كلي اني ماريد الف وادور عليج اتتي مبينه انسانه واعيه وراح تفهميني..اني مكيفه ومستمتعه داصغي عبالي راح يعلمني على طبعه..صدمني وكال اني احب وحده ثانيه!!! ورأسا كلبي نغزني وظليت مصدومه ومتماسكه ومبينتله ضعفي..
اني احبها صار كم سنه بس والدي معارض وقررت اعوف اهلي وازوجها وبالفعل عفت اهلي لان عجزت واني اريد اقنعم بس بدون فايده ..
طلعت من بيتنا اسبوعين وكاعد بشقتي جنت مسويها مكتب سابقا وبديت ارتب للعرس ..وبظهريه خابرتني امي تبجي وتكولي عمر تعال لو تلحك على ابوك لو لا..اني بهالاثناء نسيت حبي وكلشي وعقلي وفكري يم ابويه ورجلي ودتني لا ابويه للمستشفى
ووصلت لكيت امي ورهف يبجون وجهم ثكيل واقربائنا كلهم ملمومين وابويه بالانعاش صار 3 ايام ضاربته جلطه ومسببه شلل نصفي وداخل غيبوبه ..
بقيت ابجي ولاحاس بنفسي واصيح اني السبب..
طلبت من الممرضه بس ادخله شويه بس رفضت بس شافت دموعي كلتلي بسرعه لان مسؤليه واتحاسب
دخلت على بابا الي عمره محسسني بعلاقته ويايه انو ديعاملني كاأبن بالعكس علاقتنا مثل الاصدقاء هذا الرجل الي جنه جبل عايش على الاجهزه ولايدري بالدنيا..
لزمت ايده ودموعي تصب عليها واحجي وياه وكتله اسف بابا والله اني السبب لخاطري ارجع والله اموت بدونك وماسوي شي يغضبك وما اتزوج الي احبه وانت زوجني الي تختارها بها الاثناء حرك اصابعه وفتح عيونه ونزلت دمعه ..مصدكت
رحت اركض للطبيب كتله والدي حس عليه وحرك اصابعه وبالفعل اجه الدكتور وسوه اللازم وفاق من الغيبوبه وبقى اسبوع بالمستشفى وطلعنا والحمدلله وبدينا ويا علاج فيزيائي بالبيت جبناله احدث الاجهزه الى ان استعاد صحته ورجع يمشي مثل الاول 4 اشهر عشتها بتأنيب الضمير الى ان استعاد عافيته والحمدلله..
والدي طلب مني انو يزوجني واني وافقت على طلبه لان اخاف عليه والاختيار للعروسه اهلي يختاروا مو اني..
وخطبتج واتفقت ويه حبيبتي فتره وانفصل عنج وازوجها..لان اني ماعيش بدونها ..
جاوبته وهسه المطلوب شنو..كلي زواجنا يكون على الورق لان اني ماكدر اخونها..واريد تبينين كدام الكل احنه عايشين حياه طبيعيه كاي اثنين مزوجين ونبقى مده سوه وبعدين ننفصل بناءا على طلبج..
جاوبته واني ويني بهاي المسلسل..دنك ونصه راسه كتله انت اناني ومتفكر بس بنفسك وانت ظلمتني وياك واني من البدايه حاستك مجبور بس جنت اقشمر واصبر بنفسي..
رجاءاا اني ما اشارك بهذه اللعبه واحنه بعدنه على البر كلمن يروح لحاله ياابن الناس..
كلي اترجاج لتسوين هيج والله ابويه يروح بيها هالمره واني اذا صار بي شي مراح اعيش مرتاح وابقى الوم بروحي..جاوبته شنو اليتغير بالموضوع اذا هسه عفتك او بعدين بالنهايه نفس الشي واكيد راح يتأذه ابوك..
كلي هسه مبينه اني مرايدج وراح يدمر وثانيا اذا هسه تعاوفنا متخلصين من حجي الناس والتاليف وبالذات انتي جنتي مخطوبه وراح تفضحين نفسج ..كتله رجاءاا لتربط لان اني جنت مخطوبه لرجل ماله مثيل بهذا الزمن ومافكر يطخني حتى وجان يتمنالي الرضا ارضا الله يرحمه..اوف على حظي المصخم.. كمل حجيه وكال لتجيبين سيرته بعد راح لدار حقه ...بعدين من نترك بعض غير شكل الوضع ونكول ماكو تفاهم...وهاي الفتره شتريدين اطلبي بيت با اسمج لو ذهب اي شي..ضحكت بااستهزاء كتله تدفعلي ثمن المسلسله مالتك...كتله مو اني الي ابيع سعادتي واشتري تعاستي بثمن فلوسك متهمني ..من كالت هيج خجلتني بعدين كلت جذابه لان ماكو وحده متموت على الفلوس والذهب بهالوكت...
كتله راح ابقى وياك فتره بس لخاطر اهلي لان ماريد احد يجيبهم بالطاري لان سمعتهم عندي بالدنيا..
وابوك ماله ذنب..كتله بشرط مالك دخل بيه ومتسالني عن اي شي واني حره بتصرفاتي..
كلي موافق بس تكون تصرفاتج محسوبه لان انتي متزوجه..سكته وكتله الحمدلله اني ينحلف بااخلاقي ومايوم خجلوا اهلي مني...
عفته وفتت للحمام وبقيت ابجي بسكوت وماريد ابينله ضعفي وحسيت نفسي صدك محتاجه ليث وظليت ابوس بكلادته وابجي..شصار ياربي لو باقي واليوم عرسنه..اووف ياربي كلما الملم جروحي ترجع من جديد توجعني...
طلعت من الحمام لكيته مدد على القنفه وكلي انتي نامي على الجربايه اشرت براسي موافقه ..
دنتفرج تلفزيون وكلي اسيل شكرا لان تفهمتيني..بس اشرتله براسي يعني عفواا...
ثاني يوم.كعدنا وكلي خل ننزل نتريك..كتله رجعنا للبيت كال اليوم حاجزين كتله الله يخليك رجعني لان ماكو داعي نبقى واحد صافن بوجه الثاني..
YOU ARE READING
عشق وألم
Romanceالكاتبه أم آيه 😻🌸 قصه جميله جدا بيها هواي عبر منها الصبر والتحمل تتكلم عن بنت جميله تتزوج شاب وهذا الشاب تكون عنده علاقه ويصير اتفاق ما بين الزوجين انه ميحصل شي ابد ومده الاتفاق 6 اشهر بعدها انفصال ولكن تحدث هواي امور تغير حياتهم تابعوا وياي القصه...
