سارة وهي تحاول التخلص من قبضته وبشئ من الخوف:
عملت ايه...... انا معملتش حاجة الصور ديه لقيتها في اوضة كامل اخويا
هي وورقة الجواز العرفي ديه قولت لازم انبهك انت عارف انت غالي عندي اد ايه
وبعدين لو مش مصدق الصور ديه مش امضة فريدة مش ده خطها
اسر وهو يمسك بورقة الجواز العرفي ويدقق في الامضاء بصدمه باينه علي وجهه
فقد تم تزوير امضاء فريدة ببراعة حيث من يراها يظن انها هي من قامت بالامضاء
سارة بملامح انتصار بعد رؤيه وجه اسر:ها امضتها ولا مش هي
اسر بتعلثم: اه ............ بس مايمكن تكون مزورة استحاله فريدة تعمل كده
مش ممكن مش ممكن انا مش مصدق وهوي علي الكرسي
سارة بحنان مصطنع وخبث :اسر انا عارفة انك مصدوم
بس هي ديه الحقيقة فريدة علي علاقة بكامل اخويا من مدة كبيرة
البت سارة ديه انا مش عارف معجونه من ايه غوري يا شيخة جاك خابط في نفوخك
اسر بعد تصديق: مستحيل ديه ديه مش بطيقه
سارة: ده علشان تسبك التمثليه ومحدش يشك في حاجة
وبعدين هي موفقتش ليه علي خطوبتكم بعد ده كله
انت عارف هي مسافرة ليه علشان كامل كمان مسافر بعد شهر
واتفقوا انها تحصله بعديها بمده..... اسر انا حبيت بس اوعيك
واوريك مين اللي قلبه عليك ومين اللي بيخدعك
اسر :بس ليه ليه فريدة تعمل كده انا مش قادر افهم انا لازم اواجهها وهم بالخروج
سارة بسرعة:لا لا لا هي اكيد هتنكر وانت لو مش مصدق
هي هتقابل كامل بعد بكرة في كافيه (......) الساعة 4 انا سمعنه وهو بيكلمها في التليفون
وبيتفق معاها لو مش مصدق روح واتاكد لكن انت لو واجهتها دلوقتي اكيد هتنكر
اسر بهزيمه وغضب: ماشي وعزة جلاله الله لو طلع كلامك صح لاخلي فريده تشوف ايام سوده
اما لو كنتي بتشتغليني يا سارة انا مش هقول انا ممكن اعمل فيكي ايه ولا حتي خيالك
ممكن يصورك اللي هعمله فيكي وخرج بغضب
سارة :هنشوف يا اسر............. ياااااااااااااااااااه كل حاجة ماشيه تمام
اصبري عليا يا فريدة ان ما وريتك مبقاش انا سارة ودق تليفون سارة
سارة : الو
كامل:.................
سارة : يعني وصلتها الصور وكلمتك
كامل:....................
سارة :هههههههههههههههههههه اموت واشوف وشها
كامل:..........................
سارة: تمام وانا كمان قولت لاسر اقابلك بالليل علشان نظبط كل حاجة سلام
ايه ده فيه حد بالمنظر ده اعوذ بالله الهي تولعو
عودة الي فريدة وادم
فريدة: بس انت هتعرف تعمل ده ديه حاجة صعبة قوي
ادم بثقة: يابنتي ده مفيش اسهل منه وبعدين انا مش هزور اي حاجة
فريدة برجاء وخوف: ادم ارجوك متتخلاش عني والموضوع ده مش لازم حد يعرف حاجة عنه
وببكاء انا مش عارفة انا بيحصلي كدة ليه
ادم:انتي بتقولي ايه اكيد طبعا وبعدين انتي مش عارفة انتي بالنسبالي ايه
يا فريدة انتي اختي الصغيرة وانا لا يمكن اتخلي عنك اهدي بقي
اما الواطي ده انا هعرف اربيه المهم اي حاجة يقولك عليها تعمليها
وانا هكون جمبك في كل لحطة متخافيش
فريدة بامتنان: متشكرة اوي يا ادم ربنا يخليك ليا انا مش عارفة انا كنت هعمل ايه من غيرك
ادم:متقوليش كده وبعدين يلا احنا ورانا شغل كتير ...........ولكي يخرج فريدة من حالتها
:يووووووووووووه شفتي اديكي نستيني انا كنت جاي ليه
