عدا ع حملي ست اشهر كلش تعبانه جنت وثكيله.. واني دااعيش وياه واجبر روحي انسى
يوم خابرتني صديقتي من بغداد كلش حشرية اسمها سميرة
هلو ندو شلونج شخبارج عيني عيني طاگيين صايرين ماتتحاجون
هههه هلو سمورة شكو ليش خير
مشترين شقة ابغداد قريبة علينا وماتگولين
شقة أيش حياتي حرام هو هالبيت الي عدنا الحمدلله والشكر
ليش تنكرين ندى اني شفت رجلج يراجع الشقة مرتين بالصدفة ومن سألت الجوارين كالوا هو صاحب الشقة
اهنا هم انصدمت لان اعرف بمكسورات رجلي فمااستبعد شي
اخذت العنوان بشكل غير مباشر منها صبرت لحد زيارتي لأهلي وصادف طارق يريد يطلع للأمارات هم شغل سيارات فاخذني لبغداد وسافر طارق ودعته ع اساس بعد اسبوع يرجع ثاني يوم رحت للعنوان سألت الجوارين كالو صاحب البيت من كركوك اسمه طارق وقبل شوية طلع ......
عززززززا ااا قبل شوية..وهو المفروض بالأمارات هسه......
. طين براسي اني صدك نايمة ورجلي بالشمس
خابرته جهازه مغلق وراها خابرني برقمه الاسيا
هاحبيبتي شلونج
طارق ليش تستعمل اسيا وينه رقمك الايماراتي معقولة اسيا هلكد صافية مكالمته اهناك
هاحياتي الرصيد خلصان بيه ومتوقف الخدمة لازم باجر بالشركة يرجعوه واني مشتاقلج ماصبرت...
امممم صح اشتاقتلك العافية
خلص الاسبوع رجع طارق ورجعني للبيت
واجهته بموضوع الشقة نكر وكلش حاولت واصريت وهم نكر وگلب الدنيا گال انتي ماتريدين تنسين ذاك الموضوع ودتتحججين قابل فد طارق اكو من كركوك اذا الناس كالولج لازم تتهميني اني...
حبيبتي اني تبت من ذيج المرة هسه اهم شي يمي مرتي وابني او بنتي الجاي طلعي هالسوالف من راسج
كوليلي يمتى تسوين سونار خلينا نعرف جنس الطفل حتى نبدي انجهز ياروحي
شسوي ياربي مااعرف اني متأكدة ونفس الوكت اريد اصدكه حتى لا اخسره..
وهم عديتها..
ولهيت روحي خاصة سويت سونار وطلع حملي بتوأم بنات صرت مااعرف فرحانة ومرتبكة وطارق سفرياته كلش قلت كلت يلا عقل الحمدلله وبدينا نجهز للولادة ملابس وغراص اطفال كلشي جنت اشتريه من گلبی واعد الايام والليالي حتى احضن بناتي وقررنا نسميهم صفا ومروة... وصار وقت ولادتي وشفت الموت بعيوني لان اتعسرت وربي كتبلي عمر جديد
طارق كل هالفترة نعم الزوج جان و3 اشهر صار عمر البنات واحنا عايشين بخير وسعادة صدك بديت انسى واخليها ع الله
بكركوك ماجان عندي غير بيت عيالي حمويني وحمواتي متزوجين كلمن ابيته وصديقة وحدة مرات تزورني اسمها رشا
اهل طارق حالتهم المادية كلش زينة جانت اموال واملاك عدهم جان عدهم بستان باطراف بغداد هاي بوحدها جانت ثروة... قرر عمي ابو طارق يبيعها ويقسم فلوسها ع اولاده وبناته
واجتنا خوش فلوس من عدها اني جنت بانية امااال ع هالفلوس كلت اقلها ناخذلنا بيه بيت ابغداد نأجره
طارق منا اخذ الفلوس منا صرت بالحلم اشوفه يوميا صديقه موصله للبيت وهو يطوطح منا ومنا سكران ماداري بروحه لايوم لا يومين والصبح من يصحصح يگلب الدنيا اذا احاسبه...
يوميا صارت عدنا عركات وحجيت لعمي ادخل وهم مافاد
واهلي ماجنت اتجرأ اكللهم ابويا كلش عصبي وفوكاها اني عاندت واصريت اقنعهم يقبلون بطارق بوكتها فمااعرف ردة فعله شنو ... يعني جنت بين نارين
المهم بشهر واحد خسر كل الفلوس الي انطانا عمي ع سوالفه المكسرة من نسوان ع قمار...
اوووووووف وتالي ماتالي انصدم بشي اخر
يوم جان سكران بالدنيا ماداري كاعد بالصالة يشرب واني بغرفة النوم ملهيه روحي بالبنات لان الشغلة صارت عادية يمي.. اسمعه يحجي..
رشاوي اخذج اخذج حتى لو اهلج مايرضون....
عزا بعيني انوب هاي منو... انتظرت لحد ماانطمر اخذت موبايله ع اخر مكالمة كاتب عليه ابو رشا ههه والله ياالله
المهم اخذت الرقم جيت ادكه بموبايلي واويلي ع الصدمة يطلع رقم صديقتي رشا.... اي اي نفسها صديقتي الي كتلج عليها
هم ماظلمتها كلت اكيد رجلي يتحارش بيها وياسواد وجهي رحت ع الرسائل شفت لاااااااااااا الاخت عايشة الجو وياه
و ياغافلين الكم الله
هالمرة لا سألته ولا واجهته اخذت حماتي ورحت لبيتهم فضحتهم بالباب خليت اخوانها وجوارينهم كلهم يسمعون
كلتلها ولج ليش امنتج ع بيتي جنتي تجين وبكل ثقة اخلي رجلي يوصلج من ترجعين اكول خطية ليش تروح بتكسي
جنتي تفترين بالبيت عبالك بيتج تالي تخونيني ويا رجلي من قلة الرياجيل الا رجل صديقتج تخليه ابالج تتزوجيه
كالت اني معليا هو ملاحكني ويخابرني
كلت اي اعرفه هو كلب وحقير بس لاتنكرين رسائلج قريتها وهاي هي
وشوفتها لأخوتها ورجعت
طبعا اهنا رجلي لاكدر ينكر ولامثل كل مرة كدر يقنعني بكم كلمة
قامت القيامة اتعاركنا وصوتنا وصل للضالين ادخلوا عيالي حمويوي وعمي وكفوا وياي وحجوا عليه وعمي اخذني اني ويا البنات يمه كال من تصير رجال وكد المسؤلية تعال اخذها... وغير هذا بيتي يحرم عليك
بقيت اسبوع يمهم وراها اجا هم يتوسل ويحاول يرجعني وانطى وعد ان خلص كلمة رجال ان يكعد راحة
ورجعت للبيت بجرح ثاني وهم عود اريد انسى جذب هالمرة مانسيت ابد
صار من يتقربلي احس ريحة نسوان الدنيا بيه ريحة الخيانة بكل قمصانه ماجنت اكدر اجرعه بس جنت امثل لخاطر بيتي وبناتي الي لخاطرهم صرت بنارين
عدت الاشهر وصارت سنة
جنت احس اثنينا انمثل ع بعض هو يمثل انه صاير ادمي واني امثل اني ناسية
سفرياته مستمرة وكلما يروح يجيبلي ملابس نوم وطلعة واغراض تخبل الي وللبنات وعطور بهاي ابد ماجان يقصر اصلا حتى لأختي نادين جان يجيب نفس غراضي وهداية لأهلي
