💕أحببت الطفلة💕

البارت24 💕

***فالمطار***
ركبنا.. فالطيارة انا و نوفل و ايمان مع ماما.. بعدما ودعنا جاد.. بقا فيا ماكرهتش كون مشا معانا.. انتوحشو ماقدرتش نبعد عليه تعلقت به بزاااف... وصلنا المغرب.. الله توحشت بلاادي توحشت الكاريان توحشت طفولتي.. توحشت ريحة بلاادي.. نزلنا فواحد الاوطيل..

ايمان : سلمات على ماما و عليا.. حنا انمشييو تال من بعد ونتشاوفو صافي ختي..

انا : نن فين غااادة انمشيو معاك كاملين.. باش تهزي حوايجك.. جاد خدا لكم دار و عطاني السوارت .. و العنوان..

نوفل : كيييفااااش

انا : مااالك راا بحاال خوكوم

ايمان : مسكيييين اللله يجازييه بالخير..

نوفل : هههه فسمية من !!

انا : وااااع من دابا وصلتو الارث.. غير تهنا ماغاديش تاخد كلشي بالتعصيب.. Gاليا كتبها ف سميتكم بجوج..

ايمان : اااه داكشي باش خدا لي كارت دياولنا داك نهههار..

ماما : تانا بغيت نمشي معاكم نشوف فين كنتو ساكنين

انا : واغخليك .. الوالدة ماعندكش نتي مع داكشي

نوفل : سارة سارة نقوليك واحد الحاجة و ماتقلقيش

انا : gول

نوفل : ممك زوييينة هههههه

ماما : هههههه

انا : هاي هاي هاي كي عاجبها الحال.. ماشي انا للي انتقلق قولها لراجلها.. يالاه زيدو قدامي...

وصلنا الكاريان

الله شحال افتقدت هاد المكان و ناسو الطيبيين رغم قساوة الحياة عليهم الا انهم تايوقفو مع بعضياتم الكل خارج فرحان بيا حتى البنت للي ضاربت معاها اخر مرة..

ماما بقات معجبة دخلتها البراكة شافت البلاصة للي كنت ساكنة فيها.. تصدمات و لكن حاولات ماتبينش.. جات عندنا ايمان للي جمعات حوايجها هي و نوفل.. و عاودت تصيفطنا مع الجيران.. و توجهنا ل دار ايمان و نوفل و صلنا الشيفور كانت عمارة فحي راااقي ف كازا فيها مراااح كبيييير 5 البيوتة كبار بدوشهم و كوزينة .. مفرشة فراش زوين..

ماما : جاد سبقني و خدا الدار...

انا : بحال بحال

ايمان : ماعرفتش كيف نشكركم والله..

ماما : ماتقوليش هاكا نتي بمثابة سارة

نوفل : عفااك صوني لينا لرااجلك نهضرو معاه

صونيت ليه و هضر معاهم.. مشينا تسارحنا.. الغدليه خرجنا مجموعين درنا فكازا والنهار التالث مشيت انا وايمان هي دارت شهادة طبية.. ونوفل دفع استعطاف باش يرجع ل 5eme وانا دفعت وراقي لباك ليبر..

انا : معااش داخلة غدا ؟؟؟

ايمان : 2 عندي نص نهار ف الصباح..

انا : مزياااان نمشي معععاااك

ايمان : نتي وااش بعقلك ناااري اصاحبتي نتي اش كاتقولي.. جاد غادي و يوصي فييك..

انا : واتانتي فيين شافني

ايمان : مسخووطة داكشي باش شريتي طابلية.. ماعندك علاش تحشمي

انا : وااا ختي اش ندير توحشت الجو ديال القرايا..

ايمان : سوووقك هذاك ايلا شدك فرشخك ماسوقييش

انا : و فيين شااافني

ايمان : وماعرت انا غا قلت..

انا : نعسي نعسي..

فقت فالصباح وجدت ليهم الفطور بينما فاقو جمعنا الدار و صلات 1 حطات لينا ماما تغدينا ولبسنا حوايجنا باش نمشيو المدرسة.. لبست سروال جينز مزير مع اير ماكس و تشرت درت طابلية جاتني لاصقة و قصيرة هزيت كارطابل..

ايمان : واواواو اصاحبتي واخة سبورتيف جيتي تاتحمقي.. فورمتك كي كاتبااان حوتة..

انا : هانة حدرت الكارطابل على مسعودة غا تهناي

ماما : ايمان غادة القرايا فهمت و نتي فين غادة؟؟!!

انا : وااماما را غادة نجيب الكتوبة ونسلم على الاساتذة..

ماما : اوكي بنتي بسلامة... شديت انا وايمان طاكسي و صلنا الليسي.. مشيت الحراسة..

الحارس : شافني تفافا ولد الحرام باقين فيه الفعايل

انا : اهلاااا استاذ كيداااير..؟؟!

شاف ف ايماان ماتقوليش ليا ساارة هادي..

انا : هي هااادي...

الحارس : لا والله مامصدق..

انا : واش واخة ندخل هاد الحصة مع ايمان..

الحارس : الله اودي مرحبا انا انهضر دابا مع الاستاذ يدخلك ..

ايمان : جبدات شهادة طبية..

الحارس : امضرا عجباتك العيشة تما ولفتي.. بقيت تانهضر معاه جبد ورقة و ستيلو كتب ليا نمرتو...

خرجت و قطعتها يشوفها جاد يقتلني انا وياه..

دوزنا الحصة سلمت على البنات والدراري..

خرجت مع 4 وراااكم عارفين الليسيات كيف كايكونو مع 4..

لقيت رباعة ديال دراري تانعرفهم.. تايتعلمو البريك دنس break dance...

مشيت عندهم غير شافوني تلاحو عليا يعنقو هزوني فوق كتافهم و يغوتو ساااره ساااره و انا فرحاااانة تانضحك.. هبطوني بزز.. وانا نبدا لهم.. نموووت على البرييك...

ماجيت فين نساالي حتى بدا كلشي تايصفق.. هزني واحد الصوت... ساااااااارة نااااري ماغريبش عليااا هاد الصوت... ياااربي نكون نحلم ..