متمردة عشقت مجنونا

البارت14

هواي تغيرت تصرفات امير بالفترة الاخيرة..
صار يصفن هواي..
ميحب يبقى بالبيت..
كلت يمكن..لان صار هواي مطالع..
وديعوض..
ومن يجي..يكولي ..مااحب اضوجج..اخليج عمود ترتاحين..
ملتهي ويا الولد..
الشي الي مااعرف ليش بية.. مو حاسة احساس غيرة.. مضايقة يمكن..
بس الي زاعجني.. انو امير كام يضم علية..
صار شهر تقريبا فتت ب٨..
وكلش نفسيتي تعبت..
كلت بعد مابيهة مجال..لازم..اصارح امير..واعرف ماية شنو..وهو ديغلط لان رشا متزوجة وعدهة ولد..
يعني شنو معناتها..
رجع..من الشغل ..فات سبح بوسني..
وطلع..
امير: هاا حبيبتي..
شونج..
هالي: الحمدلله..
امير: يلة ..تصبحين على خير..
تعبان..حيل..
هالي: من شوكت رشا دزلك رسايل..
انصدم اول محجيت ويا..وكام على حيلة..وجاوبني.. بتردد..

هاااالي...
هالي: شوكت ..جنت ناوي تكلي..
لو ع بالك غبية ونايمة ع اذني..
امير:هالي.. بس اسمعي مني..
هالي: هو ..دااسمع منك..
شهر ساكتة ..واكول يمكن هي..
لازكة ..تتحرش بي امير ..مو مال هالسوالف..
نساااها..
اختنكت....
جاا..يحضني..دفعت ايدة..
انت شون ..ترتبط بيهة كلي..
مكلت..عمو حيدر اذا سمع شيصير بي..
حجي اكرم وسمعتة..مفكرت بروحك بية.. اي احد..موكف بعينك...
امير:هالي..والله مثل مكلتي اني ماارد عليهة..والله..والله..
كل شوي يريد يحضني ..ويحجي..وما اخلي..
وهو يتوسل بية..
واني اكلة شهر ..شهر ..حتة مكلتلي..
امير: خفت عليج تزعلين..والله..
لهذا مكلتلج..
هالي: زعلي ..احجي وابجي..
وهو ..يكلي والله وروح امي ماعندي شي وياها..
من يوم دخلتي بحياتي ..والله مامرت ع بالي..
هالي: اكو شي داخلي..مصدك امير..
امير..صار مو زوجي..صار قطعة.. مني..كل شي يخصة اني اعرفة..
المقهورة علي ..اني تعبانة..تعبانة ..لما وصلتة هالمرحلة ..بنفس الوقت.. اكول ..هو يحبني..ويتمنالي الرضا ..يرضى..
بس ..ليش ..يضم علية..
ليش..يخليني..بهالموقف.. حارث ..مجرد كلمة خطيبي ..حتة اهلي مااوصلهم..
تعبت ..كافي..
كمت غسلت ..وجهي..رجعت.. حطيت راسي ..عالمخدة ...سويت نفسي نايمة..
وهو ..كلش ضاج..طلع من الغرفة ورجع..
هالي..هالي..
اعرف ..منايمة..هسة خابرتها..وكتلها بعد لادكين..
والله تكول بس سوال اريد اسال عليك..
بعد مدك ..علية..
هالي..هالي..
بس كووومي..وبردي كلبي ..كولي رضيتي..
كولي صدكتيني..
ظل ..يهز جتفي..
ويحجي..
صدك ..صدكتة.. بس كلت ..ماامشيهة بسهولة عمود لايكررهة..
كعدت ثاني يوم متاخرة ..
شفت..موبايل امير ناسي مماخذة..
سالت فاطمة اخذ دوا لو لا..
الحجية فاطمة:اي ..يمة ..اخذة..
شو ..وجهج. ..اصفر..يمة..
من هاي كال امير خلوها نايمة..
هالي: خالة ..فاطمة .. لعبانة نفسي ..وراسي يوجعني..
رح اغسل.. وانام..
فاطمة : اكليلج ..لكمة..
هالي: لا ..يمة..مااريد..كتلج لعبانة نفسي..
رجعت ..لغرفتي..شفت موبايل امير ..يدك..
مخزون..حرف ..ر..
باوعت علي...ارد ..لو ..ماارد..
رديت..
