Una kining napatik sa Kabisdak (balaybalakasoy.blogspot.com) nga gidumala ni magbabalak Michael U. Obenieta .
Sa Iyang kamot nalalang
Ang nag-inusarang pormula
Sa pagbutho sa kalibotan
Lakip sa kawanangan
Sulod sa unom ka adlaw.
Gikan sa mga puyang dahon
Nga migitib sa inahang-liso
Padulong sa mga bituong
Nagkatibulaag diha sa kahabog
Sa kagabhion, kining tanan
Mituo, misunod sama
Sa usa ka saad, usa ka mando.
Sa ikapitong adlaw,
Ang naglalang nagpahulay
Samtang naglantaw
Sa iyang mga ginama apan
Basin gipamaolan kay hangtod
Karon wala pa man nakabakod.
YOU ARE READING
Balak-Inato: Mga Balak 2015-2020
PoetryAng mga balak nga mabasa mao ang tinagik sa tagsulat gikan sa 2015 (unang tuig sa iyang tinguha nga mahimong magsusulat) hangtod 2020. Pipila sa mga maapil niining gamay nga koleksyon kay napatik (sa online journal o print) o di ba kaha nakatukob og...
