اها ناس عمتي ح يجونا العصر .. أمي دخلت جوة تسوي الغدا وانا شغالة ارتب وكدا برا طبعا مقعدة معاي سيف 🌚👋 عشان بخاف .. ابوي قال ليهو اقعد معاها وشاميني شمة 😂😂 يحمر لي ساااي .. حمر ساااي ي اخوي م مشكلة المهم تقعد 😂 بعد خلصتا مشيت لي ف امي اشتغل معاها واخيرا سيف لقا حريتو 😂✌️ امي بتقطع ف البصل وانا بنضف ف البطاطس بي سبب البصل عمييت وم شايفة شي قدامي دموعي سايلة ونخرتي سايلة وحالتي بالبلا 🙉.. يلا خلصنا شغل مشيت قلت دايرة استحمى (اهاا كيف مع الجماعة القاعدين معانا ديل ولا نحنا القاعدين معاهم م عاارفة ) 🌚👌 .. #المووووهم شلت غياري وشغالة اقرا ف المعوذات واقول بسم الله اها قلتا كدا دخلتا 😐 يا ساتر يا رب، ااستر ي ستااار ... واعاين بي كل الجهات 👀💪 الحمد لله مافي شي لحدي ااسي 😮 استحميت سريييع سريع وجيت مارقة وم حصل شي 👋✌️😌 بس خوفتا من حاجة واااحدة ☝️ انو لمن أغسل وشي بالصابون واكون مغمضة يجي شي يتناولني من قفاي 😈💀👹👺 غسلت وشي سرعة سرعة وطلعت من الحمام والصابون حارقني ف عيوني لأنو م غسلتو كويس 😵 وشايفة طشاش وطلعت جرري طقشت الكرسي وقع ووقعت من فوق ليهو 👋🌚✌️ م مشكلة اصلا المووهم مافي حاجة تاكلني 💪 وسيف يضحك فيني ساااااي (اضحك كووويس ي العوقة تضحك بلا سنون)😒 طبعا قلتا الكلام دا بي سري عشان لو قلتو علني والله يلحقني امات طه م بتعامل مع وحوش انا 😮
العصر اذن كدا بعد شوية ناس عمتي كبسوو😂✌️ ي هلا وسهلا بيكم نورتو الدار 👋🙊 الجرس دقا لاحظو عندنا جرس ف البيت 😌✋️ 😂 مشيت فتحت الباب وسلمت عليهم ومبروك البيت والله يبارك فيكم (بيت السجم ي يمة) اتقضلو اتفضلو دخلو جبت ليهم موية قالو لي وين امك وناس البيت قلت ليهم ابوي نايم جوة وسيف اسي كان هنا وامي ف المطبخ النناديها مشيت عشان اناديها قلت ليها يا امي جو يلا امي قاعدة ع الهبشة 😂 وااااي جونا تاني 😳 شغالة تكورك بسم لله بسم لله جريت عليها جري وعصرت خشما 👋😷 اسسسكتي قلت ليها ديل ناس عمتوو ادتني بالكمشة كووو ف نص راسي لمن سنوني قربن يقعن مني ✌️🌚 نان م تقولي لي ديل ناس عمتك 😡 اسي يكونو سمعونا وابوك حزرنا م نتكلم ، بعد الخبطة بتاعت الكمشة بقيت اشوف واتكلم كويس الحمدلله والشكر لله قلت ليها انتي اديتيني فرصة افهمك لكن .. اها طلعنا ليهم امي سلمت وبقينا نتونس وبيتكم حلو ما شاء الله تتنهو بيهوو (انا بي سري: اي حلوو شديد انتو م شفتو شي لسسه هع هع هع ضحكة شريرة ✌️👌😌) اصلا انا م بهضمهم 😒 .. جا سيف سلم عليهم وانا مشيت صحيت ابوي .. بقينا قاعدين كلنا سوا امي قامت مننا تعمل ليهم الغدا ومشيت وراها عشان