مشاعر

اختفاء

الفصل العشرين

و امي راسا كامت تضرب على راسه و تبچي و اخوية تخبل و دلو صعدت من يمي جابت عبايته و نزلت وكفت يمي و جان تهز جتفي
وچ سمعتي عزيز قلبچ ابو قلب الطيب ماكو ؟
و گامت دموعي تنزل بلا صوت و الله
و امي راسا اخذت عباته و راحت هي و حسين و دلو عليهم..
و اجوي خواتي جروني گعدوني على القنفه بالمطبخ هاي الي تغسل وجهي و هاي الي تشربني مي و اني بس دموع تنزل
و خابرة امي كالت ماكو شى لسه
و اني افكار تجيبيني و غيرها يوديني .. معقوله احمد حيعوفني .. اكيد اني بحلم .. معقوله حب سنين ياخذوه مني بلحظة .. لا ميصير هيچ زين شلون مو هو كلي ما اعوفچ .. كذب عليه احمد .. لا لا لا احمد ميكذب احمد حباب احمد قلبه طيب ما يغدر بالوعد
اوووووف احمد اوووووف يا قطعة قلبي اووووف يا قلبي كله
ربي اخذني اني فدوة ربي ما اريد الحياة من دونه ..
ربي و الله متسوة و متنعاش و ما بيه لون ..
و بقيت ابچي و احچي هيچ وي نفسي و ادعي لحد ما اذن الفجر ووي الاذان غفيت
و چن بالحلم اندك هورن سيارة احمد ابابنه
و اركض و افتح الباب و شفته لابس تشيرت ابيض و بنطرون كتان بيجي و حلو و مزين و لحية خفيفة يخبووول و الله احلى من الحقيقة ..
واكف من جهة السايق خال ايده اليمين على البنيد و ايده اليسار على باب السيارة و مندار يباوعلي و يضحك و يأشرلي بيده ادخلي.. و اني واكفه اباوع عليه
و چان يصعد بالسيارة و طلع
و فزيت راسا .. احمممممممممممد
عطت بعالي صوتي و راسا فزو خواتي و ظليت ابچي و اعيط ولكم راح احمد ولكم هاهي اجاني ودعني ولكم ابن الاصول مراد يروح بلا وداع..
و چان يدخلون امي و حسين و كالو الولد الي وي احمد لاكيه بالمحمودية مقتول
و اني راسا اغمه عليه
و ظلوا يصحون بيه يريدون اكعد ماكو و اني اسمع صوتهم من بعيد بس ما اكدر افتح عيني و لا احچي كلمه..
جيبوله ريحة من غرفتي .. ماما حبيبتي زوزو فدوة القلبچ اگعدي يمه .. شنو نفقد اثنين بيوم واحد .. كومي يمه كومي على حيلچ هسة يجي احمد شگله محافظلتك على جوهرتك
و جان ارجع افتح عيني و لكيت نفسي بحضن امي.. حضنته و ظليت ابچي
كومي امي انتِ ليش تفاولين على الولد هسة يرجع و بخير كومي يمه قوي نفسج سوولهه ريوگ يا بنات خلي تاكل
لا ما اريد اذا ما اشوفه ما اكل ابد
ماما حبابه وديني العمه اريد اشوفه الله يخليچ ماما
هسة حبيبتي هسة امي بس ابدل اهدومي و اوديچ و صدك ودوني العمتي دخلت عليه بالهول صافنه باوعت عليه و رفعت ايده اشرتلي اجي يمه رحت يمه حضنته بس ابچي اني .. هي متبچي و تمسد بشعري و بس تكول
چيله و دخلت قلبي بغيابك حمودي
دمرتني هالحچاية ..
اكلي يمه اكلي هسة يجيبون زوجج شلون تستقبليه و انتِ ما تاكلين ..
لا عمه ما اريد الله يخليچ ..
و اسمعهم يحچون شنو الي صار .. چان احمد يم بيت عمتي ام انمار صديقه اهناك بيتهم شايل صديقه وياه واصل للسوگ مال المنطقة واگفين يم ابو محل ديشترون مي و عصير جايين عليهم نسوان اثنين و رجال گايليله
 ودينه للمحمودية يم بنتنه
و مقابل بالبداية كايليله
ننطيك ٥٠ لان دتولد خطية و محد يمه و لازم نروح
صديقة كايله دروح يمعود انت على ابواب زواج محتاج الفلس و اني اجي وياك
هذا الحچي بعد صلاة الظهر و صاعدين و ماكو لليل و اليوم الصبح لگو چثت صديقه و هو و السيارة ماكو ؟
بقينه اني و عمتي ٣ ايام مناكل هي على الچاي و اني على المي و بقت عمتي ما تبچي بس تباوع على الناس الرايحة و الجايه و ياهو الي يجي يمه يسلم عليه تگله نفس الحچاية و كل كم ساعة تتخربط و يصحوه و ينطوه مي و متقبل تاكل ابد
لحد رابع يوم قنعونه ناكل ..
كالو هسة اذا يجي شلون تستقبلوا لو توگعون كدامه ..
و اكلنه اثنينه بصينية وحدة .. و چانت هاي اخر صينية تجمعني وي عمتي ..
و بعدها عمتي كامت  دومه تخلي ايده على راسه اثنينهم و تگوم تفتر البيت و تبقه تعدد
كسرني غيابك يا فتحت عيني
وك ارجع و رد لامك و حضنه
وك انت فتحت عيني و نظرها
اويلي عليك يمه ..اويلي على شبابك المادري وين ودوه و شسوله
وك يمه الصبر خلص ما بقه يمه ..
ردلي فدوة التراب رجلك اروح
و ابوه بس يبچي و اخوه محمد و دلو منهاره حبيبتي متدري تحير بالي ابطنه لو بامه لو بيه

و للقصة الم يكسر القلب