"مختلفة ولكن "

الفصل الثاني

الفصل الثاني
☆☆☆☆☆
جمال وهي تلهث وتجري ناحية آلاء : الحقيني ياست آلاء عايز يضربني
تذهب لتقف خلفها ، حيث وقفت آلاء وفردت ذراعها لتأمنها خلفها وهي تقول ...
آلاء : خير يا سيف اية اللي حصل
سيف بضيق وهو يتحرك كالنمر كي يجد أي ثغره ليمسك جمال منها : أنا همحيكي انهاردة
زيزي تمسك اخاها وتقول : استهدي بالله يا سيف وتعالي قولي في اية
جلس علي الكورس ومازال ناظرا لها وهو يقول : في أن الهانم شيفاني بلعب معاها في الطينة وبتهزر معايا
جمال : يابيه العين متعلاش علي الحاجب
سيف بغضب : معاكي انتي علتيها
زيزي : طيب هي عملت اية
سيف : بكلم صافى ياستي راحت.....
يقاطع كلامه آلاء مازحة وهي تقول : أحلي مكالمة دي ولا اية
لتضحك جمال وهي تقول : ولا اية ههه8ههههههههههههه
سيف يقف بضيق : انا عارف مدام ادخلتو مش هاعرف اخد معاكم ولا حق ولا باطل وانتي حسابك معايا بعدين
ليتركهم ويذهب لتتحدث جمال بصوت مرتفع : استر نفسك وانزل يابيه عشان تتغدا
يكمل طريقه دون أن يجيب عنها أو ينظر لها ، نظرت لها آلاء وهي تقول : انتي عملتي اية
جمال بفخر : رخمت عليه
آلاء وهي تضحك : وعملتي كدا ليه
جمال : عشان قلل مني امبارح ولسة في كتير هعمله فيه
آلاء : مش خايفة ليشتكي لعمو ويطردك
جمال بثقة وهي تهندم ملابسها : مش هيطردني لأني هقنعه انو سيف بيه بيتبلي عليا وبعدين اساسا ازاي يسمح لنفسو ينزل وهو عريان كدا مش لابس اي تيشيرت
زيزي : احنا اخواته يابنتي انتي عبيطة
جمال : اه صح معلش اندمجت شوية
        *************************************
علي الغداء يترأس كالعادة عنتر المنضدة وبجانبه سيف ومن الجهة الأخرى زيزي وبجانبها آلاء ...
عنتر : الأكل طعم حلو اوي انهاردة
آلاء وهي تأكل : اه فعلا البت جوجو طلع نفسها حلو في الأكل
عنتر : جوجو !
آلاء : اه دلع جمال ياعمو
عنتر : والله مفيش احسن من الاسم الاصلي من غير دلع والمياصة دي
آلاء : نعمل ايه يا عمو نجبر بخاطرها ومنكسفهاش
عنتر : ساكت ليه ياسيف مش بتتكلم يعني
سيف : البت قليلة الذوق و مش عايزها هنا
عنتر : اية اسبابك
سيف : دخلت اوضتي من غير متخبط ولسانها طويل ورغاية و...
عنتر : البت عجباني ومش ناوي امشيها
سيف بضيق : يبقي متسالش بئا وتحسسني انك هتسمع كلامي
عنتر : مدايق عشان مش همشيها انتا دماغك شكلها فاضية ولازم نشغلها عايزك تبقي تنزل الموقع من بكرا تباشر العمل من هناك احسن وبالذات الاسبوع دا للأنه خلاص نهاية التشطيبات وحاسس انهم مخلصوش المطلوب
سيف : طيب متخليني في الشركة وتباشر انتا من الموقع
عنتر بضيق : مش انت بتاخد مرتب شهري علي الشغل معايا
سيف : يقطع المرتب الشهري اللي مطلعين عين اهلي عشانه دا مرتب صغير علي فكرة
آلاء بخفوت ممزوج ببعض المزاح وهي موجه كلامها لزيزي: عشان ناس جعانه
لتضحك زيزي في خفه وتصمت
عنتر : مش انت اللي اصريت تتعامل كأنك موظف غريب
سيف : موظف غريب مش ابن كلب وتزل اهلي كدا و مهو عشان عارفك هتخليني اتعب زي نور في الشغل وبعدين اصريت يبقي ليا معاد اجي فيه ومعاد اروح فيه مش مرتب شهري ويتخصم منه لو اتأخرت
عنتر : مانتا اللي بتطلبه بتلاقيه عايز اية تاني وبعدين حسن الفاظ وبطل زفارة لسانك دي
سيف : انا عايز.....