راسا سمعت ..صوتها..ليش ..مترد..امير..امير..
هالي:امير اطاني موبايلة..
عمود لايرد عالارقام المزعجة..
رشا: منو ..انتي..
هالي: تعرفين ..منو ..اني..
رح ..اكلج شغلة..
امير..ردج..
وماتعضتي..
بس اني مو ..
امير..سالي اختج ..شنو ..اني..
اطلعج بفضيحة ..ابنج تحلمين ..
شوفينة..
ولا عبالج اني مثل باقي النسوان الي تعوف زوجهة.. كرامة ماكرامة..
رشا...اكلج...
لاتكوليلي.. اني ربيتة ربة على ايدي.. فاهمة..
واني حذرتج..
اذا شفت حرف من اسمج بموبايل زوجي.. ادزة زوجج..
سمعت ..واحد.. تعبان ..ويدور مشاكل..
خافي ع امج وابوج وخواتج..
سديت التلفون ..حتة مااطيته مجال..تردلي..
حسيت روحي نار صرت..
كوة اتنفس..
احس ..وجع وتقلصات خفيفة ..مستحيل ..اني ب٨..
اكيد مو ولادة..
صحت ع حجية فاطمة....
حجية.. فاااااطمة..
فااااطمة..
بعد وجع مااتحمل..
خطية ظلت هي هم حايرة. ..
المن تخابر.. امير تلفونة بالبيت..
حجي اكرم بالشمال..
وعمي مسافر...
جواد..هم مغلق..
ماعدهم..علاقة بااحد..
عفية ..خابري ..ع اخوية..
علي..يمة اختك متخربطة.
علي..كاللهة ربع ساعة..يمكم خ تحضر روحهة..
فتت غسلت.. ولبست ملابس..
اول مرة احس روحي يتيمة امي مو ويايا..
زوجي ماكو..
دموعي بس تنزل..
شوي ..اجة علي اخوية..ويا حارث ابن خالي وعمتي وعلي..واابوية..اخوية علي شالني.. لان مكدرت حتة امشي من الالم..
الحمدلله ..اتصالحت ويا اهلي..
وعندي سند..اخوية..علاوي..
حسيت بقيمتة بذيج الساعة ..وشفتة صياحة وعياطة عالممرضات..
جيبو عربانة..بسرعة..
للطواري..صار عندي نزف ..اخذت سونار الحبل السري ملفوف عالجنين..
يمكن ..هاي ذنوبي ..دتصفى.. متت.. لما قررت الطبيبة لازم عملية لان خطورة علية..وعلى الجنين..
كالت الممرضة: لازم زوجها ..يوقع..
عالعملية..
وينة زوجي ماكو..علي كلللهم اني اخوهة ..اني اوقعلكم..
ع مسووليتي بس فوتوهة..
ورا ..فترة نقاش ولازم ..بس وافقو فتت..للصالة ..بوست ابوية ..وكتلة سامحني بابا تعبتك..
علاوي ..تسلملي ..حبيبي..
علي: ولج كافي..يلة فوتي...
مسحت دموعي..
وفتت..دعيت بسري يارب ..لو تنجينا سوا لو تموتنا.. سوا..
يارب..لاتخلي ..بنتي وحيدة ..ولاتعيشني.. واني..مقهورة
ع بنتي..
كعدت...لكيت عمتي سعاد فوك راسي..
سالتها ..ع بنتي..
عمة ..يووم.. بنتي ..وينها..
لاتخافين..يووم اخوج اخذهة عمود يلقحوهة..
تخبل.. حبيبتي..تشبهج..
و..ااامير..
مااجة..
سعاد..
انخبصنا بيج..
حارث بصفحة ..واخوج..بصفحة..
رجلج..وينة..
معقولة..ماموجود..مرتة بالعمليات..
مخبرووو..
يلة يووم لاتنقهرين الغايب عذرة ويا..
دخلو ابوية ..وعلي.. وحارث..
علي ..اطاني بنتي..ولج هاي جكد حلوة..
اهم شي متطلع مخبلة ع امهة..
حبست دموعي ..بعيني..
وحاسة بقهر مو طبيعي
صار العصر..
معقولة ..معرف امير..
باوعت حارث..هذا ..شجابة..
شالهة حارث.. تعاي خالو.. تعاي..
حمدالله ع سلامتج ..زنوبة..
