حبي الاناني

شرارة الحب

#حبي_الاناني
البارت الرابع
ودق ظليت مجطولة لساعة متاخرة سمعت صوت الباب مال مطبخ انفتح وصوت امي وامير كاعدين يحجون  صوتهم يعلى وينصة كل شوي صدك كال منتظر وين يروح قابل مصيرة يرجع للبيت سمعت خطوات عالدرج سويت روحي نايمة .فتح الباب نزع ملابسة واجة انجطل يمي حط ايدة على ايدة ومدهة .قوقة بعدك كاعده
اي امير بعدني كاعدة شعجب ذكرتني هسة اتقرب راد يبوسني كالي مو انتي تكولين لاامج ماانام وياج بلة مستحيتي تكوليها.ودق:هاي اني الي مستحيت اكلها بس انت الي كاعد بصفي ايام وليالي مذكرت عندي حقوق واجب عليك تنطينياها .امير:انتي ليش تحبين داىما تتعاركين ودق:امير اكيد مو عاجبني اتعارك ولااريد اخرب علاقتي بيك امير اني اريد اصير ام وعندي طفل وانت ممفكر ابد بهالموضوع صار خمس سنين مزوجين مظل احد مسالني ليش ماكو اطفال. امير:يعني انتي ضايجة من حجي العالم عوفيهم يمعودة ودق اني اريد اكمل الدكتوراه واتفرغ لمستقبلي يجي طفل و واق و ويق وهوسة وازعاج ودكاترة لا مااريد .درت وجهي وكتلة تصبح على خير امير .مرارتي رح تنفقع اذا بقيت اكثر .امير:هاي انتي شوكت متقربت خربتي اللحظة بنكدك وحجيج الي يغث وذبين الصوج بية خل انام احسن الي.ودق :عرفت حجي ويا امير مرح يجيب نتيجة هذا واحد يحب نفسة وبس.ثاني يوم كعدت الصبح لكيت امير طالعوكعدت ع صوت همسة :لج قوقة كعدي تاخرنا وديت الجهال للمدرسة خل اروح كوم عدنا شغل بلكي نخلص قبل الغدا.غسلت وبدلت وسويت شعري ذيل حصان ولبست بنطرون وتيشرت اسود شافتني همسة :عوذة منج ليش لابسة اسود لج ودق شنو هالفال بعدك صغيرة وزوجج يمة صماالله على اموري روحي بدلي يمعودة.ودق:همسة شنو هالحجي مال ناس متخلفة الاسود سيد الالوان واني حيل احبة واحب البسة مو وكت اختيار من ارجع للبيت البس لاامير الي يريدة بس يفرغلي اخذنة تكسي ودلتني همسة على كيفهة عمود لااتيه من اجي مرة لخ.همسة :بنت خالتي شاطرة حيل ونادرة حبابة وتحب منتظر حيل وهو شخص متطلب بس نقطة ضعفهة امير تنكلب ١٨٠درجة عمودة يمكن لان صغير وابو توفى هم من جان صغير طبعا بلشنا نظف وهي ابد متكسر كلمة منتظر كالتلي صعدي نظفي شقتك واني انظف جوا كتلهة همسة شكلج تعبانة ووجهج اصفر لو متشتغلين احسن عوفك اني ع كيفي انظف بس ظلي ونس وياي همسة خليج بسوالفج مرح نخلص كل شي رح امر ع ابو المولدة يشغل الخط البارحة منتظر دز واحد سوا الواير خ نشغل الثلاجة .ودق صعدت فوك للشقة معشت بيها بس ايام وسافرنا اني وامير ومرجعنا الابعد السقوط بعدها برداتي جديدة وكل شي جديد شلت الجراجف والبردات والدوشك والمخدات شريتهم بالسطح شفتة هو هم وسخ ويحتاج تنظيف .المهم خلصت شقتي لكيت همسة تشتغل وتعبانة حيل شكلها جريت الوصلة منها وكتلها صعدي فوك كملت اليوم لازمتروحين للطبيب شكلج مو تمام خاف حامل.همسة :لاعفية مناقصة هوسة.ودق: يلة لعد صعدي فوك ارتاحي واني اكمل نظفت الطرامي وباوعت عالحديقة هم يحتاجلها تنظيف والقصب صاعد فوك.خلصت الشغل والبيت كمل ونظيف بس ناقص مسواك ومنظفات جنت ناوية ابقة بالبيت وابدي صفحة ويا امير بلكي الله يهدي وتنصلح امورنا صعدت على همسة لكيتها نايمة كتبتلهة ورقة طالعة اسوك وارجع ليظل بالج تمشيت للاسواق اليمنة كمت اسوك والم كوم غراض بالصدفة شفت قتيبة جان ويا جاهل ويلم غراض ويا يمكن ابنة اني ضعيفة جدا كدام الجهال كلت مااريد احرجة رجعت من الجهة ثانية كملت ردت احاسب قبل لااشوفة صار بوجهي وانحرجت مرحبا هلو شو هذا الطفل اجة وحضني كالي شونج عمة صار جكد مشايفك ضحكت كلت عزة شون تدريب فدوة لاالله جكد حلو الله يحفظة ابنك. قتيبة :لا لا هذا ابن اختي .