يقاطعه صوت جوجو التي قالت : اعملكم دور شاي حلو كدا تشربوه في الجونينه برا
زيزي باستغراب : جونينيه
جمال : الحديقة يعني
سيف يرمقها بضيق ثم ينظر لوالده قائلا : انا شبعت وحاضر يا بابا من بكرة هنزل الموقع عن اذنك
ليتركهم ويذهب ليغسل يديه فيمر بجانب جمال التي قالت بخفوت : حبك جنني يا اسمك اية
لينظر لها بضيق ويكمل طريقه ...
           ****************************
دقت الساعة الثانية صباحا ، تصحو جوجو مخضوضة من دقات الباب ، لتجري وتفتحه وهي تتحدث بخضة وسرعة : البيت بيولع أجري
ولكنها وجدت من يقذف عليها قطعة من القماش التي ذهب علي وجهها بقوة ومن ثم وقعت علي الأرض ، لتنظر جمال علي من فعل هذا لتجده سيف الذي تحدث ببرود : عايز القميص مكوي لما اصحي
جمال بضيق : حد قالك انا الشغالة اللي جبهالك ابوك
سيف ببرود : اه ، بابا قالي انتي الشغالة الجديدة
جمال بضيق : طيب يا بيه حاضر بكرة هتلاقيها مكوية ، سكتك خضرا بئا عايزين نتخمد
سيف يميل رأسه قليلا جهة اليمين ، ينظر لها من قدميها حتي رأسها ، جمال وهي تخبئ جسدها بيداها : في اية يابيه بتبصلي كدا ليه
يهز رأسه يمينا ويسارا ويبتسم نصف ابتسامة ليقول: اعملي كوباية شاي
جمال بضيق : دلوقتي
سيف ببرود وهو يتحرك صاعدا إلى غرفته : ايوة
ذهبت إلي المطبخ بضيق شديد وهي تقوم بإعداد كوب من الشاي ، انتهت منه وصعدت وجدت الباب مفتوح وهو ينظر من شرفة الغرفة ...
جمال : الشاي يا بيه بالسم الهاري
سيف وهو ناظرا من الشرفة: بتقولي اية
جمال وهي تجز علي اسنانها : الشاي يابيه بقول الشاي يا بيه
سيف : طيب يلا روحي اتخمدي وصحيني الساعة ستة ونص
جمال بخفوت : خمدة اما تخمدك متصحي منها اسبوع يا بعيد
ينظر لها وهو يرفع احدي حاجبيه لتقول : بقول شكلك عندك أرق كدا ومش عارف تنام كدا لو نمت هتصحي مأريف ومش واخد كفاية الا قولي اية اللي شاغل مخك مخليك مش عارف تنام الحتة ها
سيف ببرود : اطلعي برا
جمال وهي تتجه للخارج : يبقي الحتة
ثم تقف وتسند كوعها علي طرف الباب وتلامس قبضة يداها أعلي رأسها وهي تقول : الحتة بتاعتك دي بحسها مش وش نعمة ، واحد زيك طول بعرض بجمال بحلاوة بجسم بضحكة (ثم تغمز بعينيها ثم تكمل ) وتزعلو والنبي ما وش نعمة
بدأ بالتحرك تجاهها وهو ينظر لها ، لتخبئ جسدها بيداها مرة اخري وهي تقول : اوعي تكون فهمت غلط يا بيه
مسك الباب بيده ليقول : انتي عبيطة خلاص مبقاش الا انتي اللي هبصلها خلاص
ثم يقوم بغلق الباب في وجها لتبعد هي حتي لا يلامس الباب قديها وهي تقول : وانتا تطول يا معفن ...مسم ... ملقوش للورد عيبه
لتذهب إلي غرفتها وتأخذ القميص وتقوم بكيه ، ومن ثم تنام علي الفراش في تعب شديد ...
