حنيت الك يالحملتني جروح

#حنيت_الك_يالحملتني_جروح
الجزء الاول بقلمي
ودق القريشي
أعزائي القراء قصتي مستوحاة من قصة واقعيه لكن اضفت عليها بعض التفاصيل
صغيرة كنت أستعجل الأيام كي أكبر ،والآن أرتجي الأيام أن تعيدني حيث طفولتي وتنساني هنآ
/ناديه/
بنيه حلوة ورشيقه وعيونها زرك وشعرها اسود مثل الليل جمالها غجري فتان اليوم نجحت من السادس بمعدل عالي وطلعت طبيه ابوها من فرحته كللهم اليوم اخذكم سفره نروح لغير دوله نبقى اسبوع تغيرون جو ناديه بنتهم الجبيرة بعدها اخوها علي طالب خامس اعدادي واختها حنوشه بالسادس ابتدائي والدتها ربه بيت
سالم ابو علي وناديه يلا بابا تاخرنا خل نطلع ام ناديه
يلا ناديه لسه ماخلصتي
ناديه نزلت جهزت بس علي لسه نايم
ابو علي ممم كالمعتاد تعرفين شلون تصحينه وغمز الحنوشه بنته الدلوعه الي افتهمت كلام ابوها وضحكت بخبث اوك بابا
حنوشه كوب مي بارد وشت على اخوها طفر علي من فراشه ولج انتي شوكت تبطلين سوالفج وطلع يركض وراها عالدرج حنوشه تركض وتضحك صارت وره ابوها بابا راح يضربني ابو علي يضحك انته بس حنوشه تعرف تكعدك علي يفرك بعيونه والله بعد وكت
بدلو وطلعو واخذو وياهم كم شغله وراحو لسفرتهم بسيارتهم يغنون ومحتفلين ومكيفين لكن يافرحة ماتمت طلع عليهم لوري وصار حادث مؤلم  صحت ناديه بالمستشفى على صوت الاجهزة ومن بعد ماستوعبت الي صار عرفت فقدت اهلها كلهم بس هيه بقت عايشه ناديه تبجي ليش ياربي المن بقيتني لو ماخذني وياهم سمعت صوت زوجت عمها الي عمرها ماحبتها شدي حيلج بنيتي شتسوين بعد قضاء وقدر
بعد مرور شهرين من الحادث ناديه كاعده عند بيت عمها طبعا  عمها حيل قاسي وياها وهنا بدت معاناة ناديه
صلاح ابو يوسف عمها الناديه
اكلج صارلج شهرين هنا بس اكل ونوم كومي ساعدي مرت عمج بالبيت وخلي اروح اششوف شلون صارت شغله الراتب التقاعد مالت ابوج حتى تصرفين على نفسج خو مو اني اصرف عليج
ناديه بقهر انشاء الله عمي
وطلعت تنظف ويه زوجت عمها ناديه حياتها صارت عباره عن خدمة بيت عمها زوجت عمها عدها بنيه وحده وحيل شايفه نفسها ومتكبره وناديه صارت الخادمة مالهم
اجتي القبولات مال الطلاب وناديه لازم تقدم عالجامعه
ناديه: اكلك عمي اني محتاجة مبلغ حتى اقدم عالكليه ورايده منك
ابويوسف: وشيكايليلج عندي ملجأ مال ايتام دبري حالج مامسؤل بيج اني ناديه : بس ماعندي غيرك انته عمي وين اروح حتى اخوالي ماعندي علاقه بيهم: ابو يوسف  خلي اروح اشوف تقاعد مالت ابوج اذا جاي انطيج نص المبلغ ونصه اعتبره ايجار لغرفتج الكاعده بيها ويانا
تاديه: تسلم عمي ماتقصر حجتها بقهر ونزلت خابرت على صديقتها فرح
:فرح: وينج بذاته ليش كطعتي بيه ناديه بس تبجي ولج تعاي وشرفي شصار بحالي من بعد اهلي ياريتني متت وياهم ولاهالذله وسولفتلها على عيشتها ويه بيت عمها فرح نقهرت على صديقتها وكلتلها باجر اجيج امر عليج نروح نقدم سوى ناديه فرحت لان صديقتها الوحيده واكفه وياها تخفف عنها حزنها
-----اليوم ناديه تقدم عالكليه مرت عليها فرح واخذتها وراحت فرح عدها سياره واحوالها الماديه ماشيه الوحيده لاهلها ومدلليها من طلعو من الكليه فرح ملتلها عازمتج اليوم على غدى غيري جو احسن من جو بيت عمج الكئيب
فرح اجاها اتصال
الو احم هلو عمورة شعجب تذكرتني اليوم ها صدك والله التفت شافت عمار ابن خالتها ومثل اخوها واكف وراها ويضحك
عمار شاب مرتب حلو ومملوح مكانته الماديه متوسطه مهندس وبعده ممتعين يشتغل بمحل غذائيه ويه والده
عمار: اليوم غداكم عليه ناديه خجلت ودنكت يباوع عليها ومبتسم
عمار : اني اول مره اشوف هيج جمال بدون مكياج طبيعي وبرائة وجاذبيه دخيل الله عيونها تذبح
احم اكول ماعرفتبنا فرح منو هاي البنيه الوياج: فرح هاي صديقتي واختي وحبيبتي ناديه
عمار: اهلاً وسهلاً تشرفنا ودخلو للمطعم يتغدون طول فتره غداهم عمار منزل عينه عن ناديه كلش نعجب بيها
