حب لايفهم من الكلام

البارت 3

هلا قررت ان مش كاتبه تركي

الضيف : واخيرا
حياة : كيف حالك خالتي فريال ( طبعا تدوي بالتركي)
فريال : تفضلي غداكم ( مدتلها طنجره )
حياة: شكرا ليش امتعبه روحك
فريال : تعبك راحه والله قلت نبعتلهم اكيد مش دايرين
حياة : لا والله نور دارت شربه ورز وكنتاكي
فريال : مشاءالله عليها
حياة : فالحه مش كيفي اني وملاك هههه
فريال : ههههه
حياة : حيي انسيت مدخلتكش ههههه تفضلي داخل
فريال : لا والله صحيتي غير مستعجلة
حياة : تمام مره تانيه
فريال : ان شاءالله
حياة: راجيني شويه خالتي ( حياه مشت حطت الطنجره وجابت لي خ فريال من غداهم)
نور وملاك طلعو من المطبخ : واحني نقولوو ليش الحوش منور
فريال : ههه منور بصحابه ( سلمو ع بعضهم)
حياة وهي طالعه: رااجي خالتي
فريال : تي غير هيا مانبي شي ابنمشي
حياة : لا خلاص جيت جيت ... تفضلي
فريال : ليش هي شكرا والله مافي داعي
نور : لا ياخالتي ضرووري تاكلي منّ عااد اني امدايراته ( مع غمزه)
فريال : هههه حاضر هي مع السلامه وتعالن انتن مش ديما اني نجي
ملاك : حااضر غير والله عارفه انتي شغل وحاله
فريال : ايه ربي يعاونكم هي مع السلامه
الثلاثه : سلااام
( تغدن وهدرزت كل وحده شن صار معاها في الشغل و ضمن المطبخ مع بعض وضحك وجو عاد تعرفو انتم 😉😂 وهم في الصاله )
حياة : اف واو
البنات : خيرك
حياة : مراد كلمني قالي اليوم لازم نمشي للشركه واتعاركت معاه وسكر علي
ملاك : نوضي بدلي وامشي عادي
نور : لالا ماتمشيش ره اجسن مكره فيه
ملاك : انتي يا شريره اسكتي
نور : نن ننن
حياة : شن نمشي ولا لا
ملاك : امشي
نور اتحرك في راسها بمعنى ماتمشيش ملاك خبطت نور علي راسها نو: اي ياحماره
حياة : باهي خلاص مزال ساعه ونص انوض انبدل براحتي باهي
نور : يا خايبه
ملاك : محلاك
حياة باستها من بعيد وخشت للدار حياة : شن نلبس شن نلبس عرفت سروال امريكي و بلوزه بودريه كمها طايح
حياة : لالا اعيه عليك غبيه كلا اني اليوم كلهم دبش حلو الا اني سروال يع 😬
طلعت الدولاب كله جت ملاك : انخش
حياة بملل : خشي
ملاك : هييييي هيييي شن هدا كله
حياة : دبشي كله مايناسبش الشركه
ملاك : معقوله باهي هدا كله
حياة : ايه
ملاك : تعالي معايا عندي دبش يناسب الشركه
حياة : بهو
ملاكً: مش بهو باهي يا كبيه ( بلعتي ره هي غبيه )
حياة مشت مع ملاك وفي دار نور وملاك
عند البنات في الدار->>>>>
نور حولت الورغان : خير الله هم اجلعه خير
حياةً: انكبي ( بمعني ارقدي بحمق مش معقوله ماتقولوش فيه )
نملاك : حياتي حياه
حياة : امممم
ملاك : شن رايك في هذي
( سروال واسع لونه اسود مع بلوزه قصيره مورده و فوقها جاكه كإنها رسميه بس حلوه من الاخير ) حياة : لالا بيهاش
نور : تفي عليك حلوه
حياة : انلا
ملاك : باهي هدي
( قونه قصيره بيضه ومرده و بلوزه لونها ابيض وفيها ورد الوان الوان وفوقها جاكه رسميه ورديه) حياة : واو مش حلوه بس هي بنلبسها وخلاص
نور ادير بي النقال : ترا انشوفها
حياة دستها : انلا
نور : مبردك واو