        *******************************
ما زال واقفا في الشرفة شارد الذهن ، تتضارب الأفكار رأسه بشدة جعلته يشعر بأرق شديد وهروب النوم من عينيه ، لم يكن يفكر في حبيبته ولا في مهامه التي وكلها له والده ، فقد كان يفكر في مستقبله الشخصي ، الذي يود أن يحققه ، مستقبله الذي تخلي عنه من زمن حتي لا يغضب ابيه منه ! ليزفر بضيق ، ثم يفكر مرة اخري لما الآن افكر فيه  ، فقد تخليت عنه منذ زمن لما يعاود ضميري علي ان يشعرني بالذنب مرة اخري تجاه نفسي ! تفاجأ بطرقات الباب القوية ، علم انها جمال ولكنه لا يكاد يتحرك ليجدها تدخلت وهي حاملة القميص المكوي و تقول : يلا يا بيه ...(تصمت لحظات ثم تكمل باستغراب قائلة) اية يا بيه دا انتا لسة منمتش
سيف : ليه هي الساعة كام
جمال : الساعة ستة ونص
سيف وهو يذهب ليأخذ الفوطة ؛ ليدلف إلي الحمام : اه مكنش جيلي نوم
جمال بشفقة : هاروح اجهز فطار بسرعة واجبهولك هنا
لتتركه وتذهب في حين يدلف هو إلي الحمام ، عندما خرج وجدها تضع صنيه الطعام علي المنضدة ليقول وهي يجفف وجهه : لحقتي تعمليه بسرعة
جمال : اه دول شوية جبنه ومربي وفينو و زتون كلها معلبات يعني متعبتش فيها ، حاجات جاهزة يعني
سيف : تمام فنجان قهوة بئا عشان منمش في الشغل
جمال : حاضر يا بيه ثواني وتلاقيه جاهز
سيف : هتظبطيه
جمال وهي تتحرك للخارج : متخلوناش نغلط بئا قال هتظبطيه قال ...
تتركه ليأكل و تذهب لتحضر له القهوة المطلوبة ، دقائق وصعدت بها ، لتجده يرتدي ملابسه وبالتحديد جاكت البذلة...
جمال تنظر بانبهار له وهي تعطيه القهوة ، ليبتسم لها وهو يقول : اية مالك
جمال بنظرات منبهرة : والله البت مش وش نعمه خالص ، دي أي بنت دلوقتي بعد متشوفك كدا هيبقي اقصي طموحها انها ترقص معاك  وانتا جميل في نفسك كدا ، انما هي بتتبطر علي خيبة اية المعفنة تلقيها محدش بيبص في خلقتها العرة ورايحة تتعنتظ عليك بنت المتعنتظة
ليضحك من كلامها واسلوبها وهو يقول : ههههههههههههههههههه بنت المتعنتظة مرة واحدة
جمال : أيوة مهما الستات كدا ، بين انك متقدرش تعيش من غيرها تتعنتظ وتعيش الدور ، واصحابها يقولو المتعنتظة راحت المتعنتظة جت ...
أثناء حديثها أخذ يرتشف القهوة ليغير الموضوع وهو يقول : قهوتك حلوة
جوجو : أكيد يا بيه لازم تكون حلوة انتا بتكلم هاوي
سيف بعد أن انهاها ليقف وهو يهندم نفسه باللمسات الأخيرة وهو يقول : بنت المتعنتظة مش بتعرف تنام طول ماحنا منتخانقين ، واتصلحنا قبل مانزل اتغدي اساسا والارق دا مش منها وخليكي فى حالك وبطلي الرغي الكتير دا
جمال وهي تخرج : يا بيه متزوقش قال مش بتنام وانتو منتخانقين قال ،(لتتحدث بخفوت وهي تقول ) روحو عيشو عيشت اللي خلفوكم وبطلو محن بئا جبتولي اكتئاب
سيف : بتبرطمي تقولي اية
جمال : بقول هاروح اعملي كوباية شاي تفوقني عشان اعرف اشتغل عشان صحتني كتير امبارح
سيف وهو يخرج من الغرفة : ماشي وخليكي صاحية لأني هاجي متأخر انهاردة عشان تحضريلي العشا 
جمال بضيق : حاضر
ثم تذهب خلفه وهي تقول : طيب يا بيه متتغدي مع الحتة يعني مدام هتتقبلو وسبني انام بدري
سيف : مش هقابل حد وهتسهري يا جمال
لتقف هي في حين اكمل هو طريقه وذهب للعمل ، صنعت لها كوب من الشاي لتمر نصف ساعة ويبدأ عملها من جديد ...
بعد انتهاء الفطار ، جلست آلاء في الخارج مع زيزي في حين احضرت لهم جمال الشاي ...
زيزي : طيب قررتي تعملي اية
جمال وهي تضع الشاي وتنظر لها بتركيز وهي تتحدث ...
