زواج عرفي

١٩

ﺣﻴﻦ ﻳﻘﺘﻠﻨﻲ ﺍﻻﺷﺘﻴﺎﻕ اليك
وأﻓﺸﻞ ﻓﻲ ﺍﻟﻮﺻﻮﻝ
ﻟﺼﻮﺕ ﺍﻧﻔﺎﺳﻚ ﺍﻟﺠﺄ ﺍﻟﻰ ﺍﻟﻮﺣﺪﻩ
ﻣﻊ ﻧﺒﻀﺎﺕ ﻗﻠﺒﻲ ﻓﻬﻲ ﺗﺤﻤﻞ ﺭﻭﺣﻚ أنت ﻭﻟﻴﺲ ﺭﻭﺣﻲ..
.
.
.
عرفته يادوب سبب قلبة غسان علي ولما قال لي مستحيل انا اكون حامل منو وامشي اشوف حملت من منو 😢 هنا وقعت لي كل كلمة قالا .. معناها فعلا شك فيني وصدق كل حاجة اتقالت عني ..
يا خسارة يا غسان انت اكتر واحد وجعتني وخنتني .. بعد الحب دا كلو ما حاولت تجي تواجهني بي الحقيقة.. كل شي كان من وراي حتي كلامك كنت مستغربة فيه بس ولا لحظة شكيت انك قاصدو .. قايلاها لحظة غضب وقتية زي ما كلنا بننفعل وبنطلع كلام وقت نزعل .. بس انت كنت تقصد كل كلمة 😢..
عادل جاب لي موية مداها لي .. شلتها ويدي بترجف كانت غلبني اوصلها واشرب .. مسك يدي وجا يسند لي الكباية يشربني .. بعدته يدو بقوة وضربته الكباية ما عايزاه يقرب مني بقيت ما طايقاه الساعة ديك .. الكباية وقعت كش اتكسرت وانا بدون انتبه عايزة احرك رجلي ما سمعت الا ااااه واشوف الدم تحت رجلي .. عادل خته يدو تحت رجلي قبل اتجرح ..
اتخلعته شديد ومنظر الدم في يدو..
بالهجمة صرخته عادل ..
عايزة اقوم كورك فيني خليك في مكانك انتي حفيانة بتتجرحي ..
طلعته في الكنبة ونزلته بالجهة التانية لبسته الشبشب وجري دخلته الغرفة جبته علبة الاسعافات ..
بقيت متوترة خلاص مع كل مسحة واهة منو بحس بي قلبي عايز يطلع بره .. الجرح كان كبير لاني عفصتو والقزازة دخلت في اللحم .. اصريت نمشي المستشفي .. بس هو رفض ..
لما حضنتو علي وبقيت ببكي .. عادل ما تقلقني عليك ممكن يعمل ليك حاجة تسمم ولا شي دا محتاج خياطة ..
قال لي خايفة علي يا شادن ..
ما وقتو خلينا نمشي المستشفي انا بسوق ..
شنو وانتي بتعرفي تسوقي من وين؟
اتعلمتها في مصر حصرا علي الرجال يعني ..
جينا المستشفي وخيطو ليه الجرح ورجعنا البيت ..
كنت عايزة اعرف باقي الحصل شنو بس عادل نام وما قدرت اصحيه ..
قلت انتظرو لما يصحي ونمته زاتي في الكنبة ما صحيت الا بي صوتو وهو بتأوه وشكلو بهلوس كان ..
جيت جارية عليه كان عرقان وما واعي .. عادل عادل لما لمستو لقيت عندو حمي شديدة 😢 خفته عليه شديد وبقيت بصحي فيه..
شادن ما تسيبيني انا والله ما معاهم ..
انا بحبك بحبك .. كنت عايز احميك منهم صدقيني ..
عادل اصحي انت بتقول في شنو
فتح عيونو وكانو تعبانات غلبو يقوم من السرير ..
عادل انت كويس كنت بتهلوس بي كلام ..
