عشنا وشفنا

الخاتمة

#عشنا_وشفنا
#بقلم_أميرة_عادل

الخاتمة
طبعا كلكم مستنين مني أقولكم ايه اللي حصل .. سليم اتقدم لحبيبه ولا لأ .. وحمزه سامحها وقدرت تبني ثقته فيها من تاني ولا لأ .. ولميس اتجوزت زي ما قاسم عايز ولا لأول مره قدرت تعمل حاجه وترفض .. وناديه وحسن والباقين ...
بس أنا مش هعمل كده .. انا قلتلكم كل حاجه عنهم وعن حياتهم .. حبيت اوريكم أشكال موجودين في مجتمعنا كتير سواء من البنات أو الأولاد .. عايزكم انتوا تفكروا شويه .. وتعرفوا مين فيهم صح ومين غلط .. وتراجعوا نفسكم في تصرفاتكم وأفكاركم .. كل واحد بيتحاسب علي افعاله هو .. مفيش حد بيتحاسب عن حد .. كل واحد فينا شايل شيلته .. هيتحاسب عليها .. كلنا لازم نعيد تفكير في حاجات كتير .. التطورات حوالينا والمغريات بقت كتيره قوي وسريعه قووي .. واللي يقدر يصمد قدامها ويحافظ علي نفسه ودينه هو ده الفايز .. الفايز مش هو ابدا اللي بيجري ورا المغريات وبيتغير ويتأثر بيها .. احنا في زمن صعب .. زمن قال عنه الرسول صل الله عليه وسلم .. أن القابض على دينه كالقابض على جمر .. يارب قدرنا علي طاعتك وحسن عبادتك ... واهدينا يارب لما تحب وترضي ... وقوينا وثبتنا علي دينك .. واسترها علينا وعلي بناتنا وأولادنا 
.....................................................................................................
حبيبتي أنتي غالية قوي .. وقلبك غالي قوي قوي .. حافظي عليه زي ما هو بنقاءه وطهارته ... أبيض زي ما هو .. متخليش حد يلعب بيه ويشخبط في قلبك .. لحد ما يجي الراجل اللي بجد .. الراجل اللي يستحقه ويستاهلك .. الراجل اللي يختارك دون عن كل البنات عشان تكوني حلاله .. اللي مش هيلعب بيكي وبقلبك ويتسلي .. اللي هتحبيه ويحبك الحب الحلال ..  الحب اللي في النور قدام الناس كلها .. الحب اللي تبقي فخورة بيه ..اللي متضيعيش ثقة أهلك فيكي عشانه .. اللي يدخل البيت من بابه .. اللي يكتب أول كلمه في قلبك بالحلال .. الحلال أجمل يستحق الأنتظار .. الحلال ربنا بيبارك فيه .. يستاهل الصبر .. ميهمكيش كلام أصحابك أنك لسه محبيبتيش ومش مرتبطه والكلام ده .. خليكي واثقه من نفسك .. واثقة أن ربنا هيعوض صبرك خير .. براجل يستاهلك ويقدرك ويسعدك .. طالما بتعملي الصح .. مش مهم يقولوا عليكي معقدة ومش عايشة سنك .. ربنا رضاه أهم .. ثقة أهلك فيكي أهم .. ثقتك في نفسك أهم ..  نقاء قلبك اللي بتحافظي عليه للي هيكون جوزك أهم ..
وأنت .. أنت ربنا خلاك قوام على النساء .. القوامة مش بس انك بتصرف .. لأ .. انت الراجل اللي تقدر تتحكم في اعصابك وأنفعالاتك .. أنت العقل المدبر .. أوعي تفتكر انك عشان راجل تبقي معصوم من الغلط ... ومحدش يقدر يحاسبك .. أو أن غلطاتك تغتفر .. أو أنك تتعرف علي دي ودي .. وتعشمهم .. وتلعب ببنات الناس .. ومفيش عليك لوم أو غلط أو حساب .. وفي الأخر لما تيجي تتجوز .. تبقي عايز البنت اللي حافظت على نفسها .. لا فوق .. أنت ربنا هيحاسبك حتي لو المجتمع سابك من غير حساب باسم انك راجل .. ربنا فوق الكل .. هيحاسبك علي كل كلمه وكل نظره .. مش عشان تبقي راجل قدام اصحابك لازم يكون عندك علاقات ومسيطر والكلام ده .. الرجوله أدب وأخلاق .. الرجوله انك تحافظ علي اي بنت .. مش انك تعلق البنت بيك .. حتي لو نيتك خير وهتكمل وتتجوزها .. الله اعلم بالنيات .. بس اصبر شويه .. لحد ما تقدر تتقدملها وتتجوزها في الحلال .. ساعتها صدقني هتكبر في نظرها اكبر بكتييير .. في كتير ذكور .. بس مش كل ذكر نقول عليه راجل .. كون نفسك واثبت نفسك في شغلك وحياتك .. عشان لما تتقدم للانسانه الي اختارتها وحبيتها .. تبقي انت فخور بنفسك قبل ما هي تبقي فخوره بيك وباختيارها .. الحلال ربنا بيبارك فيه .. حب .. بس متقولش لحد ما تدخل البيت من بابه ..
                                          
                                                                   تمت بحمد الله
                                                                 بقلم : أميرة عادل
                        يارب تكون عجبتكم واستمتعتم بيها .. ودمتم متابعين     ...
هتوحشوني😍😍                                        ........................................................................................