آلاء : قررت اني مش هخس واللي بيحبني هيحبني بكل حاجة فيا
زيزي بضيق : معدومة الإرادة
آلاء بتفاخر : بالظبط يم تنظر لجمال وتقول : بتبصيلي كدا ليه
جمال : متيجي اخرجك خروجة ياست هانم زي العسل
آلاء : ههههههههههههههه عايزة تخرجيني امتا
لتقف جمال : دلوقتي يلا
آلاء : دلوقتي
جمال : بصي في قرارات سريعة لازم تنفيذها يبقي اسرع
آلاء : طب هلبس واجيلك
جمال : ماحنا لابسين اهووو يلا بينا
لتنظر لزيزي ثم لجمال التي تري الحماس في عينيها لتجيب هي في حماس : يلا
زيزي : طيب هتيجو امتا
جمال : بصي عايزة تاكلي في التلاجة كدا كدا الباشا رايح الغردقة وجاي بكرة ، هخرجها بئل ياست هانم
ومن ثم تذهب تجاهها وتحدثها بخفوت في أذنها ، لتنظر لها زيزي باستغراب بعد فترة وجيزة لتقول جمال ( تعالي لسة مخلصتش) لتتحدث مرة اخري في اذنيها ...
زيزي بعد أن انهت جوجو حديثها : اتكلي علي الله يا جوجو طيور السماء اقربلك
جمال : اسمها نجوم السما اقربلك
زيزي بطريقة طفولية : what ever علي فكرة
جمال : يلا يا ست آلاء عشان المرارة واحدة
آلاء : هاطلع اجيب مفاتيح العربية وجاية
جمال : مفاتيح اية سبيلي نفسك خالص بئا يلا بينا
آلاء بقلة حيلة : يلا
        ***********************************
دقت الساعة الحادية عشر ركن سيف سيارته ، ليدق جرس القصر ينتظر أن يفتح له الخدم ، تفاجأ بصوت أنثوي خلفه ...
آلاء : اية دا انتا لسة جاي يا سيف
سيف : اخرت الشغل مع عمك ياستي
جمال ترن الجرس مرة أخري : هما ناموا ولا اية
سيف موجه كلامه لآلاء : انتي كنتي برا ولا اية
جمال : شايفنا جايين من نفس المكان اللي جاي منو يبقي كنا فين
ينظر لها سيف ثم ينظر لآلاء : كنتي فين دا كله بئا
تفتح زيزي لهم الباب ، لتدخل آلاء وهي تقول : كنت بتفسح
سيف : مع جمال !
جمال : مسم ... دا كل همك انو معايا فين النخوة في الرجولة وعي دخلالك البيت الساعة 11
سيف بضيق : بت اتلمي ...ويلا روحي حضريلي العشا وهتهولي في اوضتي
سيف موجها كلامه لآلاء : وانتي كمان بع......
آلاء : الوقت سرقني والله وانتا عارفني يا سيف لو هتأخر تاني هبئا اقولك
سيف : طيب انا طالع اخد دوش
آلاء : وانا كمان
زيزي : اية دا مش هتتعشي
آلاء : مليش لنفس
جمال : هعملك عشا وصاية ياست آلاء
لتضحك آلاء وهؤ تقول : فعلا مليش نفس خالص يلا تصبحو علي خير
لتتركهم وتصعد ، لتتفاجأ جمال بزيزي وهي تمسكها من كتفاها وتقول : بت انتي عملتي اية فيها
جمال : ابعدي ايدك عن الفيست ليتقطع دا غالي
زيزي باستغراب : فيست!!!
          **********************************
حضرت جمال الطعام لسيف ، وتناوله لتدلف عليه مرة اخري وهي تحمل كوب الشاي لتجده يتحدث بالهاتف لتدق الباب بعنف وهي تقول ...
جمال : يا ساتر
ليمقتها سيف بنظراته وهو يقول  : دي الخدامة ياستي ... مين دي اللي بتهزر معايا هي بس سمعها تقيل ففاكرة كل الناس طرش زيها
جمال بخفوت : انا طارشة انشالله هي البعيدة
ثم ترفع صوتها وهي تقول : الحتة ها
سيف بصوت مرتفع : اطلعي برا واقفلي الباب وراكي
جمال ترفع حاجب وهي تقول : براحه علي نفسك يابيه ليطقلك عرق (ومن ثم تقوم بتقليده وهي تخرج) اطلعي برا
ينظر لها وهو يبتسم ويحرك رأسه باستغراب ..
سيف : معلش ياحببتي كنتي بتقولي اية
          **************************************
في صباح اليوم التالي ...
زيزي : ياستي اقعدي بقيت الاسبوع زي مقلتي انتي منمتيش حتي من امبارح
آلاء : لا انا عايزة اروح انهاردة
زيزي : البت اللي اسمها جمال دي عملتلك اية من ساعة مخرجتي معها وانتي واحدة تانية هالص وفي ملكوت تاني خالص ...
