حب لايفهم من الكلام

البارت 1 ☝🏻حياة

في الصبح ناضت حياة خشت للحمام ( هشاكم 😂) جت وتت الفطور و نوضت البنات بيش يفطرو
حياة خشت لي دار نور&ملاك ولعت الضي ونوضت البنات
نور جت باست حياة : خيرك نشيطهة اليوم علي غير عادتك
حياة : خزي عليك توا صار هكي
نور : لالا بس قصدي غريبه
حياة : وين نندري اني اف وين ملوكه
ملاك من بعيد :انيي جيييت
البنات : هههههههه
حياة : تعالي كولي الكريب قريب يتم نور من امبدري وهي تااكل
ملاك : سم راجي
قعمزو فطرو و هدرزو و تمو الحوسه و بعدها كل و حده عدت
حياة : نور ياااااا نور (بصوت عالي)
نور جت : نعم
حياة : وين الاسبيدرو تاعي
نور : اف منك اتقول عندك واحد اين منهم
حياة : النايك الابيض الجديد
نور : عند ملاك
حياة : اف واو (عدت لي ملاك)
دق دق دق ( اتخبط علي الباب )
ملاك : خشي
حياة: وين اسبيدرو تاعي النايك الأبيض
ملاك : قاعد في دولابي تاع الاحذية
حياة : باه
ملاك : وين بتمشي
حياة : بالك نمشي أندور عمل
ملاك : اه انشاءالله تلقي خير ما اتسيبينا
حياة : انشاءالله وانتي مش ماشيه للمستشفى
ملاك : لالا ماعنديش اليوم وين نور
حياة : في الدار قتلك شن نلبس
ملاك : البسي الكت الأبيض و السروال الامريكي و السبيدرو النايك
حياة : تم ( مع غمزه )
حياه لبست بتطلع
نور تتفرج ع Tv : حيو
حياة تلبس في السبيدرو : عيونها
نور : نبي سيدروك الدمي
حياه وهي طالعه : خوديه هههههههه منين جنك الاخلاق هدوما ( مشت)
نور : ههههه كلا هدي مايمشيش معاها الكلام الكويس
ملاك طالعه من الدار : ههههه من هي
نور : هههه المهبوله حياة ومن غيرها
ملاك : ههههه باه اني ابنمشي للمستشفى وانتي امتى الموعد
نور : اني ماخاطريش لكن ضروري خير من يطردني المهبوول
ملاك : هههه باهي كان مزال امطوله ديريلنا كاب كيك
نور : وووه دكرتيني نسيت التشيز كيك امس قالوليي عليه
ملاك : وووه عليك امشي بسرعه ديريه
نور : تعرفي الطلبيه هدي ضروريه يبو50 بندير نصه هنا والباقي في المحل
ملاك: تمام اني ماشيه بنبدل
( مشت ملاك اتبدل دبشها ولبست سروال امريكي وبلوزه لونها بودي هافت و سبدرو اديداس لونه ابيض في البودري خفيف و شعرها ديل حصان )
عند نور >>
نور : ووه علياا وقت خلاص انكمل الباقي في المحل درت 25 ونكمل غااديي
( نور لبست ع السريع لبست سروال رمادي يميل للاسود و بلوزه زيتيه و اسبدرو بومه اخضر وشعرها مفتوح )
عند حياه >>
حياه في الطريق ادٓوِرْ في تاكسي : تااكسي بلييز
( وقف صاحب التاكسي وركبت حباة )
صاحب التاكسي : الى اين تريدي الذهاب ( طبعا بعد الترجمه)
حياة طبعا تدوي تركي بعد الترجمه : ممكن لشركة ديزاينر
السواق : تمام اتفضلي
حياه:.........
عند ملاك في المستشفى >>>>
( تتكلم مع صاحبتها )
بعد الترجمه ملاك : هلا
صاحبتها : اهلين خيرك طولتي
ملاك : محصلتش تاكسي
صاحبتها : الدكتور من امبدري يسأل عليك
ملاك : اف متقل دما ( ملاك متحبش الدكتور اتحس في دما تقيل و مغرور المهم الدكتور طرف من الاخير مع الباقي توا اتشوفو صورهم كلهم )
ملاك : هي تعالي ياحلا ( صاحبتها )
حلا : منيش عادي بسرعه توا يحمق الهم هدا
ملاك : وااو في اي غرفه قاعد
حلا : في المكتب قاعد
ملاك : تعالي معايا
حلا : لالا فكيني اصلا توا في مريضه موعد الابره امتعها باي لما تطلعي تعاليلي خبريني شن صار( مع غمزه )
ملاك : ننن ننن توا اتشوفي باي
حلا : ههههههه باي
( ملاك مشت )
دق دق ( ملاك اتخبط عليه )
الدكتور : اتفضل
ملاك ( فتحت الباب وخشت ) السلام عليكم
الدكتور: وعليكم. السلام وين التأخير يا انسه ( قالها باستفزاز )
ملاك : اسفه بس المواصلات زحمه
الدكتور : بس ااني شن ليا علاقه
ملاك : .........