اساعدها وسيف م بعرف مشى وين وابوي دخل الحمام وخلينا الضيفوف براهم بعد شوية نسمع ليك وااااي وااااي جينا جارين انا وامي من المطبخ فشنو فشنو قالو ظهرت لينا كديسة سوداء؛ انا طووااالي ولا كضبتا قلت ليهم اي بيتنا مسك...... امي قرصتني بي ورا قرررصة والله لمن عيوني حسيت بيهن تلبن اثرها قاعد لحدي اسي وسمتني سمممح استاهل انا قربتا اقووول.. ولسه حسابي مع ابوي كمان م معروف يعمل لي شنو شكلو سمع 🌚 اها بعد اخدتا لي قرصة بقيت بتمتم عمتي قالت لي قلتي شنوو ؟؟! ضحكت ليها كدا وقلت ليها ولا حاجة ي عمتوو قصدي اقول اصلا عندنا كدايس نحنا جبناهم معانا ☺️ قالت ايوااا نحنا خوفنا لأنو ابت تمشي كلو كلوو الكديسة ..ضحكت ليها وقلت هههه اي كديسة قليلة ادب خلاص😬 عشان اتعودت ع الناس
رجعنا انا وامي المطبخ و زرتني ليكم ف ركن وقالت لي انتي خشمك دا اصلك م بتقدري عليهو 😒 الليلة ووب عاصراني ع الحيطة عصرة 🌚👌 كويس انو جات بت عمتي وانغذتني من امي والا كان ح اروح فيهاا امي فكتني طوالي حسيت بالحياة رجعت تااني 😂 قالت لينا هههه قلت اجي اساعدكم شوية امي قالت ليها لالا مافي داعي امشي ارتاحي ☺️ قالت لالا والله الحالة واحدة قلت لي امي خليييها مادام حابة تساعدنا تعالي طلعي الصينية من تحت ورصي فيها الصحانة وكدا المهم امي طلعت خلتنا برانا وانا بعديها طلعت اشرب موية وجاية .. بس اثناء م انا بشرب ف الموية اسمع ليك صرخي ف المطبخ ✌️ لمن شرقتا جرينا جت ع المطبخ وانا عرفت اصلا ديل جماعتنا جوها 😂👋 اها لمن دخلنا المطبخ لقيناها معنقلة فوووق ف المسطبة 😂 اصلي كيييف 😂 دي الطلعها فوق شنو م يكونو ادوها شلووت😂 وبتنطط (هوي دا شنو قايلاها لعبة هوائية ولا شنوو) 🌝 عمتي قالت ليها يااا بت دا شنوو جنيتي ع كبرك دا 😳 انا شغالة ليهااا واااي كر عليها المسكينة والله ي حليلها🌚 جنت فجاءة المشكلة كانت كويسة يعني 😮 وانا عااارفة ديل جماعتنا سو ليها شي 😂 بس شمتانة فيها لأنها غياظة ومستفزة تستااهل 😒 #المووهم قالت ف حاجة بتجيها بالشباك وبتعمل صوت كدا ( احححححهحهه) م عارفة اوصفو ليكم كيف 🌚💔
ابوي قال ليها انتي بتتوهمي ساي وانا طوالي اتلفت ع امي وعملت ليها كدا (عضيت ليها شلاليفي واغمز ليها) نظام ديل الجماعة 😌 وامي بتحاول توقف فيني من بعيد نظام اقعدي ساي م يشوفوك وانا اغمز ليها واتبسم ساااكت 😂😂😂 خلاقة خلااص🌝 الموضوع انتهى وطلعنا برا واتغدينا وانتهينا وشربنا الشاهي ياهو 👋 وقعدنا ننوس والمغرب اذن والوقت ماشي والضلام جانا نحنا اصلا م مشكلة لأنو اتعودنا عليهم كعب ناس عمتي م شافو درامات لسسه 😉😂😂