تعاي ..خل اكبر بااذنج...كعدو يتشاقون..علي ..وحارث..
عيني حارث..عوفها ..هاي امهة وابوهة شيعة حتى النخاع..
جيبهة اني اذنلهة..
هالي:هههه..شوالفرق..ولك علي..
علي: لايابة ..ابوهة سيد ..وامهة علوية..
جيبهة ..جيبهة..
عمتي..سعاد..لازم عيني ابوهة يااذن بااذنهة..
اختنكت بعد مابيهة مجال..
وعلي ..وحارث..سكتو..عرفو بقهرتي..
انفتحت الباب..فات امير..
وبنتي ..بعدهة بحضن حارث..
امير:السلام..عليكم..
علي: وينك يالنسيب...
ندك عليك وماكو..
مرتك جابت وتهذري بااسمك..
وضيعت تعبنا كلة..
وامير ..عيونة بكصتة ..ويباوع ..علية وعلى حارث..
حارث حس بالموضوع..
شال..ريم..وانطا لاامير..
بالخير عليك امير تتربى بعزكم..
يلة ..اترخص..
حمدالله ع سلامتج..زينب..
هالي:تسلملي حارث.. اوكفلك يوم عرسك ان شاء الله..
اشرلي ممنون باايدة ع صدرة وطلع..
امير..انطة بنتي..لعمتي . سعاد..
مااعرف اشيل هيج عمر..
اجة باسني من كصتي..تحمدلي بالسلامة..
وسالني حارث هذا شجابة همس..
ابوية وعمتي طلعو بقة علي ..عرف.
باامير..
خلف الله ع حارث خابرتة ومقصر عاف دوامة وجابنة بسيارتة ..مرة ثانية خليلهم رقم شغلك او طوارئ..
اذا صار شي..
امير: ان شاء الله..
علي: رح اطلع ..ادخن.. والله رجفتينا عليج..
جبت بمستشفى الهلال..
اقرب شي علية...
منو دفع فلوس العملية..
هالي: ابوية ..يمكن..دفعهم..
هسة ارجعة الة هاي بنتي..
هالي: امير..وهاي حفيدتة.. وينك انت من الصبح..لو ميتة اني.. شوكت تجي..
امير: لاصيحين..هالي..
توج..مسوية عملية..
هالي: ليش ..انت هامك عمليتي..
جان جيت..او رفعت تلفون تطمن عليه..
الممرضة كالت..تكدر تطلع بعد متخلص ادويتة..
ع مسوليتكم طلعوهة..
امير: حاضر جاي...
ترجعين للبيت..
عمتي سعاد: يابيت عيني.. لاتموت بتي..
فاطمة هاي شمفهمة.. ناخذهة للبيت ..يحتاجلهة مدارا..
امير: لا ارجعها للبيت احسن..اجيب احد يعتني بيهة..يعني مو هو..
هالي: اني ..رح اروح بيت ابوية..
امير: هااالي..
هالي: اني هناك ارتاح..
عمتي سعاد..يمة علي.. الحك ع حارث..قبل لايطلع ..هو يرجعنا بس تخلص اختك.. المغذي..
امير: لا حجية احنا نوصلكم شنو..
هالي: لاتعب روحك.. اكو من يقوم بواجبك..
ظل يباوع علية وزعلان ..رح اكمل ..اجراات الخرووج..
وانتي اذا تحتاجين شي ..
خابريني..
وادز احد يسوي..البيان باجر..
صدمني صدمة عمري ..ببرودة..
بس فرحت هواي اهلي جبرو خاطري...واني جنت مستقلة بيهم..
يارب الحياة دروس..
شرح اخذ منها وهي كلة سلف ودين ومرجوع علينة..
رحت بيت اهلي ..امير مرفع سماعة التلفون..سال..بس حجي اكرم ونغم جووي باركولي.. وكالي امير ..مستحي منج ومن اهلج..
تعاي ويانا...
رجعت للبيت صارت عندي كاابة مابعد الحمل تصالحنا اني وامير بس ظل اكو شي ..مكسور بينة..مرت خمس سنوات..وفتنا ب٦..وبدت معاناتي ويا بنتي الي هي نسخة مني من جنت بعمرها..وابوها مطيها عين.كلش..
للقصة بقية..
🏵🏵🏵🏵
لاتنسون تعلقون وتصوتون عالبارت فضلا وليس امرا