#فصليه_ملوك

9

#فصليه_ملوك
#الجزء9
#بقلمي
ام آيه
#اماسي_الليل

مصطفى :فرحت بحجي امي هوايه ،وكتلها يوم لازم اخلي هذا الفرق بينا واني اريدها تحبني بطبيعتي وضعيتي مو مجبوره ..
ام مصطفى:يمه انت ادرى واتمنالكم كل الخير ياربي..
عسل:ياربي شلون اني حاسه الحب بعيونه ،بس شلون خو مو اني اجبره يحجي ،ودائما يذكرني بالفرق بيناتنا،اتغدينا والعصر قطعنا الكيك وتونسنا
مصطفى:عسل بقت 6 ايام وترتاحين مني ..
البي خير يقدمه رب العالمين..
شنو راح تسوين من راح اعوفج..
ارجع لبغداد واقدم القبول وانتظر كليتي واداوم ..
مراح ترتبطين بااحد؟؟؟
لا طبعااا .
ليش؟؟
مااتوقع كلبي راح يدك من جديد!!
عرفت قصدهاا وفرحت حيل بس اني اريدها تجيني بقناعتها..
انت شراح تسوي مصطفى من اعوفك؟؟
اداوم بمكاني الجديد واحاول احبه والتهي باامي واخويه...
زين شوكت تزوج بعد؟؟؟
مو هسه آجل الموضوع فتره..
ليش؟؟
اريد اطور نفسي واحسن مستوا اهلي...
وجنات؟؟؟
شبيها!!!
مراح تخطبها؟؟
ضحكت وكتلها انتي شكد فضوليه..
لاوالله مو فضول بس ادري بيك معجب بيها...
سابقا جنت معجب بيها...
وشنو الي تغير هسه..
الي تغير عاشرت ناس وقارنت بينهم وحسيتها تافها ومتوصل لعقلهم.
#اماسي_الليل
ابتسمت بهمس الله يهنيك بناسك..
مشت الايام عادي وبقت بس 3 ايام ،مصطفى بالنهار  بدوامه ويجي الظهر والنهار كله بالبيت هو من النوع الي ميطلع بس لقضاء طلبات البيت فقط..
بيومها جان الجو حلو وطلعنه بالحديقه وكاعدين كلنه ضحك وسوالف..
مصطفى:متونسين بالحديقه وعسل عاطت ولزمت رقبتها وكامت تبجي
كمزت اركض وشفت فرخ عكربه واكع من الشجره الي فوكاها وكارصها من رقبتها
تخبلت وفتت اركض للصيدليه المنزليه جبت مشرط وشكيت مكان الكرصه وبقيت امص بالدم واتفله العفو..
وامي بهالاثناء جابت رداء لعسل ونوفل جاب تكسي وكبل اخذتها ورحنا للمستشفى ودخلتها على الطوارئ وهناك الدكاتره الخفر اصدقائي  ومن عرفوا مرتي سووالها اللازم والحمدلله ..
بقينا ساعتين الما استقرت حالتها ورجعتها وضربوها منوم وكبل فاتت نامت..
من رجعنا للبيت امي رادت تنام يمها بس اني مقبلت..
روحي يمه نامي واني يمها .
بقيت للصبح اراقب حالتها صخنت شويه وسويتلها كمادات والحمدلله صارت احسن
من جانت مصخنه كامت تهذي بااسمي ، طبعااا بكد ماجنت متألم عليها بكد مافرحت من كامت تهذي وتكول مصطفى احبك لتعوفني...
عسل:صحيت ساعه 8ونص وجنت دايخه شفت مصطفى نايم يمي وهو بوضعيه الجلوس وشكله يخبل اباوع على ملامحه واتاملها ردت احفظها حتى تنطبع بذاكرتي صورته ،ورغم الالم البيه سحبت جهازي واخذتله صوره بس صوت الفلاش خاني
مصطفى:فتحت عيني وسمعت صوت كامره وشفت عسل تباوعلي ومرتبكه افتهمت راسا طاكتلي صوره ومسألتها..
شلون صرتي ان شاءالله احسن
الحمدلله بس مكان الكرصه احسه ثكيل وخدران..
لا لتخافين مابي سم يمكن اني الي تسممت...
اسم الله ليش هيج تكول..
من وراج بدون وعي مصيت السم كله..
عسل:الشهامه من صفاتك...
مصطفى:خجلتيني ،يله صحصحي خل اشوفلج مكان الكرصه...
عسل:تقرب مني حيل واحس باانفاسه نار مشتعله
مصطفى:تقربت عليها وكلشي بيها يثيرني ويشدني وحسيت بيها مرتبكه واسمع تنهيدادتها
عقمتلها الجرح وضمدتها وضربتها الابره بالكانوله..
عسل:شنو ماعندك دوام اليوم؟؟
لان عيني اليوم مجاز لان مدامتي مريضه...
اشكرك مصطفى هوايه تعبتك والليل كله سهران ..
واجبي هذا نسيتي اني دكتور...
عسل:بقيت يومين بالفراش وصارت مواقف دمرتني وتعبتني هوايه اريد قربه وحاسه بي بس ماكدر اكله اني..شسوي ياربي والله راح اموت...
عسل:باجر اخر يوم بااتفاقنه وينتهي كل الي بيناتنا نمت وعيوني كلها دموع وتنزل مثل النار على خدودي...
مصطفى:اعصابي تلفت وحاس نفسي مربط وكرهت الاتفاق ولو مارس حقوقي وياها من البدايه جان هسه احنه عايشين طبيعين مثل اي اثنين..بعت شهامه ومثاليات وقطعتلها وعد واني هسه مدمر وماكدر اخلف وارجع بكلمتي.
عسل:كعدنا الصبح ومبين علينا كلنا حزنانين وخاله موصيها مصطفى متتدخل بس كالتلي شويه كلام اتأثرت بي وبجيت واني جنت متحمله ونفجرت..
ام مصطفى:صحيح انتي اجيتينا بظرف متنحسدين عليه بس الله شاهد حبيبت وعزيتج بغلاه ولدي وتمنيتج تبقين وتصيرين بنتي الي ماولدتها
مصطفى:عسل بجت بحركه من كلام امي واني ادري بيها تبجي على وضعنا وحالها صعب وحالي مو احسن منها،داموت الف موته بس ماباليد حيله.
مصطفى:مادام جهزتي خل نروح للسيد واطلكج..كلتها واني داتكطع..
عسل:ممكن اطلب طلب؟؟
أمري..
خل ننفصل بس بدون طلاك ومنا لسنه طلكني لان اخاف على سمعتي وسمعه اهلي والناس مترحم المطلكه والنوبه بااول شهر زواج..
ام مصطفى:زينة البنات ام عقل الجبير والله خوش تفكير..
مصطفى:طرت من فرحتي يعني اكو امل جبير ترجعلي ،جاوبتها ،اني احترم قرارج عسل واسوي الي تريدي.
مصطفى:سلمت على امي وحضن وبجي ونوفل هم بجه وياهم واني كلبي ديبجي ،طلعنه ومحجينه طول الطريق بس اول موصلنا كتلها عسل اكتبي رقمي حتى من تقررين الطلاق خابريني..
عسل:فرحت من نطاني الرقم واني جنت بس رايده احصل عليه ..