لاتتركني وترحل
الكاتبهtabarak hasan(تبارك حسن(
بارت 26
ليان:صدك وشنو ردج اكيد قبلتي
سرى:لا بس كتله خلي نتعرف ع بعض اكثر
مينا:ايي اتعرفي عليه اكثر وشوفي شنو اطباعه وبعدين قرري زواج لتستعجلين هيه مولعبه
سرى:ايي طبعن اني هم هيج بالي وبعد وكت ع زواج
مينا:طلعن بل حديقه
ليان:اني اطلع
مينا:وانتي سرى
سرى:شويه والحكجن
مينا:طلعنه للحديقه نتمشه بيهه كلش حلو معتنين بيهه ومرتبيهه ورحت الورد ياخذ الروح عدنه شجرتين وحده قريبه ع ثانيه دروت وجهي ع ليان
ليان:ها مينا
مينا:روحي جيبي سنسله لوحبل قوي
ليان:شسوين بيهن
مينا:جيبي ومعليج راحت تركض وشويه واجتي بيدهه سنسله. اخذتهن وربطت وحده بشجره وطرف الثاني بشجره الثانيه وطبيت جبت خشبه وسويتهه مقعد وغلفتهه ورحت شديتهه ع سنسله وكعدت اجربهه وصحت ليان دفعيني
ليان:باع المخبله جكد تحبين هيج سوالف
مينا:ايي بداخلي طفل واضحك لج دفعي اقوه يل فاهيه
ليان:صرت فاهيه خوش لعد اني فايته
مينا:يله تعاي يلنادره دفعي قوي
ليان:نزلي خلي اجربهه
مينا:معليه ماانزل دفعيني هواي واني انزل
ليان:يله كااافي
مينا:شوفي اجتي سرى تركض لزمن سره 😂
سرى:يله دور الي
مينا:لاليان خطيه نزلت كعدت ع صفحه اباوعلهن وهنه يلعبن
سرى:تعاي مينا خلي نطك صوره
مينا:اجيت كمت يمهن كعدت ع مرجوحه وهنه وحده ع يمنه وحده ع يسره وطكينه اجتي امي
رباب:ها هاي شمسوياات
مينا:اني سويت مرجوحه نتونس بيهه
رباب:خوش اتونسن بيهه ديربالج لتوكعن
مينا:ماشي ضلينه نلعب بيهه صار العصر صعدت الغرفتي سبحت وغيرت ملابسي ورتبت نفسي ونزلت لكيت ابويه كاعد يباوع اخبار
مينا:بابا وين امي
حسين:بغرفتهه هسه تنزل تعاي كعدي هنا
مينا:كعدت يمه وكمت اباوع اخبار ويا طلعو يحجون ع خبراء المتفجرات وشلون يطهرون الارض وجان يطلعون سيف ضليت صافنه ع TV ويصورون بيهم اهيس روحي راحت ابويه ضل يباوع ع تلفزيون وعليه اني ضربتهه صفنه شلون متغير وصاير حلو مزين لحيه وبس شارب بزي الشرطه وطوله وشعره وبياضه اثاري افراكي مريحه بوقتهه صدك اختنكت وضجت شفته مرتب ولايكلك تراب موجود وهوه بمنطقه قتال صوت امي وعاني
رباب:وين بالج مينا شبيج صافنه
مينا:مابيه شي
رباب:يله كومي خلي روح حاجزتلج من بارحه حته منتأخر
مينا:اوك كمت وياهه صعدت لكدام وهيه سوق اخذت طريق كله ضاربته صفنه وافكر بسيف وشكله وكلبي يدك سريع راح من بالي مرضي وشنو بيه وجاي يصير حدما وصلنه للمستشفى اهليه نزلت ودخلنه للمستشفى ورحنه كبل لدكتور انتضرنه شويه ودخلنه
رباب:السلام عليكم
الدكتور: وعليكم السلام وين المريضه
مينا:اني
الدكتور:شنو بيج بنتي احجي
مينا:دكتور قبل شهر تقريبا صار عندي شد عضلي بأيدي.واباوع الامي صافنه بوجهي واخذت اسبوعين وكمت اسعل وطلع دم اباوع الامي لطمت ع خدودهه
رباب:ولج ليش ماحجيتهه من قبل ليش مكتيلي
مينا:ماردت اخوفكم عبالي شغله عاديه والله
دكتور:اهدئي مدام خلي افتهم من مينا ايي كملي
مينا:ايي دكتور واستمر شد العضلي عدي بس دم ع مرتين طلع وانكطع بعد ماكو والصبح امي شافت هذه الورم الي بركبتي اني ممنتبهتله
دكتور:يعني هذه الورم قبل سنه مموجود عندج
مينا:لاماكو
دكتور:روحي لتحليلات وحللي وتعاي
مينا:طلعت من دكتور وامي اكلت كلبي شلون يصير بيج هيج ومتحجيلي اني امج وضلت تاكل بنفساهه كتلهه ماما بعد
شي وصار تريد تمنعي خلي نحلل ونشوف شنو اخذت تحليلات كلشي مابين عندي اخذولي عينه من الورم وماعرف شنو علته اله يسون عمليه ويعرفون شنو هذه الورم امي ماقبلت وتخبلت اخذتي ورجعت للبيت اني صعدت الغرفتي اركض سديتهه عليه وكعدت ابجي وشويه والبنات اسمعهن يدكن بلباب مينا فتحي شبيج مينا ردي صار وياج شي اني ضليت اصيح وكسر بغراضي روحن عني مابيه شي لحد يدك الباب اريد ارتاح سمعت صوت امي وابويه فتحي الباب اريد نحاجيج شويه وكمت فتحته نزلو البنات وسدو الغرفه وكعدو يمي
رباب:شوفي بنتي اني اخاف عليج واعزج وحاسبتج بنتي ويمكن لو صاير عندي اطفال مااعزهم بكد ماعزيتج وحبيتج سوي الي راح نكلج عليه
حسين:مادام الله موفقنه وخالي بدينه احنه راح نسفرج الاحسن مستشفى بتركيا حته نطمن عليج
مينا:مااروح وخواتي منو الهن ماكدر اطلع واعوفهن
رباب:من تتعافين ترجعيلهن هنا يعيشن احسن عيشه وابوج يمهن والخدامه
حسين:بنيتي روحي ولتخافين ع خواتج اخليهن بعيوني
مينا:سالمات عيونك بابا والله ادري خايفين عليه بس ماكدر اروح
رباب:بنتي علمود صحتح مااكدر اعوفج هيج انتي مرتاحه بوضعج ضلين هيج وميعرفون علتج شنو
مينا:لااكيد مامرتاحه بس خلي ارتاح وراجع فكري ورجعلكم الخبر
رباب:يله حسين خلي نطلع عوفهه ترتاح
مينا:كامو عافوني وطلعو سمعتهم يكولون للبنات لضغطن عليهه عوفنهه ترتاح وراحو هنه دخلن كعدت ع جربايه يمي وشبكني وكامن يبجن
.
.
يتبع
