(S&BS 1) String-knitted Hearts [Published by Psicom ICONS]

Teaser

Ang buhay ni Harvey, tahimik at bahagyang hindi makatotohanan. Seven years old lang kasi siya sa paningin ng Mama niya kaya araw-araw ay may bimpo siya sa likod anti-pawis; may baon siyang juice jug at animal-shaped cookies; nagre-recite siya ng nursery rhymes; at bago matulog ay umiinom ng malaking baso ng gatas. Higit sa lahat, Harry ang tawag sa kanya ng ina—as in Prince Harry.

Isang gabi ay kumatok sa bintana at sa buhay niya ang runaway na si Charley—makulay ang buhok, bully, at sa loob lang ng ilang minuto ay naangkin ang kuwarto niya.

Naisip niyang may posibilidad na kaya mas kakaunti ang bilang ng mga lalaki kaysa sa mga babae ay dahil sa mga tulad nito. Ayaw niya rito.

But they both have secrets to uncover and pains to deal with. Gusto yata nilang paghilumin ang isa't isa. #