ملاك : هي هي برا
حياة : لحظه بس
ملاك ونور : نعم
حياة : اختارولي اين اسبيدر نلبس معاها
نور وملا برقو في بعض : هههههههه
حياة : خيرك ههههه شكلي قلت نكته صح اكيده
نور : معقوله يا ظالمه سبيدرو سبيدرو
ملاك : يا غبيه الناس تلبس كعب
حياة : كعب واني هههه لالا مستحيل اكيده اتبصري صح
نور : كعب خيره مش عاجبك مالا
حياة : بس اني مست......
قطعت عليها ملاك : لابس لابسات فاهمه
حياة : اوووف اوف
ملاك : تعالي اختاري
حياة : عليك هم من اول يوم البلي
ملاك : هدي حلوه صح ولا
( كعب عالي واجد من النوع المربع لونه بودري داااااكن نفس الورد البردري الداكن )
نور : واو الله محلاه وين كان هدا
ملاك : اليوم الصبح شريته والبسه جديده
حياة : يا ساتر كان ماانطيح به في الشركه
نور وملاك : هههههههه
نور : توا ادربك الانسه ( واشرت علي ملاك )
ملاك : تبعا تبعا ( هههههه علي اساس دلع )
حياة بدلت و حاسة علي روحها ومشت خدت تكسي وصلت للشركه كان حياة طالعه طرف )
اول ماخشت للشركه كانت فاضيه وهي تمشي عترت علي شوي ماطاحت بس في حد شدها من وراء ) حياة : اي
: انتبهي
حياة برمت القاته مراد حياة : اسفه
مراد : ههههه لو ماتعرفيش تمشي بالكعب عليش تلبسي فيه
حياة : خليك في روحك احسن صح
مراد : احم احممم : اتفضلي براه
حياة : اه ليش شن درت من غلط
مراد : عندنا عشي عمل
حياة : اه توا ناخد تكسي
مراد : اه شن قلتي
حياة : طرش انشاءالله قتلك مناخد تكسي
مراد افتح باب السياره وركب
قتح الروش ( الشباك. ) : اركبي
حياة : انلا وهزت كتوفها
مراد : هههههه انلا صار انلا قلتي هههه يا بيبي
حياة وجها احمر : قلت : لا اني
مراد : اركبي بسرعه وقت
حياة : واو قتلك انل. وحطت بدها علي فمها قصدي لااااا
ملاد :......
وصلو لي بار ( ديسكو ) زي المطعم
حياةً: هييييي هييييييي نهار اسود شن هدا
مراد : انزلي
حياةً: انلا انلا
مراد شاد ضحتا بسيف : تم وقت الضحك شن الكلام هدا
حياة : به ونزلت
مراد : شدي في يدي
حياةً: قليل الادب
مراد : هفتي روحك ( ههههه ممكن الكلمه جديده عليكم حتى اني ديما صاحبتي كبيدتي اتقول ليه معناها ركحي روحك )
حياة : انت كيف تتجرا واتقول هكي اه ... واحد داير روحه مدير شركه عكي كبرها وهو صايع مايع ضايع ...... ملح انت والعمل تاعك ميشرفنيش نخدم عند شخص زيك مش متربي انفو عليك برا يا عن شكلك مره وحده مستحيل نخدم .... عند صايع ضايع مايع نسونجي يا تافه يا عديم الشرف
( برقت قدامها مالقتش حد ) حياة : اه ه ه ه. ياربي صبرني علي مابلاني وخشت
حياة : برقت القت مراد اياشرلها
حياة : بصوت مش مسموع .. تافه
جت جياة بحداهم حياة : مدت يدها اهلا
الشاباب : اهلين
مراد باليبي : قعمزي يا هم
حياة عطاته نضره تخوف من الاخير قعمز وقعدو يتناقشو في الشغل مراد ناض
مراد : شوي بس معليش ( هدا كله طبعا بالتركي )
الشاب : خود راحتك عادي احني مستمتعين ( يتكلم وعيونه في حياة قريب ياكلها )
مراد برق في حياة نضرت تهديد علي خاطر في كانت اتبرق في الشاب

