنها بهالطريقه انت تفكرها مثل باقي البنات اللي هنا .. > دفه وكمل : وخر من قدّامي يلا .
$ وصل عبد الله للفندق *
فتح عبد الله باب غرفته .. حط جواله ع للتسريحه وعقد حواجبه مستغرب إنه ماشافها .. ف نفسها : شكلها بالحمّـام مشى صوب الحمام وصار يدقه : سيلين .. سيلين ! ترا بفتح ! فتح باب الحمام وماشافها $ جن جنونه من غيابها .. طلع جواله وجلس يتصـل عليها وهي تعطيه مشغول إلين طفشت منه وحطته سايلنت ... وصلته رساله خلال ثانيه منها محتواها ( أنا مع زميلاتي يازوجي العزيز لا تزعجني اوكيه )رمى جواله ع السرير " معصب مرا عبود " رجع شعره المجعد بيده ع ورا وبقل صبر : أورّيك ياسيلين . ..# بينمـا سيلين تتمشى مع زميلاته ! رند بصدمه : وخليتيه لحاله يالخبله ؟ ضحكت سيلين بسخريه وردت : تستهبلين ؟؟ هو اللي خلاني لحالي وطلع مع خويّاه ولا سأل .. قلت بنفسي أجل اطلع وأفلها مثله . هديل : يمه منج مينونه إنتي .. يعني طلعتي من دون ماتكلمينه ؟ سيلين بضحك : ماتشوفين جوالي م سكت كملت بخبث : بس خليه والله لا أطلع براسه الشيب وأجننه وأخليه يندم على حركته البايخه هذي .رند بتحير : بصراحه ماتنلامين بس بنفس الوقت مايصير اللي تسوينه .سيلين : بنات انا طلعت معكم ابي اتونس لاتضيقون صدري . ضحكت هديل وردت : تعالي بس نعن أبو اللي يضيق صدرج .ـــــ ـــــ ـــــبالشركههلتين بقل صبر : يا إيڤا إفهميني .. أنا إذا منعتك من شي هذا من خوفي عليك ! إيڤا : طفششت يالتين طفشت الاجازه كلها بقضيها بالبيت والله طفشت .. انتي كله بالشركه والبنات كل وحده منشغله بحياتهاا .
لتين : خلاص اذا رجعت نطلع انا وياك نتمشى ونشري كم غرض لناا . إيڤا بسخريه : وش نشتري .. انا كل ماطلبت منك قلتي إنتظري لين ينزل راتبي .
لتين بنرفزه : إيڤا انتي ماتفكريين غير بنفسك حسسي فيني شووي حسي .. انا اكد واشقى عشانك وانتي بس تعاتبيني وتحاسبيني انا لمين عايششه اصلا ؟؟ انا عايشه لك انتي وادري بتضيعين من دونيي .إيڤا بأنانيه : لو تفكريين فيني ماتخليني كل يوم لحالي وأقلها توفرين لي اللي يرضيني أو تسمحين لي اطلع مع زميلاتي اتمشى مثلهم.لتين بغضب : طلعه مافيييه ان طلعتي يا إيڤا والله ماتلومين الا نفسك فهمتيي قفلي يلاا .قفلت إيڤا الخط ورمت جوالها ع سريرها .. تكتفت وصارت تدور بالغرفه وبقهر : هفف لين متى يعني .. يارب خذني .. وفكني من هالعيشه .# بينما لتين نزلت جوالها وصارت تبكي .. مابيدها حيله .. ودها تسعد أختها لكن كل شي جاي فوق راسهاا .إيڤا ماتوقعتها بهالأنانيه بس لسى تعيش مراهقتها وتبي مثل صديقاتها .قاطعها ناصر اللي دخل يوم شاف الباب مفتوح وسمع كل محادثاتهم : تسمحين لي ! مسحت لتين دموعها بسرعه وردت : تفضل ناصر .ناصر بعد ماجلس : خير ان شاء الله .. اقدر اساعدك بشي ! لتين بجمود : لا تسلم . ناصر : ليش تبكين .. جد قوليلي اذا اقدر اساعدك بشي ؟رفعت خصلات شعرها عن وجههت وردت : لا بس يعني شوية ضغوط وتعب .ناصر : ضغوط ماديه صح ! رفعت لتين نظرها عليه .. كمل ناصر : اذا تبين وظيفه براتب أعلى ومكافأت عاليه عند زميل لي بشركه .. انتي ناجحه بشغلك ومهتمه وكلن يتمناك .لتين بإستغرب : ناصر إنت براسك شي ! .. هذي ثانيه مرا تحاول تقنعني عشان أقدم استقالتي ؟ إبتسم ناصر ورد : لا لاتفهمين غلط .. بس انا مقدّر ظروفك وأبي أساعدك .لتين بحده : لا مشكور انا راضيه بوظيفتي ومارح أطمع لاني مقتنعه .# في غرفة عبد العزيز : بعد م اتصل على راكانرد راكان : هلا استاذ .. تبيني امرك ألحين ؟ عبد العزيز : لا راكان إتصلت أبي افاتحك بموضوع وأعرض عليك شغل . عدّل راكان جلسته ورد : وش .. اقصد اي تفضل .عبد العزيز : راكان انا بصراحه مرتاح لك و ودي تقبل عرضي بوظيفه عندي بالشركه .. إعتبرها ترقيه يعني. ضحك مو مستوعب ورد : انا انا .. يعني مدري وش اقول لك .. يعني كيف .ابتسم عبد العزيز ورد : يعني راح تصير عندي بالشركه بدل السواق .. م أعتقد انها تنشرح أكثر من كذا .. موافق ؟ راكان وهو يكتم فرحه : من الغبي اللي يرفض الشغل عندك .. والله ماشفت مثلك الحمد الله والله لولاك من بعد الله كان حالي ماتيسّر . عبد العزيز : خلاص أجل بكره تمرّني الشركه عشان تسجل بيانتك وتوقع وتبدا شغلك . راكان : ان شاء الله .. تبي أمرّك الحين اقصد عشان أخذك يعني .عبد العزيز : لا مو الحين باقي عندي شغل لاتخاف بتصل اكلمك بحللك بما انه آخر يوم لك عندي هههههه راكان : ان شاء الله تحت الخدمه انا .عبد العزيز : ف امان الله .راكان : سلام . # قفل الخط وهو طاير من الفرحه و ف نفسه : ممنون لهالرجال والله .. من اللي يرضى يشغلني بشركه وانا باقي ماخلصت جامعه حتى .. الحمد الله يارب لك الحمد .ـــــ ـــــ ـــــفتحت ميار باب شقتهآ ميار ناظرتهم بإستغراب /رجل الشرطه : ( الآنسه ميار عبد الرحمن ؟) ميار :( نعم .. ماللذي حدث ؟ )رجل الشرطه : ( تفضلي معنا الى المحكمه .. تم رفع قضيه عليك من قبل زوجة أخيك وعليكي أن تكوني موجوده في المحكمه.. ومن الأفضل أن تحضري إبنة أخاك لأجل الجلسه ) ضغطت ميار ع اسنانها بقهر : بنت اللذين سوتها
رجل الشرطه : ( لا تأخذي من وقتي رجاءً استعجلي )ميار :( ولكن كيف .. اقصد محامي .. علي أن أخبر المحامي لأجل القضيه الـ ..)قاطعها : ( ستفعلين هذا بالمحكمه رجاءً تفضلي )..بالمحكمـه :وبعد كلام طويـل القاضي : ( حكم الحضانه سيكون مؤقتاً حالياً الى أن يتم حلّها .. لأن زوجة والد الطفله ليس لها أي صلاحيه في إحتضانها ومن أجل سلامة الطفله يجب أن تكون بين يدي أهل والدها .. ) قاطعه بدّاح : ( ولكن ياحضرة القاضي .. زوجة والد الطفله أولى بالإهتمام يمكنك أيضاً ان تأخذ رأي الطفله وتُخيّرها بالطرفين ) رد محامي ميار : ( من الغلط أن نأخذ بكلام وشور الطفله لأنها لاتعرف مصلحتها .. تعرف ياحضرة القاضي أن الطفله ليست بطفلتها ومن المستحيل أن تهتم بها أكثر من عمتها وأهل والدها ) .القاضي : ( وهذا ماسيحدث .. الحضانه ستكون لصالح أهل والد الطفله والسماح لزوجة والد الطفله برؤيتها في أي وقت ومنع عمة الطفله من أخذها والسفر بها خارج الدوله وهكذا ننهي الجلسه الى موعد آخر في خلال الشهرين القادمه ) رفعت ميار نظرها لوسن وإبتسمت بانتصار .. بعكس وسن اللي إنهارت بكاء من سمعت القاضي .قبض بدّاح يده بقهر و ضربها بالطاوله وهو يقول ف نفسه : والله ماتربحها .. وانا وراك رفع عيونه لـ وسن وبضيق ع حالها : عطيتها أمل وهقاوي بس مستحيل أخيّب هقاويها فيني ...
