كي درت نشوف شكون هذا الشاهد لقيتها طبيبة شهرة تلفتهالي كامل كفاش حتى راح تشهد و هي ماعلابالها بوالو
المحامي: آنسة شهرة راكي تقولي بلي موكلي بريء من اتهامات السيدة أسماء و راكي تقولي فالشهادة تاعك بلي صح وصلها للدار على خاطر كانت مريضة بصح مادخلش للدار و عندك الدليل على هذا ؟
شهرة : انعم قبل هذا سمعتها بوذني فالسبيطار كي كانت تضارب مع طالبة تقرا عندي و جبدو فؤاد و على حساب مافهمت كاانت حاطة عينها عليه ايا انا بقيت نعسها مور ماصرا الدواس و شفتهم خرجو كيف كيف على هاذي بقيت مقلقة عليه و عيطت لجارت اسماء وصيتها تعسهم كي يلحقو
محامي اسماء : هههه ماتدخلش هاذي الحكاية فالراس كفاش جبتي الرقم تع جارت اسماء و انت ماتعرفيش كامل موكلتي
سكتت شهرة شوية امبعد قالت
شهرة : ايه مانعرفهاش بصح الطالبة تاعي تعرفها كانت اسماء حبيبتها الانتيم هي لي قاتلي عليها الوغ عيطتلها و كاين دليل يثبت صحة كلامي
محامي اسماء : سيدي القاضي شهادة هاذي فيها تناقض ماتدخلش للعقل صح كي راكي تقولي بلي الجارة شافتو مادخلش وين راهي هادي الجارة علاه ماجاتش تشهد
القاضي : جاوبي
شهرة: ماحبتش جي تشهد من خوفها بصح عندي دليل بلي عيطتلها هذاك النهار
محامي تاعي : سيدي القاضي نطلب منك تأجيل الجلسة وإعادة فتح تحقيق لظهور أدلة جديدة
القاضي : بعد الاستماع للشهود و غياب الأدلة التي تتبث ادانة المتهم قررت المحكمة إطلاق سراح المتهم فؤاد يوسفي مؤقتا حتى يتم التحقيق في القضية
كي سمعت الحكم ولاتلي الروح حتى ولو مازال ما علنوا على البرائة تاعي المهم تهنيت من الحبس
كي طلقوني خرجت شفت في ماني لقيتها ميتة بالفرحة و جات ليا قاتلي الحمدلله وليدي ربي مافيه غير لخير امبعد جازت علينا اسماء شافت فيها ماني كلاتها بعينيها حسيتها راح تضربها
ماني : خبيثة يكشفك ربي غير ماتخميش
انيس : ماني ماتغلطيش عينيك راهم معميين هذا واحد خداع
انا: مانديرش عليك انيس و مانزعفش منك علاخاطر مازال ماعلابالك واش راك حاط في دارك
شهرة : فؤاد مبروك عليييك من لول كان علابالي بلي خاطيك و كي قالولي كذبتهم كامل و قتلهم فؤاد مايديرش هكذا
انا: نهار لي يعلنو على برائتي لتم قوليلي مبروك بصح ماننساهالكش طول حياتي الوقفة تاعك شهرة لوكان ماشي انت كون راني راح نبقا فالحبس
ماني : ربي يحفظك يا بنتي ماعلاباليش كفاش نقدر نرجعلك خيرك هذا روحي ربي يلاقيك بوليد الحلال لي يتهلا فيك
أنت تقرأ
je t'aime à la folie
Romanceقصة عشق ابطالها نجمة و فؤاد لي يعشقو بعضاههم بصح تخرجلهم مشاكل بزاف و عراقيل زعما رايحيين يحاربو على جال حبهم هذا واش راح نعرفوه في بقية القصة
