#ملاك_من_السما
الجزء 16 والاخيررررررر
بقلمي همسات الليل(م آيه)
حيدر:كطعت دوامي ونزلت حسيت نفسي تعبان صار يومين الدوخه متعوفني ابد ،
وتفهم وضعي المدير ونزلني..ومحد عنده علم بجيتي حتى سولاف...
حيدر:دخلت للبيت وشفتهم ملمومين بالحديقه يمهم عمي حازم علاقتي قويه بي لان قريب على عمري وماكو رسميات بيناتنه اصيحه بااسمه..
من شفته كاعد وسولاف موجوده ضجت كلش ،اتفاجئوا بجيتي ،
سلمت عليهم وضجت كولش
حيدر:اي حازم شخبارك متبين بناتك وين شو مو وياك..
حازم:والله بهالدنياالتعبانه واحد ميلحك يحك راسه
سولاف:من شفت حيدر تفاجئت وفرحت بس ضجت لان مكلي وحتى ندى تفاجئت يعني هم متدري
حسيت بي ضايج ويباوع بعيونه بنظرات افتهمت عليه،
يريدني اطب جوه..
سولاف:اني اسمحولي اروح ارتاح
الحجيه:فوتي يمه فوتي براحتج
حيدر:اشرت لسولاف تفوت لان عمي عينه زايغه ومرته ماتت صار 5 اشهر ..
اكيد يدور مره وهاي لازم تدابير ندى
حازم:بشرفك حازم هيج بنيه عايشه يمكم وبهالاخلاق متكولي عليها وتدري دادور مره فقيره ..
الله ينطي ندى كلتلي عليها ..
حيدر:بداخلي نعلا علا غيرتج ندى شنو انتي من مره ..يوميه مسويتلج سالفه..
حيدر:بقه عمي يحجي ويتغزل بيها واني فرت وصرت اعصاب وكاتم بنفسي فجأءه دخت دوخه ووكعت..
سولاف:سمعت ندى تعيط وخاله تبجي طلعت ركض شفت حيدر متخربط ،اجيت كبل رشيت مي على وجهه وصحى..
حازم:شبيك يمعود هبطتنه كوم داوديك للدكتور
حيدر:بتعب ماكو داعي هسه انام وارتاح
الحجيه:كوم ابو جنات ودي مو بكيفه
حيدر:لحوا واخذني عمي للمستشفى
سولاف:من هبطت على حيدوري بطني كامت توجعني وصار عندي وجع وبده يزيد بس مكتلهم لان بالنا على حيدر ومنتظرين يجي من الدكتور
بدت الالام تزيد واني كاتمه الالم متعوده اخبي وجعي...
سولاف:حيدر حيل تاخر والله بالي يمه وخاله هم قلقه حتى عشه صبيتلها ومشتهت تاكل بالها يم حيدر لان تاخر
الحجيه: يمه سولافه دكي من تلفوني على حيدر شو تاخروا هوايه...
دكيت وانطتني
الحجيه:الو هايمه حيدر
تلفون حيدر:ها حجيه اني حازم
الحجيه:شو تاخرتوا هوايه ابو جنات
حازم:هياتنه بالطريق حجيه جينه
سولاف:وره شويه سمعت صوت السياره خاله طلعت تركض تتلكاهم واني اباوع من الشباك واتحسر
فاتوا كلهم لبيت حيدر واني وحدي اكل بروحي اريد اروحله بس ماباليد حيله..
سولاف:الالم كلما زاله يزيد..رحت بالغرفه وحدي الوب..
سمعت صوت الباب طلعت للهول اركض
سولاف:فدوه خاله بشريني كلبي مثل النار خو مابي شي حيدوري
الحجيه:الحمدلله بنيتي..طالع عنده زياده بالدم وساحبين منه دم والحمدلله هسه احسن ناطي منوم ونايم
شو انتي مو على بعضج وجهج اصفر وعبالك بطنج نازله...
سولاف:لاخاله مبيه شي ليظل بالج روحي نامي
راحت خاله نامت وفتت للغرفه والالم يروح ويجي وكل شويه يزيد واني كاتمه بروحي ومتحمله لان ماريد ازعج حبيبي وهو مريض..
سولاف:الالم قوى اكثر واني الوب ساعه اصعد على الجربايه وساعه اكعد وساعه اكتم بنفسي وبس دموعي تجري ودايسه على نفسي لخاطر الغالي
صارت 6 واني مثل السمجه تلوب حسيت روحي مضايقه دخلت للصحيات
وهناك وطفشت بالمي عرفت طك مي الراس
كوه نظفت نفسي وحيده
خاله نايمه وحيدر مو يمي
بعد مبيه من الالم حسيت الحركه مالت الطفل دتقل واني تعبت حيل...
YOU ARE READING
ملاك من السما
Romanceالقصه تتحدث عن فتاه عاشت في البؤس وساقها القدر الى السجن.. وبين كل الصعاب الي عاشتها ظهر لها ملاكها المنقذ اتركم مع الاحداث
