Gugma Ko Kanimo

Mensahe Gikan sa Gasulat

Maayong adlaw kaninyong tanan, Luzon, Visayas ug Mindanao. Manghinaut ko nga adunay makasiplat o makabasa niining akong gimugna nga sugilanon nga kon diin makuhaan usab ug pagtulun-an sa uban.

Gimugna nakog tuyo kining maong sugilanon aron ipasinati ug ipaabot sa tanang kabisayaan nga bisan pa man sa atong bag-ong henerasyon karon ilabina gayud ang pinulungang Ingles ug Tagalog nga matagaan gihapon natug higayon ang atong namat-an nga pinulungan nga mao ang bisaya.

Ang ubang mga bisaya man gud basi sa akong namatikdan, kung manimpalad lang sa laing nasod o sa laing lugar sagopon dayon sila sa mga pinulungan didtong dapita.

Gikinahanglan ba gayud diay nga ikaulaw kining atong pinulungan? Mao kini ang atong namat-an ug buut busa angay nato kining ikapasigarbo sa tanan.

Nasagop na nato ang pinulungang Ingles ug Tagalog karon, di ba? Magpalahi na usab kita. Tuguti ko ninyo nga idalit o ipadayag naku ang pinulungang bisaya dinhi sa kasadpang Mindanao.

Sa akong mga maanyag ug ambungan nga tagasunod ug suking  tagabasa sa akong mga tagalog nga sugilanon, nasayod gayud kong dili ni ninyo mahisabtan ug matugkad kon unsa kining akong gisulat nga bag-uhanong sugilanon karon apan manghinaut ko nga moabot ra gihapon ang saktong higayon nga masayran ninyo kini.

Translation: Sa mga followers at mga readers ko sa tagalog stories ko, alam kong hindi ninyo maiintindihan ang sinulat kong story na ito sa lenggwaheng bisaya ngunit umaasa pa rin akong darating ang tamang panahon na maiintindihan ninyo ito.

Sa laktod nga pagka-istorya, sa mga higayon nga bag-uhanon pa ko diri sa kalibutan sa Wattpad, misulay gayud ko ug pangita kung aduna bay mga bisaya nga sugilanon apan subo kaayong palandungon nga wala gayud ko nakakaplag niini. Napakyas ko.

Maong atong mga higayuna, nakahuna-huna ko nga maghimo ko, hehe apan mao lagi dili kaayo ko kahatag sa akong panahon mahitungod usab sa akong trabaho sa opisina.

Oh, daghan pa kaayo ko ug gipang-istorya no? Dali na kamo, ubani ko ninyo sa akong pagpanimpalad. Ipadaplin ko usa ang akong pagka-Ingles palaka ug taga-liig karong higayona.

Tawga lang ko ninyo sa akong angga nga Ate Reyb o Ate Mhaggie aron magkahigalaay usab kita.

Kung mangutana mo kung taga diin ko, aguy, palihog na lang ko ug hangad sa langit. Kung aduna moy makitang bituon dinha inig kagabii, adtoa lang unya ko ninyo, hehe.

©SsejnelReyb