الدكتور : اخر مره المره التانيه طرد تمام هكي
ملاك بصوت مش مسموعه : انشاءالله ايطاردك عفريت
الدكتور : قلتي حاجه
ملاك : لا شي غير قلت ان شاءالله
الدكتور: امم به هي انصرفي
ملاك : حاضر ( طلعت وهي حامقه و تدعي عليه )
........
عند نور >>>
( نور تجري في الطريق وشاده باكوو التشيز كيك )
نور وهي ماشيه تشوف في الساعه كم وبووووم خبطتها سياره : اااااه وووه شن هدااا انت ياغبي ووووه علياااا
الشاب نزل يجري ويشوف في سيارته : حييي شن صاارلك
نور وهي تمسح في شعرها : لالامااصرليي شي بس التشييز كييك ووه شن بندير
الشاب : تي باهي وانتي سكنتي تي ماندويلكش اني السياره شوفي شن درتيلها
نور امصبيه وتفنص ع الاخر : تواااا انت اللي خبطتني وبسببك توااا ابننفصل
الشاب : طيري شن دخلني فيك تي السياره اليوم واخدها
نور : يااربي شن بنديرر توااا وووه علياا
الشاب ركب في سيارته : انتيي ليبيه
نور نست انها تدوي باليبي والشاب يدوي ليبي : حييي قصدك ليبي
الشاب: ههههه لاسوداني
نور : اصلا لايق عليك
الشاب : باهي باهي هاك شدي ( مدلها فلوس )
نور ( شدت الفلوس ورمتهن علي وجهاا )
الشاب : هه انتي حره تشااو
نور : انشالله ادير حاادت انت وياهاا وتمووت
الشاب باستفزاز : باااي ( مشي)
نور : واااك تي شن ندييير توااا ابنمشي واللي يصير يصير
( نور مشت )
...................
عند حياه >>
( حياه وصلت ركبت للاسنسير )
حياه طلعت من الاسنسير : اممم وين بنعدي
شاب جاي وفي يديه اوراق خبط في حياة ( طبعا يدوي بالتركي )
حياه : اا اا اسفه ( وحتى حياه تدوي. تركي)
الشاب: ركزي المره التانيه غبيه
حياه : اف قلنالك اسفه
الشاب فتح باب المكتب : ناس بلا عقل
حياه خشت : شكرا
الشاب : وين تبي تمشي حضرتك
حياة : نبي المدير
الشاب : اها معاك المدير
حياة : ااه
المدير : ههه قعمزي
حياة : بلا جو الكدب انت عمال شكلك ههههههه اطلع اطلع توا حد ايجيك
المدير : ايه شن تبي تفضلي
حياة : نبي لحظه شن ليك علاقه اني نبي المدير مش الخدام
المدير : اني مش فاضي يا اما اتقولي انتي شن تبي يا اما برا
حياة نطت : قصدك انت المدير
المدير يشبح فيها وشاد ضحكته : ههه ايه
حياة : مشن منضرك من بدايتها شكلك هم علي غم اف ( هنا قعدت تدوي ليبي)
المدير يشبح فيها مستغرب
حياة انتبهت ان تدوي ليبي : اااه اني شفت الاعلان متع الشركه ولو ممكن حابه انقدم اوراقي
المدير : اه ايه ايه احني منزيلن اعلان بس لحظه انتي ليبيه
حياة : حييي انت تدوي نفسي
المدير : هههه ايه اني ليبي وعايشين هنا من زماان من لما احني اصغار و انولدا هنا اني و خويا لوي
حياة : هيييييي حتى اني
المدير : هههه تشرفنااا ( مد ايده بيسلم )
حياة مدت ايدها: بيك اكتر
حياة: اممم شن وضيفتي
المدير : طبعا هدي شركة لي تصميم الازياء وانتي ح تكوني السكرتيره امتاعي
حياة : اه ايه بس اني شن يكون شغلي
المدير: انتي تكوني مرتبة المواعيد امتاعي وتحضري معايا في اجتماعات وتساعديني في التصاميم
حياة : اها تمام
المدير : تفضلي عبي البيانات
حياة : تمام توا انعبيهم
المدير : غير تعالي انوريك مكتبك
حياة : ايه تمام هي ( خدت شنطتها ولحقت ع المدير )
( وصلوا للمكتب)
المدير : تفضلي هدا مكتبك يا
حياة : حياة
المدبر : يا حياة
حياة ابتسمت
المدير : عادي نقولك حياة ولا ماتبيش
حياة : لا عادي استاد
المدير: واني اسمي مراد
حياة : تمام يااستاد مراد ( ابتسمت )
مراد ( ابتسم )
................
