غربة الروح

البارت ٧

#غربة_الروح

همس القوارير

البارت السابع

اجتي عمتي معصبه عليه

ام تحسين
لج صدگ نغيمه انتي هيج ويه لمياء معقوله واني اگول عنج ام بيتي وانتي ألهم من بعد ما اموت هنوب تطردينهن من البيت

نغم

لا عمه وراس امي ما طردتها شلون اتجرء هيج هو بيتهن هن شلون اطردها

عمتي ام تحسين

شوفي مراح احجي وياج شي بس يجي تحسين واخليه يعلمج شغله

يااا هاي شنو منين جتني هالسالفه معقوله الناس لا ذمه ولا ضمير حقها لو طلگها رجلها من سوالفها اووووف شسوي هسه اني والله عيب من عمتي خذت عني نضره محلوه وكله من ورى هالعوبه اووووف
اجه تحسين ولمياء ما مبطله بجي

تحسين
هاا شكو حنيتي لرجلج وتبجين

ام تحسين

لا عيني لا مرتك طاردتها من البيت

تحسين

شنو شنو شنو وينها نغم نغم وصمخ

نغم

وربي ما طردتها ليش متصدگوني اني شعليه اطردها بس تعاركو الجهال وضربت جواد وگلتلها ليش تضربينه هذا الي صار

تحسين

نغم اخذي جهالج وصعدي فوگ ليكون اشوفج جوه لو اشوف واحد من الجهال افتهمتي لو لا وانتي خويه لمياء حسبيها عليه هذا البيت الجوه كوله الج والفوگ ألنا وبعد مينزلون

وصدگ بقيت فوگ لا نزلت ولا شي بس ضل تحسين شايل بخاطره مني وكت الغدى لو العشى يصعدولنا اكلنا فوگ وابد ما ننزل صدك ضوجه لان حبسه بس هم ارتاحيت شوي من شغل البيت وضلت لمياء تكرب ليل ونهار الى ان ضلت تخابر رجلها بدون محد يدري ورجعها يالله ارتاحينا
ورجعت نزلت والجهال همين تنفسوا ورجعت عمتي ام تحسين زينه وياي مثل الاول الحمدلله كبرنا وصاروا جهالي كولهم بالمدرسه جنه جانت الصغيره صارت صف ثالث ابتدائي وشاطرين واخلاقهم حلوه بصراحه تعبنا بتربيتهم اني وعمتي وتحسين بس تعبنا بنتيجه والحمدلله جنت يوميه اخبز واطبخ وانضف بدون ما اشكي عمتي كبرت وصارت ما بيها شده على شي ابويه توفى ونقهرنا وبجينا عليه واخواني كل واحد منهم عايش حياته وخلفوا وصار عدهم خير من الله فد يوم داغير ملابسي بغرفتي واشوف اكو فد شي طخ بأيدي لزمته لصدري واشوف بيه غده حجمها بگد العنبه تقريبا بس متوجعني ولا شي ما اهتميتلها گلت ما طول متوجعني اعوفها احسن شفتها فد شي طبيعي ومو مهم مرت على السالفه شهر واجتي جارتنا ام عماد بالشارع الورانا واسمعها تحجي ويه عمتي انو لگو بصدر بتها غده واخذوها للمستشفى وفحصوها وطلع بيها خبيث اني ضربت صدري يمه عزى العزاني بس لا اني نفس الشي لا ان شاء الله لا ممعقوله من اجه تحسين من الشغل