Kuch yaadein dosto ke naam

Kaisi hai yeh dosti?

Laakh koshisho ke baad jo nahi milti,
Voh sachhi dosti hi kahan?
Bina bole, har baat samaj jaati hai yeh,
Na jaane kaisi hai yeh dosti??

Dost to milte hai ikktafak se,
Batakar milne mein maza hi kahan?
Achanak se milkar muskurati hai har baar yeh,
Na jaane kaisi hai yeh dosti??

Bina baat ke ho jaate hai naraz,
Naraz hue bina manane ki zarurat hi kahan?
Lekin manaane par har baar maan bhi jaati hai yeh,
Na jaane kaisi hai dosti??

Badmashiyaan kar ke gussa dilate hai ek dusre ko,
Bina gussa dilaye pareshaan karne mein maza hi kahan?
Pareshaan karke pyaar se tang karti hai yeh,
Na jaane kaisi hai yeh dosti??

Har gham mein saath dena aata hai isse,
Har pal kehti hai, dosti mein gham hi hai kahan?
Gham ko bhulakar, baat baat par bewajah hasna sikhati hai yeh,
Na jaane kaisi hai yeh dosti??

Muskilo ka samna saath karte hai,
Muskilo ke bina manzil pane mein maza hi kahan?
Dhundhle raasto par bhi haath thamkar hume apni manzil tak pohchati hai yeh,
Na jaane kaisi hai yeh dosti??

Raat- raat bhar, baatein karti rehti hai,
Dosti mein to baato ki kami hi hai kahan?
Haazar baar ek hi baat vaapas bata bata kar bhi nhi thakti hai yeh,
Na jaane kaisi hai yeh dosti??

Usse baat karke dil ke dard kam ho jaate hai,
Dil ke iss dard ko thik karne keliye isse achhi aur koi dawai hi hai kahan?
Maayus se iss rote hue chehre par, khil khilati ek muskaan de jaati hai har baar yeh,
Na jaane kaisi hai yeh dosti??

Muskurana sikhati hai yeh,
Ladna sikhati hai yeh,
Khud ko dhundkar, khud ko pehchanna sikhati hai yeh,
Na jaane kaisi hai yeh dosti??

Beeti yaadon ko sawarkar,
Khwaab bhi to sawarti hai yeh,
Har baat mein zinda hone ka ehsas dilakar hume jeena sikhate hue,
Hamari Zindagi bhi sawar deti hai yeh,
Na jaane kaisi hai yeh dosti???

•••••••••••••••••••••••••••••••••••••••••

Thank you💗

Dedicated to two of my
best friends

#Surbhi
And
#Bhavya

Thanks for bearing me and my silly behaviour for these many years.

Hope to See you soon ....🙂