بنت الريف وابن الشام

الجزء12

#بنت_الريف_وابن_الشام

nada hs
الجزء الثاني عشر
مرت ايام وانه مداريه روحي كلش وامي هم حايره بيه وكلهه اغتثت وسمعت حجي هواي.. ها كيفو بالغريب وماصدكو وبارت واطوهه وامهه تسمن بيهه وماتخليهه تشتغل ومن هل حجي اشكال.. حته الرجل خفت علينه محد كام يجي قليل .. خواتي كل ما تجي وحده تجيبلي شغيله وياهه.. لو ثوب لو ربطه لو شامبوات وصوابين يوصن رجولتهن علمودي.. سليمه هم اجتنه وطلعت حبله(حامل) ورجلهه مكيف بيهه وهم متغيره هواي وصايره مثل بت الولايه... كيفت الهه هواي وخاصه رجلهه مايخلي مديحه تغثهه ولهيج هو جابهه يمنه ترتاح وجي حبله..
كيفت بجيتهه هواي وانه مشتاكه لجمال وماعدي احد احاجي جنه نظل بالليل نسولف وسولفتلهه عله جمال وعله حبه اليه وشلون شفته يم الشط وحاجني وكال اخطبج .. سليمه تعجبت مني وكالت انه اكول ليش هيج مجلب بيج ثاري شايفج وطالعه وياه .. دهر دهرج وج شلون هيج تسوين..
-خيه هي رادت تصير 🙈
سليمه:اي والله كون اكل لامي عليج واخليهه تبطج بالمسحاة
-جا هو غير صار رجلي بعد عليش تبطني😁
سليمه:والله طالعه عوينتج انه صارلي اشهر ماخذه واستحي اسولف واسوي مثلج..
-انتي مابيج خير يسليمه..جا ترديني مثلج..
سليمه:دنطمي نامي يله .. حته نومتي طارج من سوالفج..
-مايجني نوم اريد جمال..
سليمه:جبح ويهج (وجهج)كون! شكد صلفه.. نامي !

جمال
رجعت لسوريا وفرحان مو مصدق شوكت اخلص تجهيز ونتزوج
امي كثير ساعدتني وبيوم كنا نرتب بغراض اشتريناهن سوا
امي:جمال.. سامحتني؟
جمال:مااعرف..
امي:عملت الي طلبته مني وعيوني اعطيك اياها كمان بس قول انك مسامحني وحاج تثقل وجهك عليي!
ماتحملت كلامها وصح هي تعبت كثير بس لترضيني قربت وحضنتها وبوست ايدها وسامحتها.. يمكن لو كنت بغير ظرف وعرفت وماكانت ساره موجوده ماكنت سامحتها بحياتي.. بس وجود ساره وفكره انها عن قريب تكون زوجتي خلتني اسامح وانسى الي فات.. اما عمي ظل متكتم ع القصه واني سكتت يكفي اني حصلت ع ساره ...
بعد ماكملنا كل شي بسوريا وبعد فراق دام شهر ونص من يوم الخطبه قررنا نروح لعند ساره وهل مره اخواتي ويانا..

ساره
واجه جمال وصرت احسب ايامي ابيت ابوي وانه اتجهز للعرس🙈 كعدو يم بيت عمي وفاتن وبناتهه يجني يوميه يعلمني ويجهزن بيه ... ومره حاجو ابوي حته اروح وياهم اختار بدلتي وكوه اقتنع بس شني العشيره كلهه راحت وياي يخافون عليه من رجلي(زوجي)😂 امي نسوان اخوتي اثنين واختي الجبيره
بيهه انه ماشايفه جمال من جيتهم ولهسه .. وعبالي اشوفه بيوم البدله بس هم ماشفته... رحنه للسوك وخواته وامه ماخلن شي مااشترنه وكالن لتجيبين شي من الي عندج امي حست روحهه انهانت وكالت جا النه مده نشتري ونخلي المن؟ بس طبعا يا يمه غير جبتيلي كل ثوب شكبره وكل لون يدلي التايه برتقالي احمر صارخ اصفر بنفسجي وكل نقشه شكبرها..
مايجي يم ذوق فاتن ابد.. كله تراكات خذتلي ودشاديش جاهزه ماكو خياط والوان تخبل وهاديه... اختاريت البدله وظل 3 ايام للعرس.. كل ظني جان نعرس بالقريه وبعدين نروح.. بعدين فاتن كالت حاجزين بالفندق بالولايه واسبوع بالهواي نسافر..
امي كل شوي تعاين عليه واطكلهه بجيه جني راح اموت وانه بالايام العاديه بس تعارك بيه😑
اشتغلني بنات فاتن نظفن جسمي بالشيره وحف وجهي..
صرت وحده ثانيه استغربت روحي هههه.. بيوم الحنه الصبح رحنه للمحكمه وعقدنه رسمي🙈 بذاك اليوم يله كدرت اشوف جمال وكالي:اشتاقيتلج كد الدنيا .. ليش ماخليتيني اشوفج
انه وين اكدر اطلع بذيج المده مطوقه حرس منا ومنا..
وبيوم الحنه جانت احله حنه بتاريخ القريه... صار دك وركص للصبح وعمي ابو علي هو متكفل بكل شي .. النسوان هم ماكصرن (قصرن) دكن وركصن ونسن القال والقيل وجمعتنه فرحه وحده.. بس شذى حسيتهه مضايقه من الهوسه والصوت
نهى هم ركصت وشحلات ركصتهه.. فاتن كاعده بصفي وتصفك وتباوعلي وتبتسم...
بيوم الحنه انتيهت وتعبت من الصبح كاعده لليل طكت روحي.. وثاني يوم من الصبح رحنه للمدينه.. اجن وياي امي وخواتي
كبل ىصلنه للصالون وساعتين يمكن انه جوه ادينهن لعبن بيه لعب شلت راسي لكيت مو سروه ام نعال مكطوع وظفيرتهه المنكوشه ههه لا شفت وحده راقيه وجنهه اميره طالعه..
كملت وخابرت فاتن ع جمولي😍 اجت تلث سيارات واشتغلت الهورنات طلعني اله وخليت ايدي بيده ...
وصلنه ع قاعه بالفندق همه حاجزينهه وجان عرس كلش بسيط مابي ناس هواي بس كافي عليه وجود جمال..
خلص العرس واجه الوكت الي لازم نصعد بي للغرفه😧
يتبع...