شربتو موية وعملت ليه مكمدات وطلعت ليه القميص ..
شادن عايز انوم في حضنك ما تبعدي عني ..
ما حبيت القالو نهائي بس لما بقي يكرر كلمة عايز حضنك ما قدرته استحمل .. رقدته ونام في حضني للصباح ..
صحيت قمته من جمبو وعايزة اطلع تلفونو ضرب .. لقيتا داليا ..
انا كيف المرة الفاتت لا انتبهته للاسم ولا لي الصوت ..
عايزة تتمي حقدك برضو وتدمري حياتي .. بعد قنعتي من غسان عايزة عادل برضو .. لا يا داليا المرة دي انا الما حا اخلي حقي ليك .. مش انتي البديتي ابقي استحملي والله ابكيك دم ..
بعد صحي جا لقاني قاعدة في التلفزيون ..
قلت ليه بقيت كيف امس جاتك حمي ..
كويس الحمدلله
ختيت ليه اكل واديتو العصير ..
عاينت ليه ..
عايزة اعرف الحصل تاني شنو ..
جا قعد وقال لي ..
بعد انتي مشيتي لي غسان وحضرتو عقدو ..
اقيف اقيف الحكي ليك دا منو ؟
حكتو لي داليا .. قلت ليك داليا وغسان ما بتفارقو وهي السبب الخربت بيه بيت غسان بعد عرس بجيك في الكلام استني ..
اها واصل
معقول انتي ما عرفتي داليا؟
عرفتها وين؟
هي حضرت عقدو كانت قاعدة ..
لالا مستحيل كنت عرفتها ما حضرتو..
قلت ليك ما تغالطيني هي سافرت مصر وقابلت غسان وحضرت عقدو وجات راجعة ومنها قالت لي انها خلاص بطلت تحب غسان وعايزة تفتح صفحة جديدة معاي..
شنو؟؟ بس انا ما شفتها .. ما ممكن اشوفها وما اتعرف عليها ؟؟
فجأة عادل خته يديه علي راسو وضغط عليه شديد ..
عادل انت مصدع انت كويس ولا مالك ؟
طيب غسان عرف انك حامل من وين قبل تكلميه ؟
شنو ؟ لالا ما كان عارف لما رجع من شهر العسل ناديناه في الشقة ووريتو ..
قلت ليك ما تغالطيني داليا دي ورتني تاني يوم من العقد بإنك حامل ولازم نتصرف قبل يعرف غسان ويصدق كلامك ..
😮😮😮 اتخلعته من كلامو ..
شادن اتزكري الحصل بالضبط شنو اتزكري اللاقوك كويس وكان في منو او شي مريب ما انتبهتي ليه كويس ..
ما متزكرة ما متزكرة شي يا عادل انا داليا دي اخر مرة لاقيتها من سنين ..
كان وريتك شكلها هسي امكن تتزكريها .. طلع تلفونو ووراني صورة ..
داليا 😮😮😮😮 مستحيييل دي هي تكون ..
شكلها اتغير مش .. عملت تجميل لي انفها وعملت غمازات وغيرت طريقة استايلها خالص دا كلو عشان غسان ..
بس برضو ما اختلفت كتير ..
دقيقة هي داليا بتعرف حد من اصحاب غسان؟
امممم تقريبا بتعرف اشرف وتوحة
احتمال عرفت من واحد فيهم ..
يابنت الايه ي داليا دي انتي كنتي متابعة حياتي بالتفصيل ..
قلت ليه ممكن تواصل ..
قال لي جات محبطة للاخر بي صدمتين صدمة انو غسان برضو ما اشتغل بيها و عرس بت خالتو ..
عادل استني ممكن  اعرف غسان عرس بت خالتو الدبة دي عشان شنو وهو اصلا ما طايقها كان؟؟
غسان لما عرف بي انو والدها جاه ورث مليارات طمع فيها وهو كان عايز يفتح ليه مكتب ديكور وتصميم لوحدو بدل البهدلة الكان فيها دي .. لقي بت خالتو الهبلة دي قدامو فقال يستغلها وياخد الدايرو منها ويطلقها .. دا كل الحكاه لي تاني ..
