بلا عنوان

الفصل الحادي عشر

#بلا_عنوان
الفصل الحادي عشر
#قصص_اسراءالجميلي

كافي حبيبتي اسكتي لا تحجين ..
انداريت على يحيى ..
بلا زحمة عليك ابو كرم تعال وياية ..
هااا اي جاي ..
اشرت الجهالي بما معناها انتبهوا عليه ..
حركو راسهم اي ..
دخلنه الغرفتنه سديت الباب ..
كعد على القنفة كعدت بصفه ..
يحيى انت دا تشك بالابنية شئ ..
اووووف لا ابد ما عندي ذرة شك ..
لعد حرام علينه نضغط عليه ..
زين شلون تبقه يا حبيبه ؟
فهميني ..
يحيى تخيل احنه الله خالقنه يزيد او مسيح و صار بينه الي صار ..
اذا بتنه لا سامح الله راحت على ناس تقبل يرفضوه و يذبوه بالشارع و يرجعوه للضيم ..
طبعاً لا ..
اذاً احنه ما عدنه حل غير بس نبقيه لحد ما نشوفلنه فرصة و نهربه ..
بس اذا كشفونه نروح بيه كلنه ..
خليه تبقه يمنا على الاقل لحد ما ترتاح و يطيب ظهره ..
تره كله مفلع ..
هسه مفروض اداويه ..
زين وين نبقيه ..
و اذا اجوي جوارينه اقاربنه شلون ؟
باوع للمطبخ او الهول بعد ما اخليه تدخل ..
حتى لحد يشوفه من الشباك ..
و اذا اجانه احد او طلعنه من البيت كلنه ..
انخليه جوه بالسرداب ..
امممم خوش انطيني فرصة افكر ..
اوكي براحتك ..
طلعنه شفتهم يسولفون و خطية ابتسامه بوجهه كلش حلوة ..
ها حبيبتي شلونج ؟
زينه خالة الحمدلله ..
يحيى : عمو بس اسالج سؤال اخير ؟
اي عمو تفضل ..
ليش جيتي يمنه احنه شمعنه ؟
كامت وكفت ..
عمو اني رحت البيت قبلكم ..
جانت بيه مرة و بنية و اطفال اثنين صغار ..
طلعوني مقبلوني ..
ليش عمو ؟
لان الام خافت من الجهال لا يحجون بره و يأذوهم ..
هااا ..
انطوني اكل بس انقهرت و طلعت منهم ..
مشيت بشارعكم شفت بيكم سنطه ..
عبالي ما بيه احد ..
عبرت عليكم كلت ارتاح و بعدها اروح الغير مكان ..
زين شكد مفكرة تبقين يمنه ..
نزلت راسه و كامت تبجي ..
ما اعرف عمو ..
بس تسهل الامور و اروح ..
الله يسهل بنتي ..
هسه خالتج تفهمج شتفقنه ..
عافنه و اشر ال كرم و طلعوا ..
سنا : ماما خلي تنام يمي ؟
اي حبيبتي بس اصعد وياكم ..
علمود اعقم ظهره و اخليله ميبو حتى يطيب و يخف الاثر ..
حاضر ماما هسة اجيبه ..
صعدت فوك وياها ..
اندارت على الصوبة الكهربائية و نزعت بلوزة و غطت جسمه من كدام بيه ..
سنا : يمممممه هاي شمسوين بيج ..
اجتي لزمت اديه و اني اعقمه ..
حبيبتي ربي يعينج ..
ظهره عبارة عن شكوك بعرض الاصبع و اكبر ..
مفتوحة و كله قيح ..
حسبي الله عليهم ..
وج ذولة ابيش ضربوج و ليش ؟
ضربوني بكيبل الكهرباء العريض ..
عاطت سنا ..
ماما ..
وكفت ايدي ..
وج شبيج ؟
تعاي شوفي جتفه من كدام ..
شكو ؟
باوعت ليكدام اشوف جويات ..
وج هاي شنو ؟
نزلت دموعه ..
خالة من جتفي من الامام الى اسفل بطني حروك ..
امي حركتني ..
شنو الله يح ..
جان تخلي اديه على حلكي ..
لا خالة حبابه لا تحجين عليه ..
وج شلون ام هيج تسوي ؟
خالة امي نومتني و جوتني بالخاشوكة ..
وي كل جويه تعيط قبلي و تغمض عيونه ..
زين ليش فهميني ؟
خالة حروك امي هيه الي نقذتني منهم ..
و موتته ..
لبست هدومه ..
اندارت علينه ..
بعد ما حركتني امي و كامت من اجيه بوجهي متباوع ..
تنقهر لان هيج سوتلي ..
بس كالتلي ماما ممكن يجي يوم و تسوين تجميل و تروح الحروق و اثارها ..
بس حركة يومية تصيرين جوه واحد شكل و يستبيح جسمج ..
بدون عقد امام الخالق و الناس ادمرج و تأذيج ..
سمعت كلامه ..
فد يوم جنت نايمه وي البنات ..
طبعاً عشرين بنية بغرفة وحدة ..
بس زولية بالكاع و كل وحدة بطانية ..
ندفه باجسامنه المتلازكة و انفاسنه ..
حتى صوبه ماكو ..
اجتي المسؤولة ..
سيرينا وين ؟
كمت و اني ارجف من الخوف اكثر من البرد ..
نعم ..
تعاي يريدج الامير ..
كمت ابجي ليش عفية اني شمسوية ؟
عاطت تعاي بلا حجي زايد ..
حجيت للامير عنج و رادج ..
حتصيرين سعيدة جارية الامير ..
مو احسن من غسل الحمامات و التنظيف ..
بس ابجي تمنيت الموت ..
وصلت يمه شمرتني بالغرفة و راحت ..
اجه هو عمره يطلع فوك الستين ..
ريحته مو طيبه ..
سنونه صفر ..
وجه مكرمش ..
لحيته طويله و مجعدة ..
حجه بصوت يرعب القلب ..
لازم تفرحين حتصيرين جاريتي حسب الشريعة الاسلامية ..
شنو رئيج ؟
بس ابجي ..
كافي دموع التماسيح و انتوا كلكم ك..........
لا عمو و الله اني مو هيج ..
ههههه عمو ..
تدرين صار الي اربعين سنه خارج العراق ..
جماله متغير و صاير احلى ..
يتلمس وجهي ..
و اني كاشة منه ..
لعبت نفسي اريد بس ازوع ..
اجه عليه كمت اعيط بكتمت نفس ..
شك هدومي شهكت شهكة شكت صدري ..
هاي شنو شبي جسمج و اللج ؟
محروكه عمو محروكة ..
عاط ..
لججج سعااااااد ..
صاح المسؤولة ..
هاي الي جسمه حلو ..
عاطت بيه ..
منو سوالج هيج كلبه ..
خفت بقيت ابجي و ارجف ..
هاي اكيد امه ..
راحوا جابو امي اعترفت راساً ..
خيرونه من تموت و منو تبقه تخدم ..
امي ضحت بنفسه علمودي ..
كامت تبجي بصوت ..
حضنته ..
خالة كدام كل البنات نزعو امي من فوك وبدو يحركون بيه بالشيش لحد ما ماتت..
تعيط و من تصير عينه بعيني..
تخيلي تضحكلي.

فالقصة حب قديم تحُيه سارينا