آلاء بجدية : عرفتني حقيقتي واني قد اية تافهه شوفتي عملت فبا اية
زيزي بغضب : وربنا مهي قاعدة فيها مش معني انو بابا مديها الأمان فتسوق فيها كدا
آلاء : اهدي يا زيزي مش زي مانتي فاهمة
زيزي : فهميني طيب ياستي
آلاء : جمال ورتني ناس بتنام فعلا من غير عشا يا زيزي ورتني ناس معندهمش بيوت وريتني اسرة عايشة علي كنبة تصوري كنبة انا عارفة انو دا بيحصل بس بتفرق كتير اوي لما تشوفيها علي حقيقتها ، ورتني اطفال بيشحتو والله بيبعو البنت عندها ست سنين وبتبيع منديل ، ورتني ناس عايشين في اوضة وحمام مشترك يا زيزي ورتني حاجات كتير اوووي وجعت قلبي يا شيخة رغم اني عارفة انو موجود بس احساسك بيختلف تمام لما تشوفي بنفسك ودتني ملجأ ملجأ تلجاته مفيهاش أكل ولو لقت كان عيش وناشف كمان ملجأ كل اطفاله اكتر طموحهم انهم يأكلو شيبسي وكاراتيه ويبقي ربنا فاتحها من الوسع لو حد جبلهم عصير ...
في اثناء حديثها أدمعت عينيها لتصمت قليلا ، ومن ثم تتنهد لتكمل : حسستني اني تافهه فعلا اقصي طموحي اني اخس و نور يحبني وكمية الأكل اللي بأكلو انا متاكدة انو يكفي الملجا ويتبقي منه كمان يكفي الناس اللي بتنام من غير عشا ...هاااااااا (تتنهد )
لتبتسم نصف ابتسامه ثم تقول : عايزة اقعد لوحدي كام يوم ارتب اموري انا حاسة بالذنب ناحية الناس دي ...
زيزي : لية انتي اللي خلتيهم يناموا من غير عشا
تنظر لها آلاء قائلة : لاء عشان انا مليش هدف في الحياة
زيزي : طيب استني علي العصر كدا و روحي يا آباء الساعة سابعة الا ربع اساسا ...
آلاء : خلاص ماشي انا هاروح اتمشي في الجنينة شوية
زيزي : طيب ...
تركتها آلاء وخرجت في حين نظرت لها زيزي بتفكير ...
          **********************************
استفاقت جمال متأخرة فقد دقت الساعة السابعة بالدقيقة ، لتجري علي غرفة سيف لتدق الباب وتدخل مسرعة ...
جمال : سيف بيه
ولكنها لم تجده ، دقت علي باب الحمام لم تجد رد لتفتحه فتجده فارغا ، علمت أنه استيقظ بمفرده وذهب ...
مر الصباح بدون أي حدث يذكر ، أخبرت زيزي جمال بانها تريد طعاما معين لتذهب بالفعل إلي السوق وعندما أتت ، ذهبت لزيزي في حديقة القصر لتخبرها أنها جاءت ...
جمال : أنا جيت ياست زيزي ...اية دا احنا عندنا ضيوف
شكرية  ( امرأة في العقد السادس لها ، يظهر علي وجهها التكبر والغرور ، تنظر لجمال بنصف عين وهي تقول )
شكرية : مين دي
زيزي : دي الشغالة الجديدة اصل سيف مشي القديمة بعمايله
جمال ببلاها : مين الست اللي بتتكلم من مناخرها دي
شكرية بضيق : دي مين اللي جابها دي
زيزي : معلش يا ماما هي طريقتها كدا ، دي يا جمال تبقي
شكرية مقاطعه : أنا ابقي امها و خالة آلاء كمان
جمال بتفكير : اية دا خالتها والباشا يبقي عمها
زيزي : ايوة هما اخين اتجوزوا اختين
جمال : اهاااا قولتيلي (لتكمل قائلة ) تحبي تشربي اية يا هانم
شكرية : هاتيلي لاتيه معلقة واحدة سكر
جمال : كافي ميكس يعني
زيزي : روحي يا جمال دوري هتلاقي علبة مكتوب عليها لاتيه والطريقة كمان مكتوبة واخلصي
شكرية : اسمك جمال
جمال بفخر : ايوااا
لتضحك شكرية وهي تقول : عنتر دايما بيحب الرمرمة في اختياراته حتي في اسماء الخدامين
جمال : اسمي زي العسل يا هانم اسمي كدا مش حاجة جميلة واحدة دا جمااال كتير جدا كمان
شكرية : اممممم
زيزي : يلا يا جوجو اعملي زي مقتلك
جمال : دا يعني نسكافية
زيزي : حاجة زي كدا
جمال : طيب قولي نسكافيه اكيد ثريه ان وان مش تو ان وان (three in one مش two in one )
زيزي وهي تضحك : ههههههههههههههه روحي يا جوجو مش وقتك خالص امي ملهاش خلق
جمال بخفوت وهي تتحرك : اية الست التقيلة دي ودي هتقعد معايا في بيت واحد دي ولا اية !
