كتلهم اني عندي دوام ماكدر اروح امي كالت لعد اني ابقه وياك كتلها لا يمه انتي روحي اني بالدوام ليش تبقين وحدج
راحو واني رحت لدوام وره ماطلعو يمكن نص ساعة اجاني اتصال بالطريق صاير انفجار واهلي سيارتهم محتركه وكلهم ماتو ماتتصورين شكد
عشت ايام صعبة كرهت كل حياتي مخلي وقتي للدراسه حالتي كل يوم تزيد بس اول ماشفتج
حسيتج فرحتي وحسيت انتي الي راح تكمليني
يمكن راح تكولين شبسرعه حبيتج تبارك من اول نضره دخلتي كلبي من اشوفج انسى كل احزاني
كتله استاذ ماهر اني اسفه بس صدكنياني ماناسبك كلي تقصدين اني ماناسبج كتله لا والله بالعكس انت انسان مثقف وخلوق بس اني عندي ظروف صعبه كلي كليلي اني مستعد
اتحمل كلشي كتله لا استاذ صدكني ماراح تتحمل شي اتمنى تشوف الي احسن مني كلي خلص تبارك فهمت كلشي ماكو داعي تبررين
وعيونه صارت نار وطلع وي ماطلع دخلت سمر كالت هلا هلا كاعدين وحدكم اي عيني ليش لا
كتلها كافي سمر ترى انتي اجاوزتي هوايكلتلي اصبري ياتبارك والله بالجامعة ماراح اخليج وطلعت ياربي اني ناقصني هاي الخبله
طلعت راسن للبيت واني داخلي منهاروصلني للباب حارث وراح كلي اني راح اروح لسوك امي ومنى وخالتي ينتضروني كتله روح ربي يوفقك دخلت البيت صعدت اشوف بابا
ماكو بغرفته طبيت لغرفتي بدلت سمعت صوت الباب كلت اكيد بابا نزلت واشوف مازن كلي تعاي تعاي ولج اني انضرب من وراجكلش خفت منه كتله مازن انت الي ضربتني بدون سبب كلي ولج كل هذا الي صار وتكولين بلا سبب كتله مازن اني ليش
ليش اني انخطفت والي خاطفني انحكم 15 سنه
شنو غلطي صار يتقرب مني وعيونه تجدح نار
كلي اليوم اطلع كل قهري بيج لزمني من شعريوسحلني اريد بس احد يجي ماكو موتني كتل ورمني الحد ماحسيت بعد ماكدر اكوم دفرني
وطلع حلكي دم عيني احس ماكدر افتحهدخل بابا شافني اتخبل كلي منو سوى بيج هيج كتله بابا وكعت من الدرج ماردت اكله مازن لان هوه مريض الي بيه يكفي وماريد مشاكل
جديده وي مازن اجوي ماما وحارث وكتلهم نفس الكلام امي داوت جروحي وجرح الكلب من يداويه صعدت لغرفتي
اباوع لوجهي كله مزورك شلون راح اداوم مددت واني فكري يم ماهر شنو فكر بيه يمكن فكر اني اريد شخص ثاني ياربي ليش هيج صار بيه
جان المفروض هسه اقبل بيه واعيش حياتي اذكر ملامحه القاسيه وبس وياي يضحك شسوي اروح احجيله كلشي يمكن مايصدكني وبسافضح نفسي نمت واني افكر كعدت الصبح خليت مكياج حتى الضرب شوي ميبين بس هم مبين يله شسوي الي يسألني اكول وكعت
دخلت الجامعة والكل يباوع عليه هذول شبيهم معقوله هلكد الضربه واضحه اجت البنيه صديقتي كلتلي ولج تبارك شنو هذا الكلام
![](https://img.wattpad.com/cover/136975251-288-k267021.jpg)