كنت راقدة في سابع نوم 😳😳 بصح اني نتخيل في روحي نضت اليوم بكري ماشي كيما موالفة او اني في الكوزينة نطيب القهوة او لحليب للدار شوية هكا حتا نلقى روحي فالارض نعم انها نبع الحنان جبدت الغطا جيت طايحة فالارض او بدات تعرش
ماما:واش نتي متحشميش قريب تزوجي او لوكان منوضكش ماتنوضيش تمنيت كاش نهار نوض نصيبك فالكوزينة ياربي
انا : علا هاذيك مانيش حاباتك تلقاينة فالكوزينة يا ماما اني خايفة جيك سكتة قلبيو من الشوك او نحصل بيك
ماما : نوضي مانعرف واض درت في حياتي حتى بلاني ربي بيك نوضي
بعد المحاضرة ليداتها هناء من يماها ناضت تحري لدوش غسلت وجهها او سنيها خرجت خملت فراشها او راحت بدلت حوايجها لبست روب طويلة فالnoir او كونفارس بيضة او خيمار بيض رفدت كورطابها او هبطت سلمت على باباها او قعدة في الطابلة
انا: ماما لحمار تع ايمن ماتحوسيش عليه كامل ااا هو ماعليش ماينوضش او انا لالا ماكاش كامل ديمقراطية في هاذ الدار
ماما:اسكت او تزيدي تهدري هو مسكين لبارح ماولاش من الخدمة حتى 12 تاع اليل او تضلي تعسي فيه مسكين شوفي تزيدي كلمة نقسملك راسك بالمغرف
انا : ايوا ولا فيها المغرف مالا نسكت خير .
ايمن: صباح الخير واش هاذ لعياط 😠😠 هناء بديتينا من الصباح
انا : 😒😒😒
ايمن : واش ماكيش قادرة تهدري
بابا: ههههه خليها لوكان تهدر اتيري عليها يماك بالمغرف
ايمن : هههههههه مايليقلك غير المغرف
انا: خلاص اني رايحة حيروح عليا الحال ايا تبقاو على خير
بابا: بالسلامة بنتي
-----------------------------------------------------------عند اسلام : ناض اليوم الصباح كيما كل يوم دخل ادوش خرج لبس كوستيم او ستيكا روحو او هبط عند يماه او باباه
اسلام : صباح الخير
احمد : صباح الخير
سميرة : صباح الخير وليدي ريح استقهوا معانا او روح
اسلام : اواه ماكالاه يمى راح عليا الحال عندي اجتماع
سميرة : بالسلامة
خرج اسلام يجري ركب طونوبيل تاعو او ديمارا كان يسوق كي المهبول خاف يوصل روطار على الاجتماع تاعو ماكاش كامل يشوف فالطريق من القلقة حتى يشوف طفلة قاطعة طريق قريب قتلها حبس اسلام الطونوبيل او هبط
عند هناء : كنت حنقطع الطريق حتى نشوف واحد الطونوبيل جاية نجري حتخبطني تسمرت في بلاصتي من الخوف او ماعرفتش واش اندير او طحت فالارض شوية هكا حتى يخرج مول الطونوبيل
اسلام : واش حمارة نتي عمية واقيل ماتشوفيش طريق
هناء : كانت مشوكية حتى سمعاتو هدر هكاك وتنوض
هناء :اسمع ماكاش حمار قدك هاذي مليحة ضربني وبكا كنت حتخبطني تكرازيني او باش تقولي اسمحيلي جاي تتعيط او تعرش
اسلام : تقلقت جامي واحد قالي حمار ولا عيط عليا حتى والديا دوك جي طفلة كيما هاذي ماتسوا والو دير لي ماداروهش لوخرين
هناء : ايا واش اك تستنا واقيل نقولك اسمحلي
اسلام: عينيه حمارو تقلق تع الصح كان حيضربها بكف حتى تفكر الاجتماع تاعو راح يجري للطونوبيل او ديمارا قريب قاسها
هناء :😤😤😤 يخي عيباد يخي هذا صح مايحشمش
