الإنكسار

البارت الخامس

البارت الخامس
#الإنكسار
#بقلمي_شمس

حاولت اخفي .. خطوبتي من عمامي لان اكيد يحاولون يخربوها ..
لهذا حذرت ماما متگول شي .. واني هم كلما تندگ الباب ماافتحهه اخاف يطلعون عمامي او ولدهم ..

اتصلت ع زهراء .. گلتلي ابوها صار احسن ومخبريهم حيودون مشيه الهم .. حتى يتنازلون ..

حيل يستاهلون خلي شويه تتمرغل كرامتهم مو بس يذلون ويضربون بالناس .. #شمس
دا اسوي غدا والموبايل رن 📲📲📱

رديت .. طلعت ام امير .. سلمت عليها ورحبت ..
گلتلي يمه وين الوالده اريد احجي وياهه . نطيتها الماما ..
بقوا يسولفون حوالي نص ساعه وخلصوا . واني گاعده ع نار مااعرف ليش ..
خلصت ماما المكالمه .. وگلتلي الناس مستعجلين ويردون يخلصوها بسرعه .. وتگول اذا ماعندكم شي نعقد سيد يوم الجمعه والمحكمه يوم الاحد ..
شتگولين بنتي .. #شمس
سمرا .. يعني بعد يومين .. اوك
اني ماعندي شي .. عندي نفنوف اسود البسه ..
سعاد..  لج ماما ميصير تلبسين بعقد القرآن اسود .. لازم شي ابيض ..
سمرا .. خلص لعد البس حرام مال صلاة واعقد بي ..
سعاد .. ماما انتي ليش هيج عنيده .. البسي اي فستان عندج وبعدين من تخلصين عود ارجعي للاسود ..
سمرا .. لا ماما لتضغطين عليه البس حرام احسن .. هسا مو زين قبلت اعقد واتزوج وبابا مصارله كم شهر متوفي .. #شمس
سعاد .. اوك ع راحتج

وفعلا .. مر يومين وسويت معجنات بالبيت ووصيت ابن جيرانه صغيروني ع عصائر ..
وحظرت كولشي .. ماما بقت بالغرفه مطلعت .. دزيت ع عمو ابو زهراء .. يجي ويانا لا ماكو عدنا رجال .. مع الاسف ..
واجت زهراء وامها هم ..
من شافتني خاله ام امير .. تخبلت ..
ليش هيج يمه تعقدين بالاسود . ميصير .. ادري حزينه بس ابوج اكثر واحد يفرحلج .. ومايقبل هيج تدمرين حياتج . #شمس
بعدين لازم تعقدين بثوب ابيض واني حسبت حسابي واشتريتلج هذا اني وميوسه لان هي شابه وتعرف مو مثلي ..
رفضت ومقبلت بس مااعرف شلون گدرت تقنعني .  هي انسانه طيبه .. وحبيتها .. وشفت ميس اخته هم حلوه  اكبر مني بسنه  .. وعنده اخت متزوجه بغير محافظه ملحگت تجي .  وشفت زوجة اخوه . حلوه هم هذا اخوه اكبر منه واني خبصتها ام امير وطلع اكو ولد اكبر من امير ..

لبست الفستان لونه بصلي وحليبي كولش حلو .. ونزلت شعري اني سرح شعري بس اسود .. وعيوني رصاصي ع زراگ حلوات رغم مااني حنطاويه بس ع بياض وخليت شي ع وجهي  ..
اتباوعت الصوره بابا وابجي .. سامحني بابا ترى ماتخليت عن حزني بس كوله بسبب عمامي والا ميهون عليه اتزوج وافرح وانت جوه التراب ..
اجت زهراء گالت يصيحوج .. بوست ماما سعاد وطلعت .. #شمس
ام امير .. ما شاء الله حبيبتي عين الحاره بارده .. واجت نور گعدت بحظني .. وتبوس بيه وتگلي عروسه ..
حضنتها وشميتها .. واتذكرت نفسي بيها من تزوج بابا هم هيج گعدت بحظن ماما سعاد وهيج بوستني .. نزلت دمعتي .. وماما اشرتلي معناهه لتبجين ..
ابتسمتلها ☺️
گعدوني ورى بابا الاستقبال وعقد النا السيد واني خايفه وادعي الربي يوفقني وميخلي اختياري خطأ وعمامي يتشمتون بيه ..
انتبهت مخليلي حاظر عشره مليون وحاظر عشره مليون ..
گولتله نعم انت وكيلي وخلصنا ..
اهله احترموني وماهلهلوا ولا صفگوا خطيه ضموا فرحتهم بداخلهم .. #شمس
شويه وگالت امه حيجي امير يلبسج الذهب ..
طلعت الذهب كولش حلو جايبين تخم وحلقه ..
اني منصيه راسي وميته خجل هاي اول مره حشوفه ..
وفعلا دخل وانصدمت من شفته ولد طويل وجسمه رياضي وحلو حنطاوي وعيونه عسلي وعنده شوارب خفيفه وبيها شگار بس يخوف  نضرته حاده ..

اني نصيت راسي مستحيه .. وهو اجه بسرعه لبسني الحلقه وگال الاخته لبسيها الباقي .. وشايف نفسه ..
صدوگ ضجت عبالك مجبور ..
اني هم لبسته الحلقه بطرف اصابعي .. وسحبت ايدي وهملته سويت نفسي احجي وي. زهراء ..
لان هو حتى مااتباوع الشكلي .  واني المصلفه كل شويه دايره وجهي اتباوعله وحفظت ملامحه .. مااعرف ليش شخصيته شدتني وحسيته هو هذا الشخص الي راح يحميني من عمامي .. #شمس

هم خلصو وطلعوا واني اخذت رقم ميوسه اتصل عليها ..لان حبيتها ..متواضعه وحبابه ..

من طلعوا سبحت ورجعت ع ملابسي الاسود .. وماما مقبلت وگالت ميصلح.. بس اني عنيده والي براسي اسويه ..
بابا مو عنيد .. فجائز الي اسمها امي عنيده ..
ولو ماعنيده ماتركتني اني وبابا وانهزمت ..

لا ياربي لاتخلي صفاتها بيه .. اريد أكون مثل بابا طيب وحنون ..
كالعاده بالليل بقينا اني بعد العشا .وماما نسولف ومن هسا خطيه تفكر بيه وتوصي وتالي ونمنا ..

اوووف قبل لا انام خلي يعرفكم امير عن نفسه واني تصبحون ع خير 😘😘 #شمس

امير .. زين ذكرتي هسا ماخلتيها للصبح سمرا خانم 😉

اني امير عمري 30 سنه .. اعرف هسا تستغربون .. لان هوايه فرق بيني وبين سمرا اني هم تعجبت من شفت جنسيتها .. وگمت احجي ع امي .. هو اني قبل تزوجت وحده بالغه وخريجه وخانتني .. بس گلبي عماني بحبها وماشفت عيوبها ..
لعد هاي الزعطوطه شتسوي بيه .. بس امي بالگوه قنعتني .. وگالت يمه يتيمه وتخاف ع بنتك وتحبها وتداريها ..
قنعت بس اني ماردت اتورط بعد كرهت جنس البنات كلهن حتى اختي اعصب عليها واحاسبها بعد ماعندي ثقه بأي وحده ..
بس اضطريت عمود بنتي نور خطيه تكسر گلبي ..
#بقلمي_شمس
يتبع…