ذهبت جمال وأحضرت لها المشروب المطلوب
شكرية بسخرية : مانتي شاطرة اهو وعرفتي تعمليه
جمال : لا ياهانم انا عارفها اساسا بس كنت بضحك معاكي
زيزي : حضري الغدا بئا يا جوجو عايزة اكل حلو من ايدك
جمال : من عنينا حاضر
           *******************************
انتهت جمال من اعداد الغدا لتذهب لزيزي تخبرها اذا ارادوا أن تناولوا الغداء أم لا ، ولكنها وجدتها تجلس بمفردها ...
جمال : اومال فين الست الكبيرة
زيزي : روحت
جمال : اية دا هي غضبانة
زيزي : امي وبابا مطلقين يا جوجو
جمال : وبتخش بيتوا عادي
زيزي : هما مطلقين من زمان وهي ست متجوزة اساسا دلوقتي فعادي بابا بيحترمها وماما كمان بتحترمه
جمال : اومال اطلقوا ليه
زيزي : والله مش عارفة انا فاكرة زمان لما اطلقوا ماما سابتنا واحنا عشنا مع بابا وحتي لو مكنوش اطلقوا واحنا صغيرين كانوا هيطلقوا واحنا كبار عشان زي مانتي شايفة امي شخصيتها عاملة ازاي وبابا شخصيته عاملة ازاي
جمال : عاملين ازاي
زيزي وهي تقف : ماما كلاس اوي وبابا ابن بلد اوي ويلا بيا هاروح اشوف آلاء
لتتركها وتذهب لتقف جمال تفكر في حديثها ثم تذهب إلي غرفتها وتجري اتصال هاتفي
         ******************************
آلاء وهي تقوم بترتيب أشياءها في الحقيبة : انتي عارفة يا زيزي اللي حساه دا بس مش هوصل لإحساسهم بردو ، جمال قالتلي جملة لمستني اوي قالتلي مش هيحس بيهم غير اللي مر بظروفهم مهما حاولتي تحسي بيهم مش هتعرفي انتي عارفة قالتلي اية تاني قالتلي " الرسول عليه الصلاة والسلام قال : نحن قوم لا نأكل حتي نجوع واذا أكلنا لا نشبع " عارفة بئا اللي انا فيه دا يبقي اية يبقي فجعة و دلع وضعف وفشل عشان مبتحكمش في نفسي !
زيزي : انا قلقانة عليكي
آلاء : هههههههههه ياستي هاروح البيت واسبوع هتلاقيني جيت ولسة زي مانا كمان ومش هتغير
ثم تحمل حقيبتها وهي تقول : يلا سلام
زيزي وهي تحتضنها : سلام احبعمري
آلاء مازحة : بتكسف يا محروس افندي ههههههههه
             *****************************
في هذه الاثناء كانت جمال تتحدث مع والدتها في الهاتف ...
جمال : بجد تعرفي القصور اللي في المنطقة دي ... قصر عنتر الشمسي ...كمان كنتي بتشتغلي فيه مقلتليش يعني يامه الحكاية دي قبل كدا ... بيزعقلكم ليه دا ...خلاص جاية بكرة اديلوا فلوس اخرسوا بيهم ...بصي متشلنيش انتي كمان قال ابوكي قال اللهي يجحمه يا شيخة ...اضحكي اضحكي البت منال وعنتر اخويا عاملين اية ...كويسين في المدرسة وبياخدوا  دروسهم وبيذاكروا كويس ...طب تمام ...ابقي حضرلي فطار حلو مين ايدك اجميل انتا ....هههههههه سلام يا ستنا ...
أغلقت هاتفها لتخرج ولكنها تجد آلاء علي وشك أن تدق بابها
جمال : ست آلاء خير
آلاء : انا مروحة بئا دلوقتي قلت اجي اسلم
جمال : اصيلة والله ياست آلاء تعالي في حضني تعالي أنا بحر الاحضان اوي
آلاء وهي تضحك : وانا كمان  يلا سلام
جمال : مع السلامة
          ******************************
في الغداء كالعادة جلس عنتر الذي جاء لتوه من الغردقة ، ونور الذي جاء معه وزيزي ...
جمال وهي تضع أخري طبق بيداها وتقول : انتا بئا نور بيه
زيزي وهي تجز علي أسنانها : اه يا جوجو هو دا نور اخويا اللي قولتك جاي انهاردة
جمال وهي تغمس لها : هو أنا عبيطة ياست هانم ايوة قولتيلي عليه مش دا كمان اللي آلا..