ودق :شسمك حبيبي؟اسمة قتيبة. اختي سمته على اسمي شنو كاعده تسوكين هنا مو بعيد عليج .ودق : لا بيتنا بذاك الفرع اتمشى .قتيبة :عندك هواي غراض خل اوصلج.ودق:توصلني خاف زحمة عليك وياك الصغير ومسواك .قتيبة:ودق يلة جيبي خل اشيل عنج ركبت ويا وقتيبة الصغير كعد يمي ومشفت طفل ممثل مثلة جنة يعرفني من زمان فرحت بي وبذكاءة وكل شوي ابوسة 😘قتيبة اباوع بالمراية وهي كل شوي تبوس بي واني العن بصفحة ابو انيالك شبعان والله شكلنة رح ننكلب من وراك .ودق:قتيبة متعرف فلاح هنا الحديقة عندي حيل القصب صاعد ويحتاج فلاح يرتبهةادللي اني اجيبة الج هسة بس انزل مسواك اعرف واحد لا مو اليوم .اخذ رقمة وبعدين اخابرة يجي شوف يايوم .قتيبة :ماشي .وصلنا لكيت همسة واكفة يمعودة وينج جهالي رح يطلعون من المدرسة خ نرجع يلة ماطول ابو تكسي هنا خ يرجعنا .ودق:همسة ابقي ومن يجي امير يوديج خابرت امي وكتلهة ورح جيب الجهال لاتخافين .همسة لاعفية مااكدر هسة يجي منتظر .قتيبة نزلت المسواك واسمعهم يحجون.ودق: خلص رجعي انتي اني رح ابقة خابرت امير وكتلة باقية .همسة متاكدة يمعودة هسة ضوجين وحدك .لا مرح اضوج عدي كم شغلة اسويها الحك اخلص قبل جية امير يلة باي حبي روحي بوسيلي الجهال وسلميلي ع امي ومنتظر .قتيبة بلا زحمة عليك وصلهة بيتنا تندلة  .قتيبة بالطريق سالتهة كتلهة خطية اختج الصغيرة البارحة داخت خوش دوخة بعدهة ممتعلمة تيهت .همسة :الدلال هيج يسوي هي الصغيرة واخوهة وامهة يخافون عليهة من الهوى الطاير هي بنت خالتي وزوجة اخوية ومطلعة عينة بدلالها حتة طفل متريد تتحمل مسوولية متسوي ومخليتنة بالحسرة.قتيبة: هي من جهة دلوعة دلوعة ولايكلهة انصدمت من شفتهة تسوك عرفت مرة اخوهة حجيها نصة جذب وهي غيرانة منهة تحجي هيج.حسيت بمي بارد يعني هي ممتفقة ويا زوجهة اودي قتيبة لااهلي ورا مااوصل هاي وارجع لودق خاف تحتاج شي اعرف تصرفي مو صحيح وبي خبال بس الحب اعمى وواني خلص عميت وسلمت وانقهرت لان دا اشوف النعمة باايد غيري واتحسر عليهة رب العالمين يريد يكسر كلبي بحبها جكد كسرت كلوب مفكرت ابد شو احساسهم جاك الدور قتيبة موت قهر يلة اشبع.احجي ويا روحي ضربت السكان لا .لازم صير الي لو اعرف اكتلة وازيحة عن طريقي هالامير ظليت واكف انتظر صار العصر محد اجة واني اباوع واكول وحدهة مضاجت مملت محد خابر عليهة.ودق ورا مراحت همسة غسلت البردات والجراجف وشريتهم ونظفت السطح حسيت الليل بد ا يخيم غسلت وبدلت وحضرت الميز ردت اسوي جو غفيت ع جربايتي شفت الليل خيم وامير ماكو خابرتة دك وانقفل جان عندي امل يجي حضرت شموع وانتظر ماكو احد خفت كلت اصعد انام احسن البيبان مسدودة ومقفلة جيت اسد البردات شفت بالشارع سيارة تكسي كدام بيتنا باوعت هذا قتيبة الضوة جان قوي كلت هذا شجابة عزة بس لايطلع حرامي سمعت هواي قصص بعمان .خفت هواي صليت وقريت المعوذات وكلت احاول انام ردت اتصل بااهلي دك قتيبة وكلت اسوي روحي مرتاحة عمود لايحس خايفة. المشكلة بطارية تلفوني رح تخلص ونسيت الشاحن. قتيبة ظليت كاعد وانتظر بلكي يجي احد محد اجة وكلبي كام يفور ردت اموتة شون يعوف هيج درة ميخاف عليهة وميحرص
هذا ميستاهلهة كل شوي انزل اريد ادك الباب وارجع اخاف عليهة اخر شي اتصلت عليهة وكان الرد...