فريده بتساؤل:ليه
ادم :لازم تشوفيلك حل مع الريس منصور والا انا مش مسئول عن اللي هيحصل
فريدة:ماشي يا ادم انا هتكلم معاه واتفاهم
ادم :طب يلا بقي علشان اوصلك
فريدة:لا انا معايا العربية
ادم باصرار:لا انا هوصلك مش هينفع اخليكي تروحي لوحدك
وبشئ من المرح يلا يا بت قدامي انتي تطولي اني اوصلك غيرك يتمني يلا
>>>>>>>>>>>>>>>>>>>>>>>>>>>>>>>>>>>>>>>>>
في منزل اسر في غرفته حيث كان يرزع الغرفة ذهابا وايابا
اسر وهو يكلم نفسه: مستحيل فريده تعمل كده
طب والصور
اكيد فيه حاجة غلط
وهو يمسك بورقة الزواج العرفي بس ديه امضة فريده انا لا يمكن اتوه عنها
لا لا لا انا مش مصدق معقوله فريده كانت بتلعب بيا لا هي بتحبني
امال سابتك ليه بعد ماكنتم متفقين علي كل حاجة
علشان كرامتها لما عرفت الرهان
بجد هي مش قالت قبل كده اللي بيحب بيسامح
مش عارف مش عارف انا دماغي هتنفجر مش معقول
خلاص كلها يومين وتتاكد بس ساعتها هتعمل ايه لو عرفت ان فريدة كانت بتخدعك
اسر بغضب لنفسه لا ديه هتشوف اللي عمرها ما شافته مش اسر اللي يتلعب بيه الكورة
اسر بببببببببببببببببببببس بقي كفايه حرام عليك اسكت شويه
ويدخل الي الحمام لاخذ شاور بارد عله يستطيع ان يهدا ويريح عقله ولكن هيهات
>>>>>>>>>>>>>>>>>>>>>>>>>>
اما عند ادم بعد ان اوصل فريده التي كانت في حال يرثي لها
ادم : فريدة اهدي ومتفكريش في اي حاجة انا هحل كل المشكله متقلقيش
فريدة :ماشي يا ادم
ادم :يلا ادخلي واقابلك بكرة سلام
في فيلا سليم الحسيني
ليلي والدة فريدة: ديدي حبيبتي انتي رجعتي
فريدة وهي تحاول التماسك : ايوة يا مامي
ليلي: مالك يا ديدي انتي كويسه وشك تعبان ليه انتي حاسه بحاجة اطلبلك الدكتور
فريدة : لا ابدا مش تعبانه بس اليوم كان مرهق شويه
ليلي: اوكي طب يلا اطلعي علي اوضتك وخديلك شاور علبال ما اخلي فاطمة تحضرلك العشا
فريدة: لا مش عايزة انا اكلت في الشركة انا هطلع اوضتي ارتاح امال بابي فين
ليلي: عنده عشاء عمل علشان صفقته الجديدة
فريدة : اها ماشي
ليلي : ماشي يا حبيبتي طب انتي عايزة حاجة انا خارجة
فريدة : علي فين
ليلي: انطك شاهي عزماني علي بارتي عندها بمناسبه فوزها براسه عضويه النادي
فريدة بابتسامه سخريه في نفسها (ناس فاضية) اوكي يا مامي سلام
ليلي وهي تقبل ابنتها:سلام يا روح قلبي لو عوزتي حاجة اندهي علي فاطمة
فريدة :ماشي يا مامي انا طالعة
ليلي وهي تغادر :باي يا روحي
فريدة بعد ان ذهبت الي غرفتها وببكاء مرير: انا مش عارفة بيحصلي كده ليه
انا عملت ايه في دنيتي علشان يحصلي كل ده الانسان اللي بحبه يطلع كداب
و كمان الواطي التاني اللي طلعلي في البخت اعمل ايه بس يا ربي انا تعبت تعبت
>>>>>>>>>>>>>>>>>>>>>>>
ادم وهو يحدث احدهم في الهاتف
ادم : يعني هتقدر تجبهم
الشخص: ...................
ادم: تمام بس انا عايزهم بعد بكرة الصبح
الشخص:................
ادم : لا ولا صعبة ولا حاجة انت قدها وقدود
الشخص: ده العشم برضو يا كبير
الشخص:...............
ادم : تمام وانا هستني منك تليفون يلا سلام
ادم :كده تمام قوي اصبر عليا يا كامل الكلب ان ما وريتك مبقاش انا ادم
>>>>>>>>>>>>>>>>>>>>>>>>>>>>>>>>>>>>