عند ملاك >>>>>
(ملاك طلعت من المكتب و عدت لي حلا خبرتها شن صار وشويه و جتها حاله )
ملاك: اتفضلي شن الحاله ( طبعا هدا الكلام ب التركي )
المدام تبكي : حادت سير اغمى عليها
ملاك تمشي مع باقي الممرضين : اهدي اهدي ولا يهمك خير انشاءالله اتريحي علي الكرسي يا مدام
المدام : اها بس ارجوكي خبيرين شن صار
ملاك : حاضر
ملاك : عمار يا عمار
عمار: نعم ( ممرض صاحبها في الشغل)
ملاك : عادي نادي الدكتور جان ( الدكتور يلي عاركها امبدري )
عمار : تمام ياساتر بس
ملاك : بسرعه
عمار عدا وجي الدكتور جان
جان : بسرعه يا ملاك جيبي الدويه و الحوايج
ملاك : تمام
كرم : ملاك
ملاك : نعم اتفضل
كرم : قتلك
ملاك ( وهي اتحط في الادوات وتدوي) نعم خيرك
كرم : لالا خلاص خلاص ولا شي
ملاك : تمام باي يا حلو ( مع ابتيسامه)
كرم : سلام ( مع ابتيسامه )
( ملاك عدت تجري للدكتور وصلت للغرفه )
جان : ملاك وين هدا كله
ملاك : ااا اا اني كنت انجيب في الحوايج و جتني حلا قاا االتلي عندي حاله ضرب الابره و جيت وا اسه علي التاخير يا شرشبل ( قالتها باليبي كلمة يا شرشبيل )
جان : هي خلاص مديلي الاسيريوم ( ههههه منعرفش اسمى هداك السيروم ولا السيرون منعرفش انتم شوفو ههههههه )
ملاك حطت يدها علي الدواء و جان حط يدا علي الدواء . ملاك: اسفه و حولت يدها
جان : عادي ولا يهمك
ملاك : احم اححمم
( و هنا فات الوقت في المستفى و كان يوم متعب بالنسبه لي ملاك )
....................
عند نور>>>>
( خت للمحل و لاكن فصلوها و روحت للحوش وهي حامقه ضمت الحوش و قعمزت شوي علي الTv و ملت ف ناضت للمطبخ فكرة ادير غدي)
نور : امم شن اندير شن اندير اه جتني فكره ب اندير كنتاكي و رز و شربه و بطاطه تمام هكي ساد هي خليني انشوف شن ناقصني علي خاطر انجيبه ( كتبت في ورقه شن ناقصها و عدت للسوبير ماركة )
...........
اما عند حياة
حياة : شكرا استاد مراد من غدوه الدوام صح
مراد : ايه في مانع ( منغير نيه و بي غضه قالها )
حياة مع ابتيسامه صفره : لالا مافيش بس شكله بيقعد في بعد فتره
مراد : ههههههههه باااي ياريت للبيت هي تشاو وسكر الباب علي وجها
حياة : التافه هدا توا ايشوف ( ومشت وقفت تاكسي و عادت للسوبر ماركة لقت نور )
حياة : نور
نور : حياة
حياة : خيرك هنا مش في المحل ؟؟؟
نور : قصه طويله توا نحكيلك في الشقه
حياة: ع راحتك تمام هي خودي يلي تبيه
نور : تم
خدت نور كل شي تبيه و جت خلصت هي وحياة و هم طالعين بوووووووم 💥💥
نور : يا غب..............
شن رايكم في الروايه ياريت اتكون عجبتكم
ومن تتواقعو خبط في نور
مش منزله البارت التاني الي لو في حد دار لايك او علق
متبخلوش حتى واحد بس بليز😅😩
عندي روايه تانيه نكتب فيها يعني ممكن انطول في الكتيبه
تشاو

للكاتبه: Døjê💗💁🏻
اني بس اسمي دوجي يعني انحب الاسم هدا و في الوت باد تعرفو اسمي باااااااي👋🏻👍🏻