سبب الاحباط التاني لما داليا عرفت انك حامل من غسان خافت انو يصدقك ويرجع ليك تاني ودي الحاجة الوحيدة الما ممكن تستحملا هي .. فمشت عملت فبركة تاني لي صوتك بعد قالت لي اشرف وتوحة انو هي مشتاقة تتعرف علي باقي اصحابهم ياريت يرسلو ليها تعارف بي اصواتكم ..
هنا كأنو الشريط اتجرا قدامي زنننن عمل كدا ..
لما اتزكرته اللعبة العبناها ديك واشرف كان بصور فينا .. لما لفينا القزازة ووقعت لي ..توحة طلبت مني تعريف بي نفسي ..
طاااخ ضربته جبهتي بي يدي .. يا ملعونه ..
قال لي شالت الفيديو ومشت لي نفس الزول فبركو ليها كأنك بقيتي في بيت دعارة ..
😢😢😢 شنو مستحيل يصل بيها الحقد علي تعمل كدا ..
اسمعيني للنهاية .. جابت لي الفيديو وقالت لي لازم اديه لي غسان قبل يلاقيك وفعلا لما جا طوالي رسلتو ليه ودي كانت نهايتك فعلا بالنسبة ليه ..
يعني غسان كان عارف وعمل روحو رايح..
ايوااا عارف كل شي
طيب لي لي عامل روحو انو ندمان وعايز يرجع لي تاني ..
ما كان عايز يرجع ليك ولا حاجة كان عايز يقضي بيك بقيت وقتو وخلاص يجيك وقت يحتاجك ويمشي زي عشيقة يعني ..
عشيقة😢😢
غصبا عني دموعي تاني نزلو بعد كنت متماسكة ..
انا بعد عرفته انك حامل بالجد من غسان بقيت كل ما انوم صورتك بتجيني قدامي بقي ضميري واجعني شديد .. صدقيني يا شادن انا ندمته وندمان لحدي اللان في العملتو فيك بسبب داليا .. حبي الاعمي ليها خلاني اشترك في تدميرك .. انا من شفتك في الصورة اديتيني احساس جديد .. في حاجة كانت بتشدني ليك ما عرفته هي شنو .. بس كنت مجبور اعمل كدا عشان داليا ما تزعل ..
ياخ حرام عليك انت شنو انت مافيك زرة قلب .. ما فيك زرة ضمير .. عايز تبرر لي شنو ؟ انك برئ .. بعد شنو ؟ بعد ما انتهيتو مني .. انتو عارفين عملتو فيني شنو؟ دمرتو كل حياتي كل حياتي وجاي بالبساطة دي تقول لي اديتيني احساس جديد ..
هههههها .. عشان كدا جيت تصلح غلطك من تاني لما ضميرك صحي .. ولا لما حبيبة القلب لقيتها خانتك تاني ورجعت لي غسان بعد طلق ..
شادن رفع صوتو علي لما خفته منو ..
ولا كلمة من القلتيها صاح .. كل شي جا صدفة القدر هو الجابك في طريقي .. لا كنت عارفك تاني ولا غيرو الا لما امي اقترحت علي اسمك ولقيتك بتبقي لينا يعني اهلنا من دمي ولحمي .. انتي ما عارفة انا الحصل لي شنو وقتها لاني ازيتك وانتي مني طلعتي ..
انت كذاب واحد كذاب وقت عارف دا كلو ليي ليي عملت نفسك ما عارف شي ؟ لشنو عملت نفسك اول مرة تشوفني ولا كأنو حاصل حاجة ؟
شادن اسمعيني خليني اكمل كلامي..
ختيت يدي علي اضاني حرام عليك ما عايزة اسمع شي منك ما عايزة اسمع شي 😢😢😢 انت ما بتفرق عنهم حاجة وبقيت بضرب فيه وهو مسك يدي وجراني عليه في حضنو ...

يتبع