# برا القاعه :تقدمت ميار لوسن وتكتفت : قلت لك لاتفكرين تلعبين معاي لكنك ماسمعتي وسويتي نفسك قويه ورحتي إشتكيتي علي .. انتي ليش تدورين للنكد !؟ماكفاك اللي عايشته ؟؟ .وسن بحده : لا مو كافيني .. واذا خوفي على بنتي سمر تسمينه نكد فأنا أعشق هالنكد وبضل وراه .ضحكت بسخريه وردت : مصممه تخلينها بنتك ! تجاهلتها وسن ونزلت لسمـر .. إحتضنتها وجلست تسولف معها .ميار : يلا سمر إمشي . سمر بزعل : مع الثلامه ماما .. انتظرك انا.# بعد ماراحت :بدّاح : وسن مدري شقول لك انا متأسف لأني ماقدرت أساعدك .وسن بضيق : ان شاء الله تنحل .بدّاح : أكيد رح تنحل إن شاء الله بس اذا صبرتي .. أنا طول عمري ماخسرت ولا قضيه وصدقيني رح أرجعلك بنتك بأي ثمن. إبتسمت وسن بحزن وبهمس : ان شاء الله .ـــــ ـــــ ـــــالساعه ١٢:٣٠ م فتحت سيلين باب الغرفه ودخلت .. حطت شنطتها وجاكيتها ع التسريحه ! عبد الله جالس ع الكرسي يناظرها ونظراته لها ماتبشر بخـير ! رفعت نظرها عليه يوم شافته ساكت يناظرها ومامنه كلمه .. عقدت حواجبها وبهدوء : خير في شششيي !عبد الله بسخريه : لا في قهوه . إبتسمت وعرفت انه معصب بس يحاول يمسك نفسه وردت عشان تستفزه أكثر : ياحليك والله دمك خفيف .وقف عن الكرسي وبقل صبر : يعني الحين منتي مسويه شي !عوجت فمها وردت : اووه ليش وش مسويه بعد ؟قرب منها عبد الله أكثر وبنرفزه : حرقت جوالك بـ الاتصالات ولاتردين واخرتها تردين برساله .. وين كنتي انتي ؟؟ ومع مين طالعه وانتي اول مرا تجين هنا ؟ لفت وجهها عنه وردت : مو شغلك .سحب يدها ولفها عليه وبغضب : الا شغلي لاتنسين اني زوجك ومسؤول عنك لو صار شي فيك انا اللي رح ابتلش انتي جيتي معاي يعني تطلعين معاي انا اطلعك بس فاهمه .ابتسمت سيلين وردت : انت بس تصير زوجي وقت اطلع صح ؟؟ الحين قول لي انت ليش جايبني هنا هاهه قول؟؟؟ كملت بغضب : أي شهر عسل هذا !! جبتني ورميتني بالفندق وطلعت مع اخوياك تتمشى وفالّها .. يعني انا مالي حق اطلع اتمشى ! لا حبيبي طلعت اتمشى مع صديقات لي هنا .. كملت وهي مبتسمه : و مره إنبسطت صراحه .ناظرها بحده ورد : ٱححلفي ؟ سيلين : والله جد .عبد الله : سيلين ترا مو ناقصك انا تعبانن ومالي خلق اهاوش ويصير بيننا جدل .سيلين باستحقار : انت وش ؟ عبد الله بصوت حاد : قلت تعباااااااان ومالي خلق . سيلين : ثعبان و لا حيّـه مايخصني .. / كملت بقهر : تعبان من الفرفره مع اخوياك لكن انا مارح انتظرك اذا طلعت بطلع بنفسي وامشّي نفسي بنفسي .عبد الله بقل صبر : انتي الظاهر تبين تنضربين مثل كل مره ؟ سيلين بغضب : مو انت هذا اللي فالح فيه بس تضربني وتهاوشني تبي تضرب .. اضرب انا قدامك وأكيد مارح اهرب منك لانك زوجي .سكت عبد الله لثواني وجلس ع السرير ورد : تغديتي ؟ عقدت سيلين حواجبها مستغربه من رده ..عبد الله : سألت تغديتي ولا أطلب لنا . إبتسمت وردت باستهبال : لا أنتظر زوجي عشان نتغدا انا وياه تعرف ماتنزل لبطني لقمه الين يتغدا هو . ضحك عبد الله بخفه ورد عشان يستفزها : والله توي ادري انك عاقله وزوجه مثاليه فديت روح زوجتي بس.زفرت سيلين بحقد ورظت : لا تحسبني ع الغدا .أخذ سماعة التلفون عشان يطلب غدا ورد وهو يناظرها : غصباً عنك واذا مارضيتي بأكلك بالقوه .↓↓كتٰ . إنتظرو البارت الجـآي "💐💛