لتصمد مرة وهي تقول : الف هنا وشفا يا بيه الأكل هيعجبك
ليضحك وهو ينظر لزيزي قائلا : هههههههههههه حتي الخدامة آلاء حكت لها
زيزي تصطنع عدم الفهم : ها بتقول اية
نور : ههههههههههه ولا حاجة كلي يا زيزي كلي
           ********************************
دقت الساعة الثانية صباحا ليدخل سيف وهو حاملا الجاكت علي يديه في تعب ، ليتفاجأ بجمال نائمة علي الكنبة ...
سيف محاولا أن يقظها : جمال ... يا جمال
جمال بنعاس : يابا سبني بئا حرام عليك
سيف باستغراب : يابا ! (ليهزها مرة أخري) جمال يابنتي
جمال بغضب وهي تحاول الجلوس ومازال النعاس يغلبها : مانا عارفة مش هتسبني غير لما تطلع عيني الأول
سيف : انا سيف مش ابوكي يابنتي
جمال وهي تفرك عينيها : معلش يابيه غفلت وانا مستنياك
لتقف وهي تقول : احضرلك العشا
سيف : عشا اية وانتي نعسانة كدا روحي نامي كدا كدا مليش نفس
جمال وهي تذهب : احسن بردو يبقي ملوش لازمة تسهرني كدا حسبي الله
سيف : تعالي هنا
جمال : خلاص يابيه
سيف : بقولك تعالي هنا
لتذهب وتقف أمامه ليقول : كنتي بتقولي
جمال : كمان مسمعتش
سيف : كنتي بتقولي اية
جمال بغضب محاولة أن تتغلب علي النعاس : مش ناقصة دلعكم دا والله خلاص انتا بقيت عند اللغد هنا
سيف :انتي ميتة مش نايمة غوري اتخمدي
جمال وهي تبتعد : يكش تولع ميلقوا ماية يطفوك فيها يابعيد
سيف : سمعتك علي فكرة
جمال : يا راجل
          *****************************
مر أسبوعان دون أحداث تذكر ...
في المساء تصعد جمال إلي سيف تدق الباب وتدلف ...
سيف بضيق : متستني اقولك خشي الأول
جمال : متحترم ان في بنات في البيت هنا وتستر نفسك
سيف : استر نفسي في اوضتي !
جمال : اومال هتستر نفسك في الحمام في بنات بتخش اوضتك
سيف : فين البنات دول بئا
جمال بفخر : انا البنات
سيف بتساؤل : لاء ثواني وانتي بتحسبي نفسك من البنات معلش !؟
جمال بضيق : لو عندك لبس وسخ هاته عشان هغسل بكرة قال بتحسبي قال !
سيف بضيق : مفيش زفت اطلعي برا
جمال : قليل الزوق بزيادة انهاردة يبقي متخانق مع الحتة صح
سيف وكأنه منظر من يفتح معه أي حديث لينفجر : سبتني ...سبتني عشان أهملتها قال اية اسبوعين ...كانت فكراني سبتها عشان مكنتش برد عليها ولا بتصل بيها ...بتقول انها مش علي الرف ووقت معوزها القيها ...بتقول اني مبحبهاش ولو بحبها كنت لقيت وقت واتصلت بيها فيه ...مش مراعية اني فعلا كنت مشغول جدا
جمال : اه والنبي كنت مشغول جدا كنت بتخش البيت الساعة 2 وتطلع الساعة 6 ونص مبتلحقش تنام حتي
سيف بضيق : حتي دي مش مصدقاها حتي ... واخرت مصيبها بتغظني بزياد افندي بتاعها دا
جمال : يعني اية بتغظيك بيه سبتك وارتبطت بيه
سيف بضيق : ايوة ياستي
جمال بضيق : هي حصلت انا من جوايا بقول عندها حق بس كدا هي زودتها وعندي الحل وهتجيلك وخلال اسبوع كمان وتعتذرلك بنفسها
سيف : حل اية دا يا ست الساحرة
جمال : اتريق ، اتريق وانا مش قايلة
سيف : اخلصي
جمال : استر نفسك الاول والله بتكسف ميغركش بتكلم عادي كدا بس مش عارفة ابصلك وانا بتكلم ميغركش بجحتي بس بتكسف
سيف : خلاص انتي هتغني
ليأخذ اللباس ويلبسه بخفة سريعه وهو يقول : اشجيني
جمال : سهلة يا بيه ما يكيد الست الا ست زيها
سيف : مش فاهم انجزي