بدت تداوم بالكليه وصديقتها يوميه تمر عليها وعمار اخذ رقمها من صديقتها واتصل عليها وكللها معجب بيج ناديه خجلت طبعاً هيه هم بدت تنعجب بعمار وتطورت العلاقه
عمار : اني شاب مهذب وابن عائله عايش ويه والدتي والدي متزوج عليها وعايش ويه زوجته اول مره انعحب ببنيه هيج وباخلاقها حبيت ناديه حب ماينوصف لكن والدتي دائماً تريد تزوجني لبنت اختها مرام وهالشي رافضه نهائياً مرام مثل اختي
اليوم اروح اشوف ناديه بالكليه واتطمن عليها
طلع عمار وياه صديقه محمد وراح يشوفون ناديه طبعاً كلش خجوله وتستحي تخلي عينها بعينه ومرت الايام وعلاقتهم بدت تتطور اكثر واكثر
اليوم عمار يسافر عنده شغل ناديه حيل ضايجة تخاف عليه من الطريق لان الحادث الي صار ويه اهلها خلاها تخاف من شي اسمة سفر
دخلت صلت وفتحت القران تقرى سمعت صوت موبايلها مسج من
الغالي
اني وصلت ياروحي شخبارج انشاء الله مرتاحة-
ناديه
الحمد لله على سلامتك يالعمر اني تمام محتاجة بس شوفتك لتتاخر عليه-
عمار- يومين وراجع واول مارجع راح اخطبج ماتحمل فراكج بعد-
ناديه فرحت كلش عمار هو الشخص الوحيد الي واكف وياها والي يحسسها بالامان بس خافت من عمها يطرده اذا تقدملها
وبعد كم يوم تقدملها عمار وعمها مارفض لان زوجته كلتله خلينه نخلص منها زوجها وخل نخلص بس طلب مهر هواي عمار جمع كل الي عنده وتدين من صديقه محمد حتى يكمل المهر وطبعاً عمها اخذ نص المهر وكمل الزواج على خير واليوم الزفه طبعاً ناديه طلعت اميره كلش حلوة وجذابه عمار والدته ماوافقت وطردته من البيت وطلع اجر شقه يسكن بيها هو وزوجته الوحيد الي وكف وياه اخته زينه ام علي وكفت وياه وساندته
عاشت ناديه احلى شهرين من زواجهم عمار كلش يحبها بس دائما تنكد عليهم والدته وقررت ترجعه الها للبيت حتى يصير جوى عينها وتتحكم بي متريد ناديه تتحكم بابنها وفعلا رجعو البيت والدته وهنا بدت مأسات ناديه
اول مادخلت ناديه دنكت تبوس اديها ام عمار سحبت اديها لاهله ولامرحبه وجه البومة اكيد واح تفگرين البيت بس شسوي كل عين لاجل عين تكرم الخاطر ابني دخلتج بيتي ناديه مصدومة من عمتها معقوله الهلدرجة تكرها دخلت الغرفتها تبجي دخل عمار شبيج تبجين عمري
ناديه-خلت راسها على صدره وتبجي عمار اطلب منك طلب اذا فديوم قررت تطلكني اكتلني ولاتطلكني ماتحمل فكره كرهك الي/
عمار باستغراب
ليش هيج تحجين حبيبتي ترى الي يحب عمره ماراح يكره محبوبه واني اعشقج مو بس احبج بس الموت يفاركنا لتفكرين بعد هيج
ناديه كلام عمار طمنني بس مانسيت كلام امه كلتلي راح اندمج واخليج تكرهين اليوم الي تزوجتي بي عمار
بعد مرور اربع اشهر ناديه تحس بدوخة وتتقئ عمار لازم اخذج للدكتور واتطمن عليج اخذها للدكتور وفرحهم حامل عمار كلش فرحان وجان ينتظر يصير عنده طفل بس ناديه مو فرحانه
عمار شبيج اشو ممبين عليج فرحانه
ناديه- شتريد يعني اكوم اركص حتى تعرف فرحانه-
عمار انتي شبيج ترى صرتي ماتنطاقين هالايام ليش هيج تتعاملين وياي
ناديه حست بالذنب واعتذرت منه حبيبي موقصدي بس نفسيتي تعبانه وخايفه من ردت فعل والدتك
عمار وانتي شعليج بوالدتي ترى اني زوجج مو هيه
رجعو للبيت عمار سلم على والدته وكللها خلي الخدامه تطلع  تنزل الاغراض
ام عمار اليوم الخدامه مو موجوده نطيتها اجازه
عمار ماشي اني راح انزلهم وراحت ناديه وراه تنزل الاغراض
نايمين الساعه ٤ الفجر الباب تندك بقوة
عمار بسم الله منو الي جاي هسه يدك باب الغرفه
كعدو مفزوعين فتحو الباب
ام عمار اريد ريوك خلي ناديه تكوم تسويلي عمار بعصبيه بس هسه مووكت ريوك يوم ليش منكده على ناديه وبعدين وين الخدامة ليش متسويلج هيه ام عمار مارجعت ويلا خلي ست الحسن والجمال تسويلي ريوك بس ها خاف تخليلي شي بالاكل اوكف يمها بالمطبخ عمار كلش انزعج من كلام امه بس ماحب يسوي مشكله ناديه طلعت تسوي ريوك الساعه ٤ الفجر
ياترى شلون راح تتعامل وياها ام عمار انتظروني بالجزء الثاني