علي
مرت الشهرين وإني عاشگ ولهان اصلا اني بحياتي مسامع اغاني حتى من حبيت قبل بس هسة كل اغاني مال عشاگ اغنية تورط دائما اسمعها للمطرب اوراس ستار عبالك اول مرة اعشگ بحياتي راجع مراهق نضراتي وشوگي بس دائما امنع نفسي اگول خل تتعود واتعود عليها دائما من اتنام احضنها بس ارتاح بس انسة نفسي وانام يمها ادمنتها ريحتها غير عبالك حاضن طفل هم نوعومة وهم ريحة طفل ومن اگعد يبووي واحد بحضن الخ اني رأسن اگوم ومن ادخل للحمام اضحك اتعدت سالفة ماادري لو بالصدفة لان كل يوم هاي الحالة گمت اني اخذها للكلية مااگدر افارگها اضوج من اتروح لقسمها ومن ادرس بس اباوع عليها حتى مرات تنزل راسها هلگد مااباوع عليها اعتقد نضراتي مفضوحة طبعا الأسئلة كلة سهلة لخاطرها حتى لا تتعب حتى مرة اجاني العميد گلي خو ماكو شي علي گتلة لااستاذ ليش شكو گال السنة اسألتك سهلة حتى الطلاب قلقالين اني ضحكت گتلة كلة تمام اوووف ياسالي عبالهم متمرض من وراج وصدگ اني مريض. بحبج... بعطلة نص السنة رحنا لكركوك علمود مرت سامر هم اشوف اهلها وانشوف خالتنة وهم نتونس ضلينا تقريبا اسبوع بس ماارتاحيت يعني نطلع ناخذ نور ويانة يعني ماانفرد بيها وهذا اخوية العار يلگف مرتة ويطلع ومنسوفةالال١٢ جاي وإني طايح بيها المهم مرات المحلها انو نطلع وحدنا ماكو لاحياة لمن تنادي وهاي ضالهذا السبوع الوب وكلشي ممفتهم المهم رجعنا ومرت وايام وجنوني بيها ايزيد بيوم من الايام رجعنا من الكلية بالطريقعلي: اكلج سالي
سالي: گول
علي؛ هذا حسام خبصني تذكرين درة من ركبت وياهم بالسيارة بعرس سامر ومن يومها ثابرني ايريد يخطبها
سالي: اي بيها الخير أنشالله حسام خوش ولد اني اشوفها بأجر واردلك خبر
علي: ماشي اليوم اشلونج خو متعابنة اليوم ترة الجو حار
سالي: يلة شنسوي هو احنة مصموطين مصموطين ههههه هاي محمد خطية نام بالقسم من ورة الحر هههه والاستاذ لعب بي جولة چان ايگولي كلة من وراج خليتي عينج علية
علي بغيرة: شنو انتي تحجين ويا يعني شقة
سالي: اي شكو بيها هو زميلي يعني عادي
علي: لا مو عادي من اشوكت عدنة بنات تشاقة وية الولد
سالي: اي علي شكوو بيها هو زميلي مثل اخوية
علي: ماكو مثل اخوج جاي من نفس البطن لو راضعين سوة
سالي: اهوووو لازم اسوي مشكلة مو صارنة شهرين ممتعاركين گلت اليوم خل اسوي سالفة
علي: هااااا طلعت اني الي اسوي المشاكل خوووش
اتعركنا طرت للبيت معصب دخلت هية گدامي اني صفيت السيارة ودخلت سلمت وصعدت لگيتها نازعة الحجاب اتريد اتبدل وجها احمررر من الحر دخلت سبحت وطلعت اني اباوع عليها مشطت شعرها ولبست حجابها اتريد تنزل لزمتها من أيدها رجعتها على الكنتور وحصرتها بين ايدية
YOU ARE READING
استاذي_زوجي
General Fictionخياليه الروايه باللهجه العراقيه القصة تتحدث عن تلاعب القدر بحياة اشخاص وتغيير حياتهم لكن للاسوء ام الاحسن؟