جمال : يعني تجيب واحدة دلع اية ، ولبس اية ، وشياكه اية ، والاجه اية وتتفق معاها انكم تغظوها ، وانا متأكدة انها مش هتتوصا والحتة بتاعتك هتدايق وتتكاد فتيجي تعاتبك وتتصالحوا
سيف بتفكير : ودي اجبها منين
جمال : انتا هتغلب يا بيه دي الف مين يتمني يمثل التمثلية دي 
سيف : متعودتش يكون ليا علاقات كتير مع البنات ومينفعش واحدة من اللي اعرفهم لانهم هيستغلوا دا ويبوظوا علاقتنا اساسا
جمال : علي حلاوتك دي ملكش وكمان ليهم حق يبوظوا بصراحة
ليضحك قائلا : شوفتي مليش في الجو دا
جمال : مانتا بتكلم الحتة ملكش ازاي
سيف : لان الحتة دي أنا بحبها فعلا وعايز أتجوزها
تحاول الابتسام ثم تشيح بوجهها الناحية الأخرى لتقف مرة واحدة وهي تقول : يعني متأكد ان التشيرت دا مش محتاج يتغسل
سيف ينظر لها بتفكير : مانتيجي انتي وتغظيهالي
جمال : نعم ! وانا مالي ياعم
سيف : مش انتي صاحبة الفكرة واكتر واحدة هتعرفي تنفذيها
جمال بتردد : انتا مصمم ، مصمم يعني
سيف : أيوة خلاص اه محتاجة عمرة كاملة بس انتي اللي هتنفذي
جمال : بشوقك يا بيه بس مفيش حاجة ببلاش
سيف وقد فهم ما تحاول قوله : عايزة كام
جمال : 200 الف جنيه
سيف بخضة : نعم
جمال : ومش هنزل جنيه فيهم
سيف : هما 10000 جنيه وتحمدي ربنا
جمال : يبقي يفتح الله يا بيه شوف غيري البنات علي قفا من يشيل
سيف : جمال خلصي 50الف حلو
جمال : 170 الف وكارماك اوي
سيف : انا ممكن اخلي زيزي تشوفلي أي حد علي فكرة
جمال بثقة : خليها تشوفلك هاروح اشوف نور بيه عنده غسيل ولا لاء
سيف : 75 الف واخر كلام
جمال : 150 الف ونحترم نفسينا
سيف : 100 الف واتلني
جمال بسعادة شديدة وبصوت مرتفع دل علي تحمسها : موافقاااااا ...انا موافقة يا بيه موافقاااااا
لتقفز فرحة وتتركه ...
سيف : اهدي كدا خلينا نشوف اية اللي هببته دلوقتي
جمال : اللي بيرجع في كلامه بيبقي عيل يا سيف بيه ولو رجعت في كلامك هقولك يا خنجر مش يا سيف هههههههههه
ليتركها ويذهب من الغرفة بأكملها ...
جمال بقلق : يارب ميرجع في كلامه
           **********************************
زيزي بغضب وهي تبعد يداها عن رأسه التي كانت تداعبها فقد كان ممدا علي الفراش وواضعا رأسه علي حجرها وقد قص عليها ما فعله : انتا اتجننت يا سيف 100 الف
سيف وقد جلس : اعمل اية انا متغاظ من صافي جدا وملقتش غيرها قدامي وحكتهلها وكنت سخن فتفقت معاها
زيزي باستغراب : جمال كمان هي اللي هتعمل الدور دا
سيف : ايوة للاسف
زيزي : اللي يدايق اخويا يدايقني سبلي البت جمال تلت ايام هفرمطهالك لدرجة انك مش هتعرفها ونجبلها كام طقم تقضي بيهم الاسبوع دا
تدق جمال الباب مقاطعه وهي تقول : عندك غسيل يا هانم
سيف : هسبهالك من بكرة وفي اقرب وقت تكون جاهزة
زيزي : ماشي
سيف مواجها كلامه لجمال : خلال اسبوع جتلي هتخدي ال100 الف مجتليش ملكيش حاجة عندي
جمال : موافقة بس اديني عربون 20000 عشان حرام اتعب علي الفاضي
سيف بتفكير :ماشي بكرة هيكونوا عندك
جمال بتحمس : علي خيرت الله ، هاروح اشوف نور بيه عنده غسيل ولا لاء عشان روحتله من شوية كان في الحمام
زيزي : عقبال متروحيله اكون انا لميت الهدوم
جمال : ماشي ياست هانم
يتبع^^
رايكم مهم جدا
#هلوسات_هامستر