بقيت بيناتهم ..مثل بلاع الموس لا بيه اطلعه ..ولا بيه ابقي ...
هنا بديت اكرهه امي هيه السبب بلي ديصير ..بيه ..
سبب قهري ..ومذلتي ..ميفيد لا كرهه ولا بجي ..
لازم اصير قويه مثل سميرة ..واقوة بعد..هاي الدنيا مو مال فقر ..
الفقير ينداس بلرجلين ..بس خلي اطلع من هلبيت ...
ويصير عندي بيت وحدي لا اشوفهم ..الي عشته ..
عمري هنا..جان 15 سنه ..صغيرة .وكلي حياة وطاقه بس ..عقلي ..بدة ..يتغذى ع الحقد ..
كام يوميه ...
يجي ..خالد ..عادي البيت بيته ..
بس ع كد السلام ..ويايه
يروح وي ..سميرة ..
حتى سميرة كامت ترتاح اكثر بعتبار يطب ويطلع علينه ..عادي ..
اما عمي ..الدرة ..يمكن عايش بغير عالم ..
همه.بس اني .لا اغلط ....واجيب العار اله ..
وميعرف بمرتة شسوي ..
يوميه افكر افضحهم ..بس اخاف ..لا انشمر بشارع ..
لحم وبشارع اكيد انهش ..واضيع ...
كلت اصبر ..واشوف تاليها ..
جنت اسمع قصص من بيبي ع الصبر ...
ويوميه ..اعيدهن ابالي ...
ماطولت خطوبتي هوايه ..
بين ماكملو الجهاز ..والترتيب ..
شهرين ...شفت بيها العجب بين سميرة وخالد ..
وكانما مويمهم ولا عايشة وياهم ..
حتى خالد ماكلف نفسة ..يحاجيتي ..
فهمت سالفتهم ..حب ....عود ...
وعمي ماعرف شنو موقعه بحياتها ...
اني هيج كوة ..مرة ماشايفه بعمري ابد ..
حتى لو جهالها موجودين ضحك وسوالف وتكرص ويا ..
فديوم ..بتها بسمه جانت بثالث ابتدائي ...
جتي يمي تبجي ..جنت اكرز حب واباع ع الولد يلعبون اتاري ...
ولج شبيج
تبجي ..
بسومه كلبي منو وياج ..
ماكو ..
احجي ..اكطع اذانه الي اذاج ..
شاورتني ..خالد ..
يمه شبي ..خفت لا مسوي شي للطفلة هلقذر ...
ولج شسوهه .امشي نكول لامج ..
ردت كالت لا لا ..
شفته يبوس امي ..
اني خرسيت شكول الها ...
كتلها..بسومه جنج مشايفه ..شي ..اسكتي..واكعدي ..
كامت من يمي كرض ركضت وراها ...طبت للمطبخ ..
جانو كاعدين بلمطبخ ..
زين ماحسوو ولدها ..ع اختهم..
صاحت سميرة شبيكم ..خير ..
ماحجيت شي اني ..
احجو شكو ..
يلا عيني ام حمزة اروح اني بقت يمج ..ضبطين الباقي..
تدلل..سلملنه ع ابوك ..طلع خالد ..
شكو ولجن ..
بسمه ...يمه ..شفت هذا خالد يبوس بيج ..
ركضت عليها ..وسدت حلكها ..
طفله فرفحت جوة اديها ..
رحت عليها دفعتها ..عنها عوفيها ...راح تموت جواج ...
شو هاي كعدت بلكاع دك ولطم دك ولطم ..
راح اعوفكم واطلع ..وهسه ابوكم يشمركم بشارع ..
جوي ولدها هم صغار شكو يمه شبيج ..
عاطت بيهم ...طبو بغرفكم ..
راح اطلع من البيت
واعوف لبيت .لبنت الزفرة اداريكم ...
هنوب الكل جلب بيها ..جهالها ...
يمه لاتعوفينه ويتباجون ...
حتى بسمه ضلت تبوس بيها ...
لا اطلع ...وخلي ابوكم يشمركم ..
هنوب يردون يعرفون شصار محد يعرف ..
اني ضليت فاكه حلكي ع الفنون هااي..
عفتهم وطلعت من غرفتها ...
عزة بعينها هيج مرة ماشايفه ..
خلت جهالها تتباجه ..
وبسمه نست الي صار ...
ماكو شويه وطلعو الجهال ...
وراها سميرة طلعت ..
وضلو داير مدايرها...يبوسون بيها ..وهيه تتمسكن ..ويبجون
يخافون لاتروح ...
كعدت بلمطبخ ...
جتي ..
ها تريدين تخربيها عليه ...
ولج والله اموتج ...واذب عليج بلاوي ..
والله عمه هيه شافتكم مو اني
هيه مو هيه ...
اني مفهمتها ..اذا حجت ابوها يذبحني ...
وانتي هم كولي الها ...
هزيت براسي اي ..
يلا كومي حركتي كلبي ..
جيبي عباتي ..داجيب ..عشا وببسي ..
هسة عمج يجي ..
كمت جبت الها عبايتها ...
غمتني وطلعت ...
رحت يم الجهال ...
كعدت شويه ..كام ابنها الجبير ..
كلي ورده امشي طلعي من بيتنه ..
من وراج امي تريد تعوفنه ..وكبو عليه ...كلهم ....
