خانة الذكريات

تلفون لاخ

#خانة_ الذكريات
الفصل السادس
#قصص_اسراءالجميلي

تقربت اكثر عليهه خليت عييني بعيونه و طرف خشمي على طرف خشمه ..
ابتسم هووو ...
هسة معلينه احنه بهيج بنات ..
شنو وعدتني من جنه جوة ..
ههههه وعدتج وعدتج ؟
بهاي...... و بهاي....... وبهاي.......
كل شوية بوسة من جزء من وجهي و اني بس اضحك و لاف ايده عليه حتى لا اوكع ..
احبك سرمدي ..
دك التلفون .. رفعت راسي اخذته بيدي اليمين من الطبلة الوسطية ..
باوعنه عليه نفس الرقم ..
فتحنه عيونه اثنين ..
انطتنياه قمر بعصبيه بعد ما كعدنه عدل اثنينه ..
جاوب سرمد خلي انشوف تاليته ..
الو .. اختي انتِ شنو رايده ؟
مرايده شئ .. بس حبيت اكلك اعرفك و اعرفك زين ..
و بعدين اختي ؟
اعرف انت هسة بالقنفه الي كبال التلفزيون بغرفتك ..
لابس فانيله سودة لانك متحب البيض ..
شنوو ؟
كامت قمر تخزرني ..
و شورت ابيض امخطط بالطول باسود ..
اني صار عدي فضول اكثر اعرف شلون عرفت هيج عني؟
لزمت ايد قمر و ضغطت عليه شوية ..
ما معناها اصبري ..
هيه ساكته خطية بس اشوف الشرر يطاير من عيونه ..
و زوجتك كاعدة بصفك ..
اثنينه تخبلنه ..
انتِ شلون تعرفين هاي الامور ؟
لحظة اوكف لا تستعجل على رزقك ..
تكول علساس تحب زوجتك ..
ايدك دوم على جتفه ..
تحب تبوسة من وره اذنه هواية ..
لو بيج خير جان كتيلي منين تعرفيني و انتِ منو ؟
اكلك اكلك بس مو هسة بعد ..
خلي اكمل اصبر ..
و عبودي تبوسة من باطن ايده دوم ..
متخلي احد يبوسة من وجه تخاف عليه ..
حتى امه ..
اهنا اثنينه انسطرنه بقينه واحد يباوع على الثاني ..
عبالك واحد عايش ويانه ..
جان اعيط بيه
بابا دوليييي انتِ صدك فارغة و ساقطة ..
سديت و شمرته على القنفه الثانية ..
كامت وكفت قمر ..
ممكن تكلي منين تعرف هيج شكولات ؟
بابا انتِ شبيج تخبلتي منين اعرفها ؟
و اذا اعرفها شلون احجيلهه اشياء بيني و بينج ؟
و حجيت بصوت عالي ...
بعدين منو يكول مو هاي معارفج !! و انتِ الظاهر دايرة تحجين عنه  و عن حياتنه ..
هاي شبيك سرمد صدك تحجي ؟
و رجعت كعدت بصفي ..
هاي اول مرة تعلي صوتك عليه ..
كامت دموعه تنزل بهدوء ..
انداريت اباوع عليه ما اعرف شسوي ..
لزمت ايده اثنينهم و اتقربت عليه ..
و حق الله الخلقنه و جمعنه بغير ميعاد ..
ما اعرف ابد هيج نوعيات من البنات ..
و مسحته دموعه بثنين اديه ..
كافي خلص سرمد ..
يعني صدكتيني ..
الله كريم خليني اكوم انام .. تعبت اليوم ..
اني ابتسمت بوجه ..
ليش اليوم مو اتفقنه غير شئ ..
اي صح بس حسيت تعبانه ما بيه حيل و الله ..
براحتج حبيبتي ..
كامت من يمي و راحت نامت ..
اني بقيت كاعد ل٣ فكرة تجيبني و فكرة توديني ..
مخليت بنية اعرفه ما اذكرته اكول بلكي هيي حتى ارزله و انعل سلفه سلفاها ..
بس ماكو ..
كل الي اعرفهم محترمات و يعرفون شلون احب زوجتي ..
ثاني يوم كعدت الصبح بالسبعة الا ربع يعني متاخر و الخط يجيني بالسبعة ..
لكيت قمر نايمه و هاي اول مرة تسويه متكعد قبلي و تحضرلي الريوك ..
و تجيبه للغرفة و تكعدني ..
و نبقه نحجي بالهمس حتى ميكعد عبود ..
كمت ركض بدلت و طلعت ..
بيني و بين نفسي ..
اكيد هاي حبيبتي تعبانه من الميلاد ..
داومت عادي و نسيت المكالمة و كلشي ..
رجعت للبيت ..
بوست امي ..
شفت قرودي كاعد بالحجلة رحت بوسته ..
امي لعد وين قمر ؟
امي :حبيبي فوك دا تغسل ..
اوكي ..
صعدت ركض عليه ..
فتحت باب الغرفة لكيته كاعدة تمشط شعره كبال ميز تواليت الي صاير بيميني من ادخل ليجوة قبل باب الحمام ..
و تمشط بشعره الحريري ..
اتقربت عليه اخذت الفرجة ..
و امشط على كيفي ..
الحلوو مالي بعده ضايج مني ..
ليش اضوج منك ؟ انت شعليك ؟
اممممم اي همين صح ..
( احساسي لا يمكن توصفه كلمات .. اول مرة احجي كلام وي سرمد يختلف عن الي بقلبي .. و تفاجاءت بيه صدكني )
كمل شعري و رفعني من جتفي و حضني و يباوع عليه بالمراية ..
تدرين الصبح حسيتني رجعت ولد و كلش كرهت هذا الاحساس ..
انتِ و عبود روحي من الدنيا لا يمكن ابدلكم بكنوزه ..
اعرف حبيبي حضنته و...............
دخلت غسلت و نزلت احميله الاكل ركض ..
صار الليل صعدنه بغرفتنه .. دخل للحمام و اني دا انوم عبودي ..
دك تلفونه نفس الرقم تخبلت ..
شلون تالي وي هاي ال........... .
ربي حله من يمك و ابعدها عنه ..
طلع من الحمام ..
حبيبتي سمعت رنة تلفوني لو اني غلطان ..
كمت خليت عبودي بفراشه ..
اكو غيره العرمة ..
لا كذب !!!
راح بسرعة شال تلفونه ..
هاي صدك !! هاي شبيه ؟
يا ربي خلصني .. استغفرلله ..
بدلت هدومي .. دك مرة لخ تلفوني ..
فتحت السبيكر
يابه متفهميني شتريدين مني ؟
سلامتك اريد ..
نعيماً ..
بدون وعي جاوبته : الله ينعم عليج ؟
شنووو ؟ شمدريج غسلت ؟
ضحكت بدلع و غنج .
هههههه مو كتلك كلشي اعرف عنك ..
اختي الله يخليج بس اريد اعرف شتريدين ؟
مو كتلك .. اريد سلامتك و راحتك و بس ..
عطت بصوت
الله اكبر عليج
هههههه على كيف ..
يلا اعوفك ترتاح وي قمر ..
رضيه عود لان البارحة زعلته ..
سدته بوجهي..

فالقصة صدمة محد متوقعه ..