تبا للعشق

الجزء الثالث

الساعة 12:34pm

باوعت بتلفوني الساعة ١٢ ونص اوووف بعدني لحد هسه ما مأكله شي 

بس لازمه الكتاب وأفكر شنو ناويه هاي العوبه تسوي باجر 

عفت الكتاب وكمت شنو يريد ايصير خلي ايصير شنو تريد تسوي مثلا تطردني من البيت ؟؟!مو بيت ابوها هو ادري محمد ميسويها....وإذا سواها....وإذا سوتله سحر...والله كلشي أتوقع منها رحت وكفت كدام المرايه صفنت شويه 

ديانا،،اوووف هسه وشنو يعني على أساس يكدر يعني البيت مو بأسمه.....لا والله بأسمه 

خرب بحضي  الأخضر طووخ

نزلت للمطبخ شغلت الاضويه طلعت من الثلاجة فواكه كعدت اكل وصافنه وراهه بشويه نزلت الخانم 

اهوووو هسه هم تكعد تلغي

مريم،،حلو حياتي شلونج شنو ليش اليوم ما نزلتي على الغده،

هاي شلون سالفه 

ديانا،،شوفي حياتي شوفي كليبي لعب،لتلعبين وياي ترة اراويج وجهي الثاني(جذب ما عندي وجه ثاني بس لازم هيج اسوي😅)

مريم،،شنو تردين تسوين مثلا اذا محمد طردج من البيت؟؟! هااا!! اني راح اخلي ايطردج حته ابقه براحتي ههههه

.....،،لا ما اطردها ومتبقين براحتج زززين 

باوعت هذه محمد اوووي فديت اخوي الحباب ،،،حيييل تستاهل وجه ألبومه تباوعله وصافنه 

محمد،،يله حياتي ادعبلي روحي لمي ملابسج حته أوديج لبيت اهلج 

مريم،،شنو توديني لبيت اهلي؟؟؟!تريد تعوفني علمود هاي انت مخبل شنو متفكر بأبنك (بصياح)

محمد،،لا ما أفكر بأبنج لأن الي ببطنج مثلج،وشئ ثاني لتكولين ابنك لان بصراحه ما اتشرف بيه ولا بأمه باوعلي وكمل،،ديانا حياتي روحي نامي عندج باجر امتحان اني راح أودي الأخت لبيت اَهلها وارجع تمام ما أتأخر 

ديانا،،تمام ماشي 

صعدت ممصدگه معقوله راح نخلص من هاي النقمه الي إجت فوگ راسنا 

طبيت لغرفتي فرحانه رحت بسرعه ونمت،،،،

وره شويه كعدت على صوت الباب مال الغرفه ينفتح 

محمد،،اسف گعدتج 

ديانا،،عادي،

إجه كعد يمي على الجربايه

محمد،،مريم راح اطلكها ما اريد تبقى بيناتنا اكثر 

ديانا،،وابنك، مو خطيه هيج يبقى شنو ذنبه يعني 

محمد،،ذنبه إنّو أمه وحدة حقيره زييين

ديانا ،،يعني صدك تحجي راح تطلقها 

محمد،،شنو مبين أجذب يعني اي ما أريدها بعد عبالج بس وياج تهديداتها،،لا حياااتيي حته عليه تهدد وجه القوري 

ديانا،،هههههه 

محمد،،شبيج تضحكين؟؟!!

ديانا،،تذكرت قبل متتزوج انت وجوانا شلون جنه نكعد بأيام الامتحانات بالليل ونصنف على الطلاب والأساتذة وتجي امي تصيح علينا تكلنا كوموا أقروا مو بس سوالف  بس من تزوجت انت وجوانا هم اهلي توفوا كل شي تغير وهسه من كلت وجه القوري تذكرت من جنت انت تحشش على الأساتذة وإني اضحك وتكلي وجه القوري

محمد،،عندي مفاجئه ألج باجر 

ديانا،،شنووو حباب كلي تدري بيه ما أتحمل 

محمد،،اذا كلتها مراح تبقى مفاجئه يله هسه  نامي وباجر تكدين اوديج للامتحان اريدج تجاوبين عدل ترجعين تلكين المفاجئة بالبيت،،تمام؟؟؟!!

ديانا،،تمااام😞😞😌

محمد،،تصبحين على خير

ديانا،،وانت من أهلو😴😴😴  

بتبع.....