الشيخ والكردية

البارت ال7

الشيخ والكردية
البارت السابع
فاضل :اجت فرحانة وبيدها الخبزة شوفو خبزتي حلوة يو لا امي شجعتها وسئلتها هاي اول مرة تخبزين جيهان جاوبتها كالتلها اي ماما اول مرة اخبز
امي اخذت الخبزة وكالتلي يمة اكلها لازم اول خبزة للبنية رجال ياكلها حتى يصير خبزها حلو
جيهان كالت ل امي صدك ماما كالت الها امي اي صدك
اتوسلت بيه جيهان اكلها كتلها هسة من نتريك اكلها
كالت قبل ماتاكل لحظة وراحت ركض للغرفة وجابت الكاميرة وصورتها واخذتلي صور غصب عني واخذت ل امي وانطتني الكاميرة وكالت صورنة اني وماما
ولج شكد تحبين تصورين
كلتلي اي احب التصوير وكم مرة فتحت معرض هناك وبتركيا وبلبنان

جيهان:خلصت زينب خبز وجابو الريوك خبز حار وكيمر وعسل اوووف شنو من ريوك و برة ع الطبيعة كاعدين الحديقة خضرة معتنين بيها اويلي ريوك يفتح النفس
خلصنة ريوك گلت لعلي يلا وين وعدك نروح لسوك كال يلا خل نروح فاضل گال ماتروحين هيج لبسي حجاب وعباة وروحي
لبست عباة مال زهراء لنو اثنينة نفس الطول وعلمني شون امشي بيها
اتوسلت بعلي اخذ زينب وياي هم ماعدهم شي اسمة مرة تطلع لسوك بس ام فاضل تطلع وتشتريلهن غراضهن يو دلالات يفتر بلبيوت ويشترن منها
علي كال اذا قبل فاضل خل تروح رحت لفاضل اتوسلت بي عفية وحباب گال بشلاع الگلب الا قبل اووووف اشكد عنودي وصدك يازينب من گلتيلي معقد
رحت لسوك اول شي رحتلة اشتريت شغلات وادوية من الصيدلية للبنات محتاجاتها
ورحت اشتريت ملابس
فاضل جان منطي لعلي فلوس وكال اله لاتخليها تدفع انت ادفع وشنو تريد اشتري الها
اني ماقبلت اولا ما اخلي هذا العقدة يشتريلي ثانيا عندي فلوس واشتري براحتي
رحت للمحل المكياج اشتريت للبنات ماسكات ومكياج وعطورات واني هم اشتريت الي
واشتريت سبلت ومروحة شحن هاي العشر ايام ما ابقة هيج ومسلوكة بلحر ماقبل علي وكال احنة نشتريلج گتلة اشتري ل امك ونسوانكم انتم الزلم مدللين ارواحكم والنسوان مشلوعة كلوبهن وحاجتهن مايكدرن يشترنها هسة ياريت ماعدكم اشو زناكين وعدكم فلوس ليش هل التقصير
علي سكت وماحجة شي
زينب هم ماخلت شي بنفسها كتلها هي فرصة واستغليها اشتري كل الي بنفسج وماعليج بلحساب اني ادفع والحجية هم ماخليتها اشتريت الها قطعة قماش وشيلة وعباة ورحنة اخر شي سوبر ماركت اشتريت حلويات لجهال واني اخذتلي نمنمات وحبشكلات متعودة رجعنة للبيت
ماقبل فاضل واتعارك وياي لنو اني الي اشتريت وما خليت علي يدفع وهم غسل علي غسل اني زعلت بلغرفة وسديت الباب صاحولي ع الغدة ما رحت للعشة هم كذالك بلغرفة زعلانة خابرني مارديت يدز رسائل هم ما ارد
فاضل:لا حول ولا قوة الا بالله صبرني يالله خلص يوم بعد. تسع ايام لمتة يخلصن رحت راضيتها بعد امرلي ل الله امي ماترضه عليها واني ما اكدر ازعل امي .مثل الطفلة تزعل مايكول عمرها 29سنة ودكتورة طلعت من غرفتها ومشت اتعشت وكعدنة اليوم ماكو خطار بلمضيف كضوها سوالف وضحك
كلت ل عباس شدلها السلب وشده
جهال عباس وعلي والبنات وامي واخواني واخواتي اجن اتعرفن عليها حيل حبوها حتى كامو يعدون لل ايام بس كون ماتخلص وتبقة وياهم مرت 8 ايام كعدت الصبح مالكيتها سئلت امي گالت راحت وي زينب للحشيش طلعت اني اكظي اشغالي ما رجعت لبليل هي ماموجودة اختي. عازمتها ع العشة راحت هي وزينب ونورية بل 10 اجت زينب ونورية ردت اسئل عليها امي سبقتني بل سوال كالت وين جوهان امي تسميها ماتسميها جيهان
زينب گالت بقت وي ام حسن حسن باجر ياخذها لصيد السمج تكول اريد اصيد سمج بقت وياهم
اني فار دمي رحت لبرة وخابرتها عيطت عليها شنو ماتكوليلي انتي بكيفج ضالة ع حل شعرج اني طرطور ماكدرت تحاجيني لنو اختي كاعدة وياها
دزتلي مسج
"اولا لاتصيح ثانيا اني مو زوجتك حتى اخذ رئيك اذا شخصيتك فارضها ع عشيرتك واهلك ماتفرضها علية ولاتتحكم بيه فهمت "
من وصلني المسج هذا ما اشوف طريقي جهنم صرت دزيتلها مسج كتلها هسة ترجعين يو اكلب الدنيا ع راسج وقسما بالله اجي لبيت اختي وارجعج لمكان الي اخذتج منة
ردتلي مسج ثاني"عادي رجعني اندل اهلك صرت وارجع الكم هي هاي ولاتبقة تهدد كتلك بكيفي يعني بكيفي ماتتحكم بيه
اتصلت بيها غلقت الجهاز يتبع......
الشيخ والكردية

تصويت بليييز ورأيكم بالبارت