عند مراد طلع بره >>>>
مسك فونه وكلم شخص
....... : خير امك اني جاي
مراد : يا بيئه شن خير امك هادي هليك متربي شوي بس
........ : وصلت الزف ...
وسكر مراد خش داخل قعمز وقدو يشتغلو شوي وجي الشخص يلي ايكلم فيه مراد امبدري
الشاب : مرحب....
حياة علمات الاستغراب علي وجها : حييي هدا انت
الشاب : نهار اسود هدي انتي
الجماعه و مراد :.........
الشاب : ههه خيركم
مراد وهو حامق : اجلس في مكانك
الشاب : 😒 هاني قعمزت
( المهم بدو يهدرزو وتمو الشغل ودارو عقد مع الشركه وامورهم تمام وطبعا كلو وروحو قعدو مراد وحياة والشاب )
مراد : منين تعرفو بعضكم 😡
الشاب و حياة في نفس الوقت : مدخلكش 😏😬
مراد : لوئىىىىىىى اتكلم كويس
لوئ : اني كنت ماشي للشر-.............................وهدا يلي صار
مراد : تم هي انتي اركبي
حياة هزت كتوفها : انلا
مراد ولؤي : هههههه انلا صار
حياة وجها احمر ومشت وفاتتهم
لحقها مراد : اركبي تو انوصلك
حياةً: لالا شكرا معرمات التكاسي
مراد : اركبييييي قتلك والا( طبعا وهو حامق ميحبش حد ايعانده او ميسمعش كلمته من لما هما صغار ) ( صح لوئ قعد شويه وفات عنهم )
حياة : ممكن نفهم توا مش موعد الشركه يعني انت ( حطت صبعها علي اصدره يعني تهديد : مدخلكش بيا فاهم ولا
مراد : اركبي لل‎%‎#‎%‎~+|** احسن
حياة خافت قريب تبكي ومشت ركبت في السياره
مراد : ركب وطول الطريق ساكت وهي نفس الشئ وصلها مراد : تصبحي ع الخير
حياة وهي نازله : شكرا
مراد :........
حياة كرت الباب وخشت ومراد مشي
حياة : نونو كوكي نونوكوكي نور من الدور التاني :اركبي فوق
حياة : مشت تجري وصلت لدار نور : حي كان انقولك شن صار ومن القيت غادي
نور بلهفه : شن صار شن صار
حياة : القيت غادي القيت غادي
نور رومت عليها المخد : ادوي البلي من القيتي
حياة : الشاب يلي اتعاركتي معاه
نور : اين واحد اني كل يوم عركه
حياة : 😅 لوئ يلي اتلاقينا معاه في المحل
نور : حيييي ع الام البراده متقل دمه
حياة : بالعكس غادي كل شويه يعطينا كلمه نقعدو نضحكو
جت ملاك من هو
حياة : اححم احممم سر
ملاك : نونو علي من تتكلمو
نور : ماسكه الموبايل وفاتحه الفيس : واحد اسمه اسمه منعرفش
ملاك : كزي اليكم باهي همقت منك ني ( علي اساس بيبي
البنات : خهههههههه
عند مراد >>>>
وصل للحوش القي سيارة بوه وخوه لوئ درس وخش
بوه اوووه شن جوك
مراد : منور يا غالي وين لوئ
بوه : فوق وين يعني
مراد : خلاص ملا نركب وانجيك باهي يا باشا
بوه : تمام اني انراجي فيكم
مراد : تم بس قت ( قطع عليه رنت النقال متعه ) مراد : الو
: اهلين حبيبي
مراد : اهلين
: توحشتك فاضي اليوم
مراد : لالا يا عمري عندي اشغال
: باهي غدوه تو انجيك في الشركه ياحبي باهي
: تمام بااااي
: خليك عاد بتحرمني من شوفتك وحتى من صوتك هكي هلبا ره خليك يا حبي
مراد : ماهو مش فاضي يا قابي عرفتي كيف
: اووف انكلمك ف الليل باهي حياتي
مراد : حاضر ياعمري باي
: باااي
مراد طبعا كان ايكلم في خطيبة بس ميحبهاش ولا ايطيقها اصلا ركب فوق بدل و رقد علي السرير رن الفون تاعه رد
مراد : الو ... من معايا ...تي كيف صار .... باهي وين .. خلاص جاي جاي وسكر وطلع طول وصل
مراد: كيف صار بس
: والله شن بنقو

تم البارت يا رب ايكون عجبكم
اسفه علي التاخير بس والله ظروف 😅
المهم انشاءالله معاش انطول هكي 🙌🏻
منو يلي اتصل ب مراد ......
وليش مراد طلع مستعجل .......
وليش وليش وليش ........
هدا كله نعرفو البارت الجاي انشاء الله 👍🏻👋🏻
بااااااااااااااي 👋🏻👋🏻👋🏻💗💗💗❤️❤️🙈🙈🙈💗