معظمنا بيجي عليه وقت بيحس بفتور في العبادة 😥
ماكنتش بفرط في الصلوات ودلوقتي بصلي بالعافية وكتير جدا بدون خشوع 😔
كان عندي ورد يومي للقرآن ولو صفحة واحدة ولكن دلوقتي يعدي يوم واثنين والمصحف مافتحتوش 😞
حتى أذكار الصباح والمساء مابقتش أقولها ولساني مش بيذكر ربنا أصلا 😥😥
ودايما مخنوق ومهموم ومش طايق كلمة من حد 😠
نقطة ومن أول السطر... ☺
كل اللي بتتكلم عليه ده وارد وبيحصل مع كل الناس لإن الإيمان بيزيد وينقص👌🏼
أحيانا تحس نفسك ماشاء الله عليك في العبادات والطاعات وأوقات تبعد أوي ويادوب بتصلي بالعافية وأحيانا تسلم نفسك للشيطان وتبطل حتى الفرض اللي ربنا أمرك به 😏
وبعدين إيييييه الحل؟؟
الحل في إنك لازم تلين قلبك اللي قاسي أوي ده وانتكس 🖤
وأكثر حاجة بتلين القلب تذكر #هادم_اللذات "الموت "😢
لازم تقف مع نفسك وقفة وتقعد تفكر في اللحظة اللي روحك هتقبض فيها وسكرات الموت والكام متر قماش اللي هتكفن فيهم 😥
لازم تفكر في القبر اللي هتعيش فيه أكتر من اللي عشته في الدينا
وسؤال الملكين وإجابتك عليهم هتكون إييييه ياتري؟؟ 😒😒
لازم تقول لنفسك لأ مش هستسلم لشيطاني ونفسي اللي بعدتني عن ربنا وخلتني أغضب ربنا مني 😥
لازم تفوق وتتوب وتستغفر وتتذلل لربنا يصلحك قلبك وتجتهد في الطاعات رغمًا عن نفسك الأمارة بالسوء 😒
قم اتوضى واقفل عليك باب أوضتك واقعد مع نفسك وحاسبها على كل ذنب عملتة ومشيت وراء شهواتك وربنا كان شايفك واستمريت بردو في المعصية 🙁
تذكرت كل حاجة وحسيت إنك ندمان؟
استغفر بقي كتير واتذلل لربنا واتكلم معاه واطلب منه يسامحك ويغفرلك 😔
اسجد المرة دي وانت بتستغيث به يصلحك قلبك ويهديك ويردك له لإنك ضايع وأنت بعيد عنه
خلص صلاتك وافتح مصحفك واقرأ كلام ربنا هينزل بردًا وسلامًا على قلبك 💚
وما تنمش أبدا إلا وأنت ع الأقل مصلي ركعتين قيام ليل والشفع والوتر 😌 هتفرق معاك أوي☺
تصدق لله في نفس اللحظة ولو بالنية وبعدين خرجها وعدد النوايا وخليك ناصح 😉
وابدأ صفحة جديدة من اللحظة دي ☺ واجبر نفسك على الطاعة كل ما الشيطان يحسسك بالكسل والخنقة استعيذ بالله منه ماتسلمش نفسك لعدوك 👌🏼
واوعى تبطل دعاء 🙌🏻 حبيبك النبي عليه الصلاة والسلام معصوم من الخطأ وكان أكثر دعائه 👇🏻
"اللهم يامقلب القلوب ثبت قلبي على دينك "
الخلاصة 👌🏼☺
إنك لازم تفهم إن لك عدو طول ما انت عايش هيفضل وراك عشان يبعدك عن ربنا ولو قفلت في وشه باب هيدخلك من باب تاني مش هيسيبك في حالك من الآخر 😠
والحل إنك تفضل على طول محصن نفسك بكل أنواع الأسلحة اللي تدمره وبالإستعانة بالله بإذن الله مش هيقدر عليك
متقلقش 😊 ربنا قال
( إِنَّ كَيْدَ الشَّيْطَانِ كَانَ ضَعِيفًا )
يعني انت الأقوي 💪
وأسلحتك (صلاتك وخشوعك وذكرك واستغفارك وصدقاتك وقيام الليل وبر الوالدين و... حاجات كتير بترضي ربنا وبيحبها )
YOU ARE READING
~ Massage ~
General Fictionدي رساله مني ليكم 😌 لكل واحده بتعمل غلطه وعي عارفه وبتقول مش قادره ...😔 لكل واحده نفسها تتوب ومش عارفه ....😭 ياريت تستفادم من القصص دي😍💙
