الجزء15
بقلمي السيدة العلوية
بقيت يوميا ارتب جزء من البيت ..كان تسليتي تغيرات البيت وازدادت علاقتي بنور ..تعودت على وجودي ..لكن كلما اخلو بنفسي اتذكر واتحسر ..
سلوى:عمة لعد وين زوجه عقيل ..ليش عايفة نور ..
الام بتنهيده: الله يرحمها توفت ..نور يتيمه.. لهذا تشوفين عقيل هيج ..والله هو بداخله زين
سلوى: عمه زين! شلون زين وهو يضرب بنات الناس ..حاولت اغير كلامي لان الام جدا توجعت من ردي..خلص لعد نور بعد تبات يمي
ومرت الايام تقريبا اسبوع الى ان صار اللي ماتوقعته
الام:يمه وليدي راح..يمه
الاب: اصبري حجية مابي شي ..هسة مهند خابرني ويكول مابي شي بس رضوض وهسة جايبة وجاي بالطريق
سلوى:شكو ..عمة شصاير..
الام: يمه عقيل واكع هناك بالدوام من الدرج ومتأذي..
حينها حسيت بنفسي شنو اللي سويته ..ايدي على وجهي واتنفس بصعوبة
(ربي حاللته ربي وحقك ياكريم سامحته ..مروتك سيدي مااحمل ذنبه اني ..مروتك بردا وسلاما لخاطر بنته ..اني فوضت امري الك ياعظيم)
تمر الساعات واذا بالبيت يطرق بقوة ليدخل عقيل يتوكأ على ذراع صديقه.
ملامحه جدا متعبة ..حتى نور التي يحبها لم يهتم لشوفتها لان الضاهر متوجع قوي..
ادخلوه لغرفته ..كانت الام تقلب جسد ابنها كي تطمئن ..خرجت واخرجت نور الباكية..
حاولت اختفي اليوم حتى لا اسبب له ازعاج..بقت عمتي تهتم بعقيل وانا تركتلي مهمة الاهتمام بالبيت..
اليوم الاول مر بهدوء..
عقيل: يمه وين نور ليش مو نايمه هنا..
الام :حبيبي نور بعد لكتلها صاحب مثلها..
عقيل بابتسامه خفيفة:ههه وين اكيد بيت ام حسين وية حفيدتها ..
الام:لااا وشني اعوفها تنام برة؟؟لاااا كامت تنام يم سلوى ..
عقيل: خاف سلوى ماترضى بيها..
الام:لااا بالعكس ..تحبها ويكعدن يلعبن سوى حتى خلصن فلوسي على النساتل والعصاير مالتهن ههههه..
يمه عقيل سولفلي شلون صار الحادث هذا
عقيل: جنا نرتب جهاز جديد وجنت مضطر اصعد على الارتفاع هذا وعثرت رجلي ووكعت ..مافكرت بوكعتي غير بيج وبنور..
الام: الف الحمدلله قدر الله وماساء فعل..
YOU ARE READING
النهوة
Romanceحين تجرد من ادميتك وتصبح مسخا بيد التقاليد الغير مفهومة تجد نفسك دمية بين براثن تعسف وهمجية وتبتعد عن الانسانية هكذا وجدت بطلتي نفسها بين يد تقاليد بالية وبين قلب يحمل كل الحب والامنيات
