المنتقبة الحسناء

الفصل الخامس

اولا انا اسفة على التأخير بس و الله مش أصدى
ثانية ينفع تدعوا لصديقتى ان أهلها يوفقوا انها تلبس النقاب

المنتقبة الحسناء
الفصل الخامس :

" التفت على وزياد ورائهم ليروا شاب ذات وجه مبتسم بشوش له عينان عسليتان , تزين وجهة لحية
صغيرة , شعرة الأسود الناعم يعطى رونق خاص له ، ملامحه لاتنسى بالنسبة لـ على وزياد . !! "

أخذ على برهه من الوقت وقال:
- أسعد !! يخرب عقلك مش مصدق نفسى واالله وحشتنى أوى
أسعد يمد يده ويسلم ويتعانق هو وعلى ثم يقول مبتسما:
- على حبيبى أنت كمان وحشتنى أوى
زياد يعانق أسعد ويبتسم قائلاً:
- واحشنى جداً واالله يااااا بقالنا كتير ماشوفناش بعض
أسعد:
- القلوب عند بعضها يازيزو ؛ ودايما على بالى وبدعيلكم على طول
زياد بعتاب:
- بس أيه الغيبة الطويلة دة ياعم ؟!!
أسعد:
- انا كنت فى السعوديه ماانتم عارفين ويادوبك لسه نازل الاسبوع اللى فات
على:
-الحمد الله على سلامتك ؛ بس برضو كنت أسأل على ولاد عمك حتى ولو بالتليفون
أسعد:
- حقك علية فى دى عندك حق
على يبتسم:
خلاص سماح المرة دى
زياد:
- يلا تعالى معانا على البيت دى أمى هتفرح أوى لما تشوفك أنت عارف هى بتحبك أد أيه ؟!
أسعد:
- طنط زينب وحشانى جداً ؛ هى عاملة أيه وحسناء يارب يكونوا بخير..
على:
- الحمد االله بخيروفى نعمة من االله ..
زياد:
- عامل أيه فى الحسابات وشغل المحاسبه المتعب دا ؟!
أسعد:
-الحمد االله كله تمام , دا مفيش أسهل من المحاسبة يابنى مش أحسن من الهندسة وتعب القلب
زياد يبتسم:
- فى دى عندك حق هى تعب قلب بس

أسعد:
-أيام زمان وحشتنى أوى ياعليوه ..
على:
- ياااا فكرتنى باأيام جميله أوى ؛ فاكر وأحنا صغيرين كنت أنا وأنت نلعب كوره مكناش بنبطل لعب ,
بس أنا اللى كنت بكسب ولا نسيت ؟!
أسعد يضحك:
- آآه نسيت دى ؛بس مانستش أبدا لما كسرنا أزاز جارنا عم جمال وطلعنا نجرى خايفين وأستخبينا عند
طنط زينب !
على يربت على كتف أسعد:
- بس خدنا حتة علقه ساعتها تمام !!!

'' أسعد وعلى وزياد يضحكون وظلوا يتذكرون أيام طفولتهم ،،

وعندما وصلوا ؛ طرق على الباب
زينب:
- مين على الباب
على:
أفتحى ياأمى
زينب تفتح وتقول:
- أنتم نسيتوا المفتاح ولا أيه؟!
على:
لا ياأمى بس معانا ضيوف
يظهر أسعد ويخبط رأس على ويقول:
- ضيوف أيه دا أنت اللى ضيف
زينب تتأمل قليلا:
- ياااااه أسعد , بسم االله ما شاء االله أيه الحلاوه دى وحشتنا واالله يا أسعد بقا كده طول المده دى
متسألش علينا ؟!!
أسعد:
- ربنا يخليكى ياطنط
زينب:
- مامتك عاملة أيه ؟ ووالداك وأختك ندا يارب يكونوا بخير..
أسعد:
- الحمد االله كلهم بخير , ندا سافرت لـ زوجها فى الامارات بقالها كام شهر
المنتقبة الحسن
زينب:
- يستاهل الحمد يابنى ؛ وربنا يسعد ندا وترجع هى وزوجها بالسلامه
أسعد:
- أمين يارب , هى فين حسناء أسلم عليها ؟!
زينب:
- فى أوضتها بتذاكر ؛ هدخل أناديلها تيجى تسلم عليك