واختارك ثلج نارك

البارت 16..وصدفه تلاگينه وجلبت عيني بعباتج

البارت 16
بعد شهرين..
محمد ..مر عليه شهرين بالكوة حاولت انسى الي صارلي بس ماكدرت راحت رفل واخذت روحي وياهه صح استسلمت لواقعي بس مابطلت ادور بين فترة وفترة اسوي بحث ونفس النتيجه..
تعبت نفسيتي كولش.
من بعد هالشهرين تجدد الامل عندي لان بده الدوام مرحله جديده وسنه دراسيه جديده ونسيت اكوللكم اني نجحت من مرحلتي وصرت مرحله رابعه صيدله مافرحت ولاهتميت بس المهم مشت حياتي .
داومت اول ايام وجان مالي واهس بكولشي ادوام وادخل محاضرات هيج مجرد جسد بلاروح لحيتي طويله وبين فترة وفترة بس احددهه عبالي عندي ميت .
وفعلا مات احساسي مات واهسي بكولشي .
احس الهم اخذ حيل من حيلي مدا اكدر انساهه وماكدرت اسولف الي بيه لاحد لان احسهه عرضي لسه كلبي يطلعلهه اعذار .
ظليت اتردد ع كليه الهندسه ..وصدفه تعرفت من خلال اصدقاء اليه ع طالب مسؤول المرحله الثانيه للهندسه يصيحوله الممثل.
لحد الان يومي عااادي الى ان صارت عيني بعين البنيه الي تعاركت وياهه الي جان يحبهه مصطفى .
جنت واكف بالممر ويه الولد سمعتهه صاحت بسمه فالتفتت وصارت عيني بعينهه هي هم باوعتلي وظلت نظراتهه مركزة عليه ماعرف تعرفني تتذكرني لو لا ..
شفتهه طولت بالنظرة وماقطعنه تواصلنه البصري الى ان دمعت عيونهه ونزلتهن عرفتهه تذكرتني همست بكلبي اسف ودرت وجهي عنهه وسويت نفسي منتبه لاحاديث جماعتي بس اني جان بالي وفكر يم كلامهه هي والبنيه سمعتهه كالت يله للقاعه حتبدي المحاضرة التفتت عليهه لمحتهه اخر نظرة وظل اسم بسمه ببالي يذكرني بشي اني ناسيه وفجاة طخت براسي بسمه جانت صديقه رفل جانت هالكتني رفل ب بسمه وسوالف بسمه ..
فكرت بنفسي ليش رفل غلقت الحساب يمكن لان اطتني معلومات صحيحه عن نفسهه وخافت خاف اعرفهه من تعوفني طبعا معلومات صحيحه عدا اسمهه .
خطرت ع بالي فكرة ..جريت ممثل المرحله ع صفحه جان اسمه سجاد..
اكول سجاد ..
كول حبيبي .
اكو بنيه بمرحلتكم اسمهه بسمه ؟
بسمه ..امممم اي ليش؟
منو اقرب صديقه الهه ؟
ماعرف بالضبط هنه كبلات صايرات حته البنات.
اي اعرف منو اكثر بنيه تمشي وياهه ؟
هسه فاتن منا سويه ..لمار.
اني عندي فكرة من مصطفى ومن بعدهه العركه عن اسم هاي البنيه لمار بس مجان عندي اي معلومات عنهه غير اسمهه.
كتله لسجاد..
اريدك تجيبلي معلومات كامله عن لمار.
شلون يعني ..ليش ..شتريد منهه؟
نيتي شريفه اريد اسال عن اهلهه ووين بيتهم .
هااا بالخير ان شاء الله .
سجاد افتهم انو اريد اخطبهه يفهم مثل مايريد يفهم اهم شي يجيبلي معلومات عن اهلهه اخوانهه خواتهه عنوان بيتهم ..
كالي ..
بالليل اخابرك معلومات كامله عندك لهل البنيه.
تسلم حبيبي ..انتظرك.
يله اترخص اني راح تبدي محاضرتي .
اووك بس معتمد عليك سجاد .
بعيني تدلل .
مشكور .
الله وياك .
هلا .
لليل خابرني سجاد وجابلي معلومات كامله عن لمار اني اعرف اخوهه اسمه وسام تعرفت عليه من قبل وصح عندي معلومات عن رفل انو عدهه اخوان 2بس مكايلتلي شنو اسماءهم واعرف هي الوحيده لاهلهه وابوهه مهندس وامهه موظفه نفس المعلومات الي جانت ذاكرتي خازنتهن لرفل جابلياهن سجاد بس يخصن لمار حته بيتهم وين وحته اخوهه الجبير مسافر ولمار ورفل عدهم اخ اسمه وسام..
جسمي يرجف معقوله لكيتهه اجاني هدوء مو طبيعي برود ..
برود مشاعر وبرود بجسمي واطرافي حته دماغي احسه تبنج تجمد توقف عن التفكير جانت طريقه ميؤوس منهه وماعولت عليهه تاليهه لكيتهه ..رفل هي لمار ..
ماعرف شحسيت بوكتهه كولشي توقف عندي اريد استوعب ..
واللليش مافاركتني ..ليش وليش ماعرف ليش تركتني ..
ليلتهه مانمت ماكدرت انام ومنين يجيني النوم ..
كولشي تبنج عندي تفكيري واحساسي ..باجر شاسوي ..شلون ..احاجيهه اروحلهه ؟؟
البرود الي تلبس بجسمي وتفكيري وحته كلبي ماعادت ذيج النار الي تسعر وتحركني وتتحول رماد واي ذكرى صغيرة من رفل ترجع النار تشتعل بكلبي تحولت جليد قاسي وقسه كلبي وياه.