عقبات حب (باللهجة الجزائرية)

البارت التاسع و النهاية

سلام البنات انا اليوم قررت نحطلكم النهاية  و نشاله نلقى تفاعل لتني قررت نحط كرونيك اخرى لهذا متنساوش تبعوا
"انا و حبيبة زوجي " و "cuisine mesola dz و "هداية"  واي اقتراح او انتقاد انا في الخدمة و يهمني بزاف اقترحاتكم ايا

.
.انجويييي

يوم تنفيذ الخطة :
بعد ما خبر امير لبوس و قالوا يروح لدار رورو لي جابلوا المفتاح وحدوا من غير رجالوا و يدخل و يمثل كانوا يوسف راجلها و يلهيها و يرفدها بالطوموبيل و يجيبها للمقر تاعوا و يدير واش يحب فيها
البوس عجباتوا الفكرة لكن هادي تاع يخرج من غير رجال مدخلتلوش لراسوا و وافق يروح بلا رجال قدام امير لكن يلزم يدي معاه رجال يلوكان زوج
راح البوس مع زوج رجالوا لدار لي راهي فيها رورو غير هبطوا من الكهربة شاف امير الزوج رجال لي كان متوقعهم ضحك اومبعد قال لفادي يتخلص منهم اما البوس فراح فتح الباب و دخل لغرفة الاولى لي شافها لقا رورو قاعدة تقرا في كتاب و لابسة روبة قصيرة على لاخر  غير شافتوا ناضت تجري حملاتوا و هي مشي حاملة روحها
رورو : حبيبي وليت بكري ليوم
بعدت عليه و هنا دخل يوسف حبيبها من غير حس و يضرب لبوس على راسوا بحطبة خلاتوا يفقد الوعي سور بلاس
يوسف راح حمل رورو : وعلاه تحملي فيه
باستوا رورو من شفايفوا بوسة خفيفة اومبعد عضاتوا من شفتوا اللوطانية : نحبك مغياري
يوسف : رورو حابة تهبليني
بعدوا على بعض كي سمعوا امير يحكي
امير : هيا يا خو دوك ينوض و نتوما تتمعشقولي
يوسف قحر لامير اومبعد عاونوا رفدوا البوس و داوه لغرفة فيها الخردة تاع الدار حطوه فكرسي و ربطلو يديه و رجليه مليح
يوسف : رورو روحي دوك مع فادي لعند خالتي نورة و دي لولاد معاك
رورو دارت براسها لا : لا نبقا معاك
يوسف : رورو روحي متهبلينيش
رورو : راحت و هي تبكي

جا امير لي كان يحكي فالتيليفون
امير : رنا حكمنا قاع رجالوا و شركاء ديالوا لي عندي عليهم اوراق تبعثهم موراء الشمس ازرب كمل معا هادا و خلينا نسلموه لشرطة
يوسف : اوكيي
صب يوسف على البوس صطل ما بارد باش يصحصح معاه
فطن البوس لقا راسوا يوجع فيه جا راح يرفد يدوا مقدرش اووووب تفكر واش صرالوا حل عينيه مليح لقا يوسف قاعد مقابلوا و امير تاني
البوس : يا كلب يا **** يا ***** نخرج منا ****** و *****
يوسف و امير متحركتلهم حتى شعرة رفد يوسف السوط
ضربوا لرجليه شواه
يوسف : شكون نتا ؟؟
البوس : يا ****** نحكمك *****
يوسف زاد ضربوا : جاوب قدر السؤال
شكون نتا
البوس : انا احمد **** (لقب تاع يوسف)
يوسف : هههههه توقعي في مكانوا . واش تسحق ؟؟
البوس : هههههههه نسحق بزاف حوايج هههه
يوسف :( ضربوا يوسف بالكلفاش على مستوا بطنوا يبسوا )
قتلك جاوب قدر السؤال
البوس : ااااااه نسحق نعذبك بمرتك و باغلى حاجة عندك نحبك تتشوا تموت بالعرق
يوسف : هههههههه علاه ؟؟
البوس : لانك اخذت مكاني
يوسف : كيفاه اخذت مكانك ؟؟
البوس : احنا توم تولدنا فنفس اليوم و لكن انا جيت مشوه و ولاديك خيروك عليا لاني مشوه و لاني عشت وحدي فالطرق و لاني تهنتلت و تعبت و عانيت باش كبرت لكن انا منسكتش على حقي و ننتقم من لي كان سبب في عذابي و نعذبوا و نخليه يحس قطرة من بحر الآلام لي عشتهم
يوسف وجعوا قلبوا عليه لكن تفكر بلي هو لي توجع و هو لي نتقم منوا البوس : ضربوا ضربة بالكلفاش و خرج من الغرفة و خلاه مع امير لي ضربوا و فش غيلوا فيه و عيط للبوليس جاو رفدوه :

يوسف ركب فكهربتوا و راح لعند رورو لي راهي فدار خالتها
راح طبطب فتحتلوا خالتها نورة سلم عيها
يوسف : عسلامة خالتي واش راكي لباس
نورة : حمد لله و كي زدت شفت رورو وليت خير ما كنت
يوسف : حمد لله خالتي وين راهي رورو
نورة راهي فغرفتها قاتلي عيانة حابة نرقد
يوسف : اوكي معليش نروح عندها
نورة : اوووه و هادا سؤال يا وليدي دار دارك
يوسف : مرسي
طلع يوسف لغرفة رورو لقاها عاطياتوا بالضهر
رورو كانت نايضة و كي سمعت يوسف دارت روحها راقدة
راح يوسف ليها نحا سباطوا و حملها من اللور و دور يديه على خصرها و حشا راسوا في رقبتها
رورو عجبها الحال لكن كي حست بحاجة سخونة تسيل على رقبتها دارت تجري عندوا لقات عينيه حمورا و ضاهر بلي كان يبكي
رورو : شبيه عمري (حملاتوا و تخزر في عينيه )
يوسف : خويا يا رورو خويا راه قلي بلي كان حابني نتعذب و نموت بالعرق
رورو : عمري مقالكش علاه ؟؟
يوسف : لانوا هو تولد مشوه و انا لا و واليا تخلاو عليه و عاش الميزيرية و انا عشت الرفاهية
رورو (تصدمت و ملقات متقول ) رورو حطت شفايفها على شفايف يوسف و هو زاد لزها ليه و ناموا
بعد اسبوع :
حكموا على احمد (البوس ) بالسجن و لكن مزال محددوش شعال و يوسف حكا لوالديه على توئموا لي حب يدمرلوا حياتوا راحوا لاحمد و فهموه بلي هوما متخلاوش عليه فهموه بلي فالمستشفى قالولهم بلي مات و ماعشش
احمد طلب يوسف للسجن و طلب سماح منوا بعد ما فهم لحكاية كلها و وصاه على بنتوا لي عمرها موصلش عام و راهي عند واحد لمراة وصاه انوا يكبرها و يحسبها بنتوا و فهم يوسف بلي هي بنت حرام اسمها قمر
يوسف غاضتوا الطفلة و قال لرورو و اصرت عليه انوا يجيبها و جابها
رورو : يا عمري شحال شابة عينيها شحال شبين (عينيها مزيج بين الازرق و الاخضر و شعرها صفر و شوربها صغيرة )
يوسف : اسمها قمر
رورو : اسم على مسما 
الاخيرة :
لينة فاقت من الغيبوبة و رورو ماتت بالفرحة و فرحة يوسف مكانتش اقل و داروا حفلة بمناسبة عيد ميلاد التوم حفلة حكا عليها الجميع و قمر و لات فرد من افراد عائلة يوسف و رورو و لولاد حبوها و يوسف حبها اكثر واحد
ماريا ولدت جابت طفلة و مين جي عندها و الياس يدور بيها و ميخليش خاوتوا يمسوها ههههه
رحمة و حمة تزوجوا و رحمة راهي حامل في شهرها بولد
فريد دخل للحبس و نورة صرالها شوك كي عرفت بعمايلوا و راهي تتعالج عند طبيبة نفسية
فادي عجبتوا طبيبة اموا لي قريبة منوا فالعمر و خطبها
ام يوسف اعتذرت من رورو على واش كانت دير معاها مقبل و ولات دايرتها كي بنتها
احمد حكموا عليه مابد لانوا واش دار مشي قليل قتل و تجارة بالاعضاء و المخدرات و الاسلحة و ... و. .. بزاف حوايج و لكن كانوا كل مرة العائلة تروح تزوروا
بعد 23 سنة :
رورو في حضن يوسف و هو يبوس فيها و يدحنس عليها هوما قاعدين حتى يهدوا ولادها كل و تستفوا قدامهم :
يوسف (الاب ) : واش كاين واش بيكم زادمين هكا
يوسف : بابا انا نحب قمر و حاب نتزوجها
الياس : بابا انا نحب ليلى بنت خالي امير و حاب نتزوجها
رورو : بابا كاين واحد حاب يخطبني و قالك وكتاش يجي
داروا ليها لولاد
يوسف خوها : واش الالاة من وكتاش و نتي تحكي معاه
الياس : كيما تقول لعجوز خرجوا و ذنيم من الصندوق واقيل
رورو رفدت بليغتها و تيراتها على الياس
رورو : يعجز راسك نشاء الله
كيما كان الحال كول واحد من الولاد تزوج لي يحب و رورو خطبها حبيبها و راح يتزوجوا
عاشوا في سعادة و هناء
#النهاية
#ME§ölïþa
J éspére tkoun 3jbtkom lcroniQue w idha l9iit tafa3ol comment w vote nhotlkom croniQue chbab bzef
W inchallah tchoufi mes autres romans et tchaw