Revenge Of Love (COMPLETED)

REVENGE OF L💋VE Part25

P/S dari Penulis: minta maaf sbb buat korang tertunggu2. Bah, supaya kasi ringan beban korng sikit, summary dari 22-23 si Zaid palasu kasi ubat mama si Tasha dgn pertolongan paman dia menggunakan telepati. Si Zaid tapir pula makin kana kacau sampai dia buli masuk dalam si Kaliwon punya dunia dan nampak mama su Tasha kana jadi tawanan pakcik si Tina. Part24 throwback zaman muda2 dan detik pertemuan mama sama bapa si Tasha, jadi ni part pun sambungan juga tapi sy kasi yg paling singkat la ar sbb Zaid tapir ma Zaid palasu mo marah sudah ni karakter dorng inda pandai kluar2. Dorang bilang si penulis ni bagi alasan ja pigi hospital (kiayam dorang).

Sambungan flashback zaman kegemilangan Nengwati (mama Tasha)

Mcm dalam dakat2 setaun la juga tu keadaan perang di tanah Jawa ni. Skijap damai skijap darurat. Selama tu la si Asim sama beberapa org askar masih setia sini kampung kami. Ada dua tiga org askar malaya kawin sama org kampung kami dan menetap trus di sini. Sy ma si Asim? Kami main silik2 saja bah, slalu sy tingu dia dari jauh saja. Inda tau la kalau dia pun tingu sy juga di masa2 yg sy inda perasan.

"Kalau ko sudah suka, ko bilang saja bh sama bapamu, Nengwati", takajut sy kana sergah mama sy dari blakang, tersedak trus sy sbb sy minum2 kupi kan. Sy cubuk2 bah si Asim dari lubang2 di dinding umah kami tu sbb sy terdingar bah suara dia kan. Pantang butul ni telinga sy skrg, sensitip kunun sama suara si Asim walaupun kedudukan dia 10meter jauh dari sy ni. Sy kasi lap2 ja tu bekas kupi tumpah sana lantai, pas tu sy sambung lagi mencubuk dari lubang dinding, malas sudah sy mo layan mama sy.

"NENGWATI!!!! Dari tadi lagi mama teriak2 ko datang sini dapur ko inda pandai dingar ka??!!" Adeiii!! Punya sakit telinga sy kana tarik oleh mama. Inda sy sadar dia teriak2 panggil sy bh.

"Amaaaaa sakit bh!!", butul2 kana pulas telinga sy ni. Adiii ni mama sy ar, mcm sy umur 12 taun lagi.

"Sakit bh mama",

"Inda tau mana ko simpan tu telinga ko tu! Sy bilang pigi kasi makan tu ayam sana kandang! Bukan mo lari juga mas Asim ko tu!", atukkk keii mama sy kasi kuat2 suara padahal si Asim masih lgi sana luar! Apa la dia pikir tu kalau dia dingar??!!

"Ya la mama. Inda payah la kasi kuat2 tu suara bh. Ishhh!!", sy pula yg mo marah sbb malu bh kan. Capat2 sy turun pigi sana kandang ayam yg dkt2 15 kaki dari umah sambil bawa plastik jagung yg bikin kasi makan ayam tu.

"Kruk kuk kuk kuk.", sy panggil tu ayam2 mama sy makan. Sambil sy memanggil ayam2 tu sy tingu2 juga di blakang, mo pastikan si Asim masih ada sana lagi ka teda bh. Cis.. ilang sudah dia. Kalau bukan mama yg kacau sy tadi, mangkali sampat juga sy tingu si Asim berlalu pergi kan. Huh.. sedih trus hati sy ni kunun.

"Neng, ko cari sepa tu?", tiba2 suara yg sangat sy kenal menegur sy dari blakang. Tersipu2 kunun sy malu, panas ni telinga sy ni. Pura2 sy ambi tu jagung kasi tabur sana tanah padahal merata2 sudah tu jagung bertaburan blum kana makan ayam.

"Manada sy cari org ni, mas Asim.. sy cari2 tu ayam jantan bapa bh yg berbalang itam tu kapala dia", nasib butul2 tu ayam bapa blum dtg pigi makan jagung. Sy masih lgi kasi tabur tu jagung, makin banyak ka negi sana tanah. Sy gabra bah 😂

"Sudah la bh kasi tabur tu jagung tu.. membazir juga.. mcm 2 minggu punya makanan ko kasi ni ayam ni niari.", tersenyum si Asim nampak gelagat sy. Dia tau mangkali sy panik tu kan. Ahh! Bikin malu butul.! 😊

"Mcm bucur bah ni plastik ni mas Asim, inda sedar pula sy banyak sudah bertaburan di tanah", tu plastik jagung juga la yg kana kasi salah 😂😂

"Neng.. kalau sy ckp sesuatu buli ka?", mcm teragak2 suara si Asim ckp ma sy. Hati sy berdebar2 ma ni! Apa dia mo ckp???

"Emm, teda salah bah kalau inda melampau, mas Asim", mau ja sy kasi masuk muka sy dlm plastik jagung ni, malu butul bh kenen!

"Oh.... mungkin melampau juga ni... umm.. kalau mcm tu inda payah la sy ckp.. inda apa la Neng, minta maaf ar kalau ganggu ko", ahhh!! Kanapa ko ni Asim??!