#اخدعهم #بجسدي 💃 👭
الجزء 10
#نقيب امير
شيحجون..
وره العشه التمو كلهم بالبيت الجبير وشربو جاي وعلي كال تعاي لبيتي عندي حجي وياج..
رحت اول مادخلت مرته خلت كدامي مي وكلاص عصير اول مره هيج تسوي وتفاجئت بأبتسامتهه بوجهي ..
-كول ابو تيسير.. خير ان شاء الله؟
علي:شفتي حالتي وتدرين ماعدي ولادرهم ..
-اي ..؟
علي:الزلمه مايرضه لو كل المبلغ لو ..
-اي كمل ؟
علي: انطيج اله هديه..
-شنوو؟ علي صدك تحجي؟
علي:جا تخلين اخوج ينحبس لو ينكتل واتشمت بي الناس..
-واني شعرف منه ومدام شغله بالفايض هذا اكيد مو خوش علي اني مستحيل اقبل ..
علي:رواء! كبرتج ودرستج وتعبت عليج هيج تجازيني اول ماطحت تخليتي عني؟
-لا محد كبرني ودرسني غير ابويه هو الي تعب عليه انتو كلكم عارضتوني ..
هو صاح امشي طلعي بره ماريد اشوف وجهج... دخلت للغرفه واني مصدومه من علي.. بس ولو ليش انصدم مو جديده عليهم سالفه الماديات
تركت السالفه ومهتميت وكلت لو تنطبك السمه ع الارض مااقبل يريد ينطيني بدال ديونه .. عباله اني سلعه وبكيفه..
مرت الساعات ابيت اهلي مثل الاشهر والجو كلش متوتر وكلها اعصاب وخايفين من الديانه... ردت اقطع اجازتي واخذ امي ونروح ومقبلت جانت بس تبجي وحالتها حاله ...
واني بهاي الفتره خلصت الادويه الي اخذها طبعا كلها مال حاله نفسيه وتخفف القلق وادويه النوم بليل .. مكدرت اطلع ولاكدرت اكول لاحد يجيبلي فصار الليل مر ماينجرع .. ابقه اتكلب بفراشي لو اطلع للحديقه امدد ع الثيل واباوع ع السما لو تجيني حاله البجي لو الكي نفسي اتصل بسراج ويادوب يرد عليه ومرات ميرد .. قررت بس اروح لبغداد اراجع طبيب نفسي لان بعد حالتي مينسكت عنها واخذت ادويه بكيفي ع حسب معرفتي
المهم
#اخدعهم #بجسدي 💃 👭
الجزء 11
#نقيب امير
المهم
بيوم الي اتحضر بي اريد اروح كعدت الصبح وحضرت جنطتي ودخلت للحمام اسبح كملت وطلعت ومااسمع بس عياط اسماء الي هي وحده من نسوان اخواني .. دخلنه اني واخويه ماجد وجان يدفر بيها وهي مثل الفريسه جوا... اني كبل رحت جريته من يمه وماجد دفعه طلعه من الغرفه...
اسماء ومحمد نادرا مايتعاركون ومتوصل بيهم هيج ابد .. اول ما جريتهه باوعت بوجهي ىكالت كله من وراج..
ماجد:شبيج شكو مخابيل انتو؟ جهالكم بطولكم وتتمالخون..
-اني شعليه بيج واصلتج؟
هي طكتها طك كدام ماجد ىكالت:اي من اكله ع تلفوناتج تالي الليل محد يصدكني وهاي النتيجة انه بس ردت احافظ عليج عود حماتي اكول وخطيه خاف احد لاعب عليها..
اني جمدت بمكاني ووجهي كام يطلع نار احسه..
ماجد:وج انتي شتمضرطين ها؟!
اسماء وهي تعيط ومنفعله:اي جام شفت مارضت تسد دين اخوهه اختك عدها شي وهاي اذني التاكلها الدود سمعتها تكله شوكت تحن عليه وتجاوبني مثل قبل...
ماجد صار يخازر بيه واني مافتحت حلكي بحجايه.. عاد ماجد نزل بكل هدوء واني امشي ورا ع كيف شفته دخل غرفتنه اني وامي وقفلها علي.. اني تخبلت كلت اي راح يشوف التلفون ماكو غيرها.. دكيت ع الباب وعيطت ولطمت فدوه ماجد افتح وماكو..
امي جانت يم جيرانه عدهم عزه.. اول مدخلت انصدمت وشويه وماجد فتح الباب ومااحس بس الكفخه ع وجهي..
وكعت للكاع وكامت تجيني بوكسيات ودفرات من كل مكان..
كل ضربه تهد حيلي واني منا منتهيه عايشه ع المسكنات ماشلت راسي بس سمعت اصوات اخوني كلهم فوك راسي وماجد يسولفلهم شصار(التلفون كله غراميات ورسائل سراج موجوده الي يكلي بيهن اريد اشوفج لو اليوم اجيج وحته فشار اكو) وهو يضرب بيه من كل مكان اسمع صوت امي تلطم وتصرخ وعلي رجع ع امي راد يضربها وكاللها هاي تاليها مو بس من راد يضربها كلهم وخرو مني ولزمو علي...
اجه علي وسحلني من شعري دخلني للغرفه وقفلها../
اني قرفصت بمكاني وكل جزء بيه يوجعني.. كمش شعري حيل وصاح:منو هذا سراج؟ شعندج ويا؟
اني سكتت وسألني اكثر من مره ومجاوبت وهم رجع يضربني تالي ركع راسي بالحايط حسيت راسي صار جرس.. صحت ودموعي تصب وصوتي مبحوح..
-علي موتني وخلصني
علي:ولج اشوفج المر ومااموتج.. ومن اكلج اوكفي لاخوج مارضيتي .. انه اعلمج.. باجر ترحين لسلمان(الي يطلب علي) وانتي الممنونه وبالج اسمع مسويه شي لو تصدين الرجال...
-علي الله يخليك موتني ولتخليني اروح لهيج واحد..
علي:انتي زباله وهو هم زباله مثلج.. وج كليلي سراج شمسوي وياج؟ احجيييييي! نام وياج؟ احجي ادبسز؟ وركع راسي
-لا
أنت تقرأ
اخدعهم بجسدي
ChickLit#قصه حقيقيه بلسان حال #صاحبتها #عنوانها #اخدعهم #بجسدي 💃👭 القصه حقيقيه من أحد زملائنا لاتحكموا علهم قبل أن #تكملوها